Xekhaliyas 10
10
Tus TSWV Coglus Tso Nws Haivneeg Dim
1Ciali thov kom tus TSWV tso nag los rau lub caij nplooj ntoos hlav. Tus TSWV yog tus uas tso nagtshauv thiab tuamtsam nag los, ua kom tej qoobloo hlob ntsuab xwbxiab rau txhua leej txhua tus. 2Tej neeg mus cuag mlom thiab saib hmoov, tiamsis tej lus uas luag teb rau lawv yog lus dag thiab tsis muaj qabhau dabtsi. Ibtxhia txhais npausuav, tiamsis yog dag xwb; tej lus uas lawv nplig nej siab yeej tsis yog lus tseeb li. Yogli ntawd, cov neeg thiaj ncig mus ncig los li tus yaj uas yuamkev lawm. Lawv raug tsimtxom vim lawv tsis muaj tus coj. #Math 9:36; Malak 6:34
3Tus TSWV hais tias, “Kuv npautaws heev rau cov neeg txawv tebchaws uas kav Kuv haivneeg, Kuv yuav rautxim rau lawv. Cov Yudais yog Kuv tug, thiab Kuv, uas yog tus TSWV uas muaj Hwjchim Loj Kawg Nkaus, yuav tsomkwm lawv. Lawv yuav yog Kuv cov nees caij ntaus rog uas muajzog ntws hauv tshavrog. 4Yuav muaj cov nomtswv, cov thawjcoj, thiab cov thawj tubrog sawv hauv lawv los tswjhwm Kuv haivneeg.#10:4: Yuav muaj… haivneeg; lossis Tagnrho cov neeg uas raug tsimtxom cov nomtswv, cov thawjcoj, thiab cov thawj tubrog yuav uake tawm hauv tebchaws Yudas los. 5Cov Yudais yuav muajyeej yam li cov tubrog uas muab lawv cov yeebncuab tsuj nthi rau hauv cov av nkos hauv tej kev. Lawv yuav mus ntaus rog rauqhov tus TSWV nrognraim lawv, thiab txawm yog yeebncuab tej tubrog uas caij nees los lawv yuav kovyeej.
6“Kuv yuav ua kom cov Yudais muajzog;
Kuv yuav cawm cov Yixalayees.
Kuv yuav hlub tshua lawv
thiab coj lawv txhua tus rov los tsev.
Lawv yuav nyob yam li uas Kuv yeej tsis tau muab lawv tsotseg dua li.
Kuv yog tus TSWV uas yog lawv tus Vajtswv; Kuv yuav teb lawv tej lus thov.
7Cov Yixalayees yuav muajzog yam nkaus li pab tubrog,
yuav zoosiab yam nkaus li cov neeg uas haus cawv txivhmab.
Lawv cajces yuav ncontsoov txoj kev uas muajyeej no,
thiab zoosiab heev rau tej uas tus TSWV tau ua tag los lawm.
8“Kuv yuav hu Kuv haivneeg
thiab sau lawv rov los nyob ua ibke.
Kuv yuav cawm lawv
thiab ua kom lawv rov huamvam coob li thaum ub.
9Txawm yog Kuv tau muab lawv ntiab mus nrog txhua haivneeg nyob,
thiab txawm yog lawv mus nyob deb heev los lawv tseem yuav ncontsoov Kuv.
Lawv thiab lawv tej menyuam yuav dim
thiab yuav uake rov los tsev.
10Kuv yuav coj lawv tawm hauv tebchaws Iziv thiab Axilias rov los
thiab cia lawv nyob hauv lawv lub tebchaws.
Kuv yuav cia lawv mus nyob hauv Nkile-as thiab pem Lenpanoos huv tibsi;
yuav muaj neeg mus nyob thoobplaws hauv lub tebchaws.
11Thaum lawv hla tus hiavtxwv uas muaj kev nyuajsiab
los Kuv, uas yog tus TSWV, yuav tswj kom tej dej ntas ntawd nyob tusyees,
thiab tus Dej Nais uas tob tshajplaws los yuav nqhuab tas.
Cov Axilias txoj kev khavtheeb yuav raug muab txo kom qis,
thiab Iziv tus cwj kav tebchaws yuav ploj mus.
12Kuv yuav txhawb kom Kuv haivneeg muajzog;
lawv yuav pehawm Kuv thiab mloog Kuv lus.”
Tus TSWV yog tus hais tej lus no.
လက္ရွိေရြးခ်ယ္ထားမွု
Xekhaliyas 10: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Xekhaliyas 10
10
Tus TSWV Coglus Tso Nws Haivneeg Dim
1Ciali thov kom tus TSWV tso nag los rau lub caij nplooj ntoos hlav. Tus TSWV yog tus uas tso nagtshauv thiab tuamtsam nag los, ua kom tej qoobloo hlob ntsuab xwbxiab rau txhua leej txhua tus. 2Tej neeg mus cuag mlom thiab saib hmoov, tiamsis tej lus uas luag teb rau lawv yog lus dag thiab tsis muaj qabhau dabtsi. Ibtxhia txhais npausuav, tiamsis yog dag xwb; tej lus uas lawv nplig nej siab yeej tsis yog lus tseeb li. Yogli ntawd, cov neeg thiaj ncig mus ncig los li tus yaj uas yuamkev lawm. Lawv raug tsimtxom vim lawv tsis muaj tus coj. #Math 9:36; Malak 6:34
3Tus TSWV hais tias, “Kuv npautaws heev rau cov neeg txawv tebchaws uas kav Kuv haivneeg, Kuv yuav rautxim rau lawv. Cov Yudais yog Kuv tug, thiab Kuv, uas yog tus TSWV uas muaj Hwjchim Loj Kawg Nkaus, yuav tsomkwm lawv. Lawv yuav yog Kuv cov nees caij ntaus rog uas muajzog ntws hauv tshavrog. 4Yuav muaj cov nomtswv, cov thawjcoj, thiab cov thawj tubrog sawv hauv lawv los tswjhwm Kuv haivneeg.#10:4: Yuav muaj… haivneeg; lossis Tagnrho cov neeg uas raug tsimtxom cov nomtswv, cov thawjcoj, thiab cov thawj tubrog yuav uake tawm hauv tebchaws Yudas los. 5Cov Yudais yuav muajyeej yam li cov tubrog uas muab lawv cov yeebncuab tsuj nthi rau hauv cov av nkos hauv tej kev. Lawv yuav mus ntaus rog rauqhov tus TSWV nrognraim lawv, thiab txawm yog yeebncuab tej tubrog uas caij nees los lawv yuav kovyeej.
6“Kuv yuav ua kom cov Yudais muajzog;
Kuv yuav cawm cov Yixalayees.
Kuv yuav hlub tshua lawv
thiab coj lawv txhua tus rov los tsev.
Lawv yuav nyob yam li uas Kuv yeej tsis tau muab lawv tsotseg dua li.
Kuv yog tus TSWV uas yog lawv tus Vajtswv; Kuv yuav teb lawv tej lus thov.
7Cov Yixalayees yuav muajzog yam nkaus li pab tubrog,
yuav zoosiab yam nkaus li cov neeg uas haus cawv txivhmab.
Lawv cajces yuav ncontsoov txoj kev uas muajyeej no,
thiab zoosiab heev rau tej uas tus TSWV tau ua tag los lawm.
8“Kuv yuav hu Kuv haivneeg
thiab sau lawv rov los nyob ua ibke.
Kuv yuav cawm lawv
thiab ua kom lawv rov huamvam coob li thaum ub.
9Txawm yog Kuv tau muab lawv ntiab mus nrog txhua haivneeg nyob,
thiab txawm yog lawv mus nyob deb heev los lawv tseem yuav ncontsoov Kuv.
Lawv thiab lawv tej menyuam yuav dim
thiab yuav uake rov los tsev.
10Kuv yuav coj lawv tawm hauv tebchaws Iziv thiab Axilias rov los
thiab cia lawv nyob hauv lawv lub tebchaws.
Kuv yuav cia lawv mus nyob hauv Nkile-as thiab pem Lenpanoos huv tibsi;
yuav muaj neeg mus nyob thoobplaws hauv lub tebchaws.
11Thaum lawv hla tus hiavtxwv uas muaj kev nyuajsiab
los Kuv, uas yog tus TSWV, yuav tswj kom tej dej ntas ntawd nyob tusyees,
thiab tus Dej Nais uas tob tshajplaws los yuav nqhuab tas.
Cov Axilias txoj kev khavtheeb yuav raug muab txo kom qis,
thiab Iziv tus cwj kav tebchaws yuav ploj mus.
12Kuv yuav txhawb kom Kuv haivneeg muajzog;
lawv yuav pehawm Kuv thiab mloog Kuv lus.”
Tus TSWV yog tus hais tej lus no.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.