Xekhaliyas 1
1
Tus TSWV Hu Nws Haivneeg Rov Los Cuag Nws
1Xyoo thib ob thaum lub yim hli ntuj uas Dali-us ua huabtais kav tebchaws Pawxias, tus TSWV tau hais cov lus no rau Xekhaliyas, tus cev Vajtswv lus, uas yog Npelekhiyas tus tub thiab yog Idaus tus xeebntxwv. #Exala 4:24—5:1; 6:14 2Tus TSWV uas muaj Hwjchim Loj Kawg Nkaus hais rau Xekhaliyas kom mus hais rau cov neeg tias, “Kuv uas yog tus TSWV, npautaws heev rau nej cov yawgkoob, 3tiamsis nimno Kuv hais rau nej tias, ‘Nej ciali rov los cuag Kuv, Kuv thiaj yuav rov los cuag nej. 4Tsis txhob zoo li nej cov yawgkoob ua tag los lawm. Yav thaum ub cov xibhwb cev Vajtswv lus tau muab Kuv tej lus coj mus qhia lawv, kom lawv tsis txhob ua kev phem kev qias ntxiv lawm. Tiamsis lawv tsis mloog lossis tsis quavntsej Kuv tej lus li. 5Nej cov yawgkoob thiab cov xibhwb cev Vajtswv lus ntawd twb tsis muaj sia nyob tag lawm. 6Los ntawm Kuv cov tubtxib uas yog cov xibhwb cev Vajtswv lus ntawd, Kuv twb muab Kuv tej kevcai rau lawv qhia rau nej cov yawgkoob tag lawm, tiamsis lawv tsis quavntsej tej ntawd li, lawv thiaj raug kev nyuajsiab. Tomqab ntawd lawv thiaj leestxim thiab lees paub tias Kuv, uas yog tus TSWV uas muaj Hwjchim Loj Kawg Nkaus, tau txiavtxim rau lawv rawsli tej uas lawv tsimnyog tau txais, thiab rawsli qhov uas Kuv tau npajsiab yuav ua lawm.’ ”
Tus Xibhwb Cev Vajtswv Lus Ua Yogtoog Pom Ib Pab Nees
7Xyoo thib ob thaum lub kaum-ib hlis ntuj (yog lub hli Senpas), hnub neesnkaum-plaub uas Dali-us ua huabtais kav tebchaws ntawd, muaj ib hmo tus TSWV tau hais ib co lus rau kuv hauv nruab yogtoog. 8Kuv pom ib tug txivneej caij rawv ib tug txivnees liab. Nws txawm los nres rau ntawm ib koog ntoo tswqab uas nyob hauv ib lub hav, thiab tom nws qab muaj ib pab caij cov nees liab, nees daj-doog, thiab nees dawb. #Tshwm 6:4; Tshwm 6:2
9Kuv nug tus timtswv uas nrog kuv tham ntawd tias, “Tus tswv, lub ntsiablus ntawm pab uas caij nees no yog dabtsi?”
Nws teb tias, “Kuv yuav qhia lub ntsiab ntawd rau koj.” 10Ces tus timtswv ceebtsheej uas sawv ntawm cov ntoo tswqab txawm hais tias, “Pab caij nees ntawd yog cov uas tus TSWV tso mus tshuaj lub ntiajteb.”
11Ces cov caij nees ntawd txawm rov los tshabxo rau tus TSWV tus timtswv ceebtsheej uas sawv ntawm cov ntoo tswqab hais tias, “Peb tau mus ncig thoobplaws lub ntiajteb lawm, mas peb pom lub ntiajteb nyob ntshaus ntsho thiab tsis muaj leejtwg pab li.”
12Ces tus timtswv ceebtsheej hais tias, “Tus TSWV uas muaj Hwjchim Loj Kawg Nkaus, Koj chim rau lub nroog Yeluxalees thiab tej nroog hauv tebchaws Yudas los tau xyacaum xyoo no lawm. Tseem tshuav ntev licas Koj thiajli mam tabncuab lawv?”
13Tus TSWV teb ib co los npligsiab rau tus timtswv ceebtsheej uas nrog kuv tham ntawd, 14ces tus timtswv ntawd thiaj hais kom kuv ciali qhia rawsli tus TSWV uas muaj Hwjchim Loj Kawg Nkaus tej lus uas hais tias, “Kuv txoj kev hlub thiab kev tshua mas tob heev rau lub nroog Yeluxalees, uas yog Kuv lub nroog dawbhuv, 15thiab Kuv chim kawg nkaus rau txhua haivneeg uas muaj kev zoosiab nyob ntsiagto thiab muaj kev nyabxeeb ntawd. Kuv tsuas yog chim mentsis rau Kuv haivneeg xwb, tiamsis txhua haivneeg ciali ua rau Kuv haivneeg raug txomnyem dhau qhov Kuv npaj tseg lawm. 16Yogli ntawd, Kuv thiaj rov los rau hauv lub nroog Yeluxalees thiab qhia Kuv txoj kev tabncuab rau lub nroog ntawd. Kuv lub Tuamtsev yuav raug txhimkho dua tshiab, thiab lub nroog yuav raug txhimkho kom zoo.”
17Tus timtswv ceebtsheej tseem kom kuv qhia ntxiv hais tias, “Tus TSWV uas muaj Hwjchim Loj Kawg Nkaus hais tias Nws tej nroog yuav rov vammeej dua, thiab Nws yuav pab lub nroog Yeluxalees dua ib zaug ntxiv thiab suav hais tias lub nroog ntawd yog Nws lub.”
Zaj Yogtoog Uas Pom Cov Kub Nyuj
18Muaj dua ib zaj yogtoog uas kuv pom plaub tug kub nyuj. 19Kuv txawm nug tus timtswv ceebtsheej uas nrog kuv tham ntawd tias, “Lub ntsiablus ntawm cov kub nyuj no yog dabtsi?”
Nws teb kuv tias, “Cov kub nyuj no piv txog tej tebchaws hauv lub ntiajteb uas muaj hwjchim, uas tau muab cov neeg Yudais, cov Yixalayees, thiab cov neeg hauv Yeluxalees caum khiav ri sua rau ub rau no.”
20Ces tus TSWV txawm qhia plaub tug tibneeg ua haujlwm uas ib leeg tuav rawv ib rab rauj ntawd rau kuv. 21Kuv nug tias, “Cov txivneej no tabtom tuaj ua dabtsi?”
Nws teb tias, “Lawv yog cov uas tuaj hem thiab ntaus txhua haivneeg uas tuaj muab lub tebchaws Yudas tsuj puastsuaj tag, thiab muab cov Yudais caum khiav mus nyob uasab uasua lawm.”
လက္ရွိေရြးခ်ယ္ထားမွု
Xekhaliyas 1: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Xekhaliyas 1
1
Tus TSWV Hu Nws Haivneeg Rov Los Cuag Nws
1Xyoo thib ob thaum lub yim hli ntuj uas Dali-us ua huabtais kav tebchaws Pawxias, tus TSWV tau hais cov lus no rau Xekhaliyas, tus cev Vajtswv lus, uas yog Npelekhiyas tus tub thiab yog Idaus tus xeebntxwv. #Exala 4:24—5:1; 6:14 2Tus TSWV uas muaj Hwjchim Loj Kawg Nkaus hais rau Xekhaliyas kom mus hais rau cov neeg tias, “Kuv uas yog tus TSWV, npautaws heev rau nej cov yawgkoob, 3tiamsis nimno Kuv hais rau nej tias, ‘Nej ciali rov los cuag Kuv, Kuv thiaj yuav rov los cuag nej. 4Tsis txhob zoo li nej cov yawgkoob ua tag los lawm. Yav thaum ub cov xibhwb cev Vajtswv lus tau muab Kuv tej lus coj mus qhia lawv, kom lawv tsis txhob ua kev phem kev qias ntxiv lawm. Tiamsis lawv tsis mloog lossis tsis quavntsej Kuv tej lus li. 5Nej cov yawgkoob thiab cov xibhwb cev Vajtswv lus ntawd twb tsis muaj sia nyob tag lawm. 6Los ntawm Kuv cov tubtxib uas yog cov xibhwb cev Vajtswv lus ntawd, Kuv twb muab Kuv tej kevcai rau lawv qhia rau nej cov yawgkoob tag lawm, tiamsis lawv tsis quavntsej tej ntawd li, lawv thiaj raug kev nyuajsiab. Tomqab ntawd lawv thiaj leestxim thiab lees paub tias Kuv, uas yog tus TSWV uas muaj Hwjchim Loj Kawg Nkaus, tau txiavtxim rau lawv rawsli tej uas lawv tsimnyog tau txais, thiab rawsli qhov uas Kuv tau npajsiab yuav ua lawm.’ ”
Tus Xibhwb Cev Vajtswv Lus Ua Yogtoog Pom Ib Pab Nees
7Xyoo thib ob thaum lub kaum-ib hlis ntuj (yog lub hli Senpas), hnub neesnkaum-plaub uas Dali-us ua huabtais kav tebchaws ntawd, muaj ib hmo tus TSWV tau hais ib co lus rau kuv hauv nruab yogtoog. 8Kuv pom ib tug txivneej caij rawv ib tug txivnees liab. Nws txawm los nres rau ntawm ib koog ntoo tswqab uas nyob hauv ib lub hav, thiab tom nws qab muaj ib pab caij cov nees liab, nees daj-doog, thiab nees dawb. #Tshwm 6:4; Tshwm 6:2
9Kuv nug tus timtswv uas nrog kuv tham ntawd tias, “Tus tswv, lub ntsiablus ntawm pab uas caij nees no yog dabtsi?”
Nws teb tias, “Kuv yuav qhia lub ntsiab ntawd rau koj.” 10Ces tus timtswv ceebtsheej uas sawv ntawm cov ntoo tswqab txawm hais tias, “Pab caij nees ntawd yog cov uas tus TSWV tso mus tshuaj lub ntiajteb.”
11Ces cov caij nees ntawd txawm rov los tshabxo rau tus TSWV tus timtswv ceebtsheej uas sawv ntawm cov ntoo tswqab hais tias, “Peb tau mus ncig thoobplaws lub ntiajteb lawm, mas peb pom lub ntiajteb nyob ntshaus ntsho thiab tsis muaj leejtwg pab li.”
12Ces tus timtswv ceebtsheej hais tias, “Tus TSWV uas muaj Hwjchim Loj Kawg Nkaus, Koj chim rau lub nroog Yeluxalees thiab tej nroog hauv tebchaws Yudas los tau xyacaum xyoo no lawm. Tseem tshuav ntev licas Koj thiajli mam tabncuab lawv?”
13Tus TSWV teb ib co los npligsiab rau tus timtswv ceebtsheej uas nrog kuv tham ntawd, 14ces tus timtswv ntawd thiaj hais kom kuv ciali qhia rawsli tus TSWV uas muaj Hwjchim Loj Kawg Nkaus tej lus uas hais tias, “Kuv txoj kev hlub thiab kev tshua mas tob heev rau lub nroog Yeluxalees, uas yog Kuv lub nroog dawbhuv, 15thiab Kuv chim kawg nkaus rau txhua haivneeg uas muaj kev zoosiab nyob ntsiagto thiab muaj kev nyabxeeb ntawd. Kuv tsuas yog chim mentsis rau Kuv haivneeg xwb, tiamsis txhua haivneeg ciali ua rau Kuv haivneeg raug txomnyem dhau qhov Kuv npaj tseg lawm. 16Yogli ntawd, Kuv thiaj rov los rau hauv lub nroog Yeluxalees thiab qhia Kuv txoj kev tabncuab rau lub nroog ntawd. Kuv lub Tuamtsev yuav raug txhimkho dua tshiab, thiab lub nroog yuav raug txhimkho kom zoo.”
17Tus timtswv ceebtsheej tseem kom kuv qhia ntxiv hais tias, “Tus TSWV uas muaj Hwjchim Loj Kawg Nkaus hais tias Nws tej nroog yuav rov vammeej dua, thiab Nws yuav pab lub nroog Yeluxalees dua ib zaug ntxiv thiab suav hais tias lub nroog ntawd yog Nws lub.”
Zaj Yogtoog Uas Pom Cov Kub Nyuj
18Muaj dua ib zaj yogtoog uas kuv pom plaub tug kub nyuj. 19Kuv txawm nug tus timtswv ceebtsheej uas nrog kuv tham ntawd tias, “Lub ntsiablus ntawm cov kub nyuj no yog dabtsi?”
Nws teb kuv tias, “Cov kub nyuj no piv txog tej tebchaws hauv lub ntiajteb uas muaj hwjchim, uas tau muab cov neeg Yudais, cov Yixalayees, thiab cov neeg hauv Yeluxalees caum khiav ri sua rau ub rau no.”
20Ces tus TSWV txawm qhia plaub tug tibneeg ua haujlwm uas ib leeg tuav rawv ib rab rauj ntawd rau kuv. 21Kuv nug tias, “Cov txivneej no tabtom tuaj ua dabtsi?”
Nws teb tias, “Lawv yog cov uas tuaj hem thiab ntaus txhua haivneeg uas tuaj muab lub tebchaws Yudas tsuj puastsuaj tag, thiab muab cov Yudais caum khiav mus nyob uasab uasua lawm.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.