Malakis 2
2
1Tus TSWV uas muaj Hwjchim Loj Kawg Nkaus hais rau cov povthawj hlob tias, “Tej lus no yog Kuv hais rau nej: 2Nej yuavtsum hwm Kuv los ntawm tej haujlwm uas nej ua. Yog nej tsis mloog Kuv hais, Kuv yuav foom phem rau nej. Kuv yuav foom phem rau tej koobhmoov uas nej tau txais. Qhov tseeb, Kuv twb foom phem rau tej ntawd lawm, vim nej yeej tsis ua rawsli Kuv tej lus. 3Kuv yuav rautxim rau nej cov menyuam thiab yuav muab tej tsiaj uas nej coj tuaj tua fij rau Kuv ntawd cov quav pleev nej ntsejmuag, thiab Kuv yuav coj nej mus cuam rau ntawm qhov chaw uas pov cov tsiaj ntawd tej quav. 4Thaum ntawd nej yuav paub tias Kuv twb ceebtoom rau nej lawm, kom Kuv tej lus cogtseg rau cov povthawj hlob uas yog cov Levis cajces thiaj yuav nyob mus ibtxhis. #Teev 3:11-13
5“Nyob rau hauv Kuv tej lus cogtseg, Kuv tau coglus tias Kuv yuav pub kom lawv muaj sia ntev thiab nyob kajsiab lug; ces Kuv txawm pub tej no rau lawv kom lawv thiaj hwm Kuv. Thaum ntawd lawv puavleej hwm thiab ntshai Kuv kawg li. #Teev 25:12 6Lawv qhia qhov tseeb xwb, yeej tsis lam qhia tej tsis tseeb li. Lawv ua neej nrog Kuv sib raugzoo; tsis yog lawv coj ncaj xwb, tiamsis lawv tseem pab tau coob leej tso txoj kev ua phem tseg thiab. 7Cov povthawj hlob tes haujlwm yog qhia kom sawvdaws paub Vajtswv tseeb. Tsimnyog tej neeg mus cuag lawv uas yog mus kawm txog Kuv tus dejsiab, rauqhov lawv yog cov uas cev tus TSWV uas muaj Hwjchim Loj Kawg Nkaus tej lus.
8“Tiamsis nimno nej cov uas yog cov povthawj hlob tau tso txoj kev tseeb tseg lawm. Tej lus uas nej qhia twb ua rau coob leej mus ua txhaum lawm. Nej tau rhuav tej lus uas Kuv cogtseg rau nej lawm. 9Yogli ntawd, Kuv yuav ua kom cov Yixalayees saib tsis taus nej, rauqhov nej tsis ua rawsli Kuv tus dejsiab, thiab thaum nej qhia Kuv haivneeg, nej tseem saib ntsej saib muag qhia thiab.”
Cov Neeg Tsis Ncajncees Rau Vajtswv
10Puas yog peb sawvdaws koom tibleeg txiv xwb? Puas yog tibtug Vajtswv tsim peb sawvdaws xwb? Vim licas peb rhuav tej lus cogtseg uas peb ib leeg muaj rau ib leeg? Thiab vim licas peb thiaj thuam tej lus uas Vajtswv tau cogtseg rau peb cov yawgkoob lawm? 11Cov Yudais tau coj tsis ncajncees rawsli lawv tej lus cogtseg rau Vajtswv lawm. Lawv tau ua tej kev phem kev qias nyob hauv lub nroog Yeluxalees thiab thoobplaws hauv lub tebchaws. Lawv tau ua rau lub Tuamtsev uas tus TSWV hlub kawg nkaus tsis huv lawm. Cov txivneej tau mus yuav tej ntxhais uas pe lwm haivneeg tej nyuag vajtswv los ua pojniam. 12Thov tus TSWV muab cov neeg uas ua li ntawd tshem tawm hauv cov Yixalayees mus kom tag, thiab tsis txhob pub lawv nrog peb haivneeg koom nqa tej khoom tuaj fij rau tus TSWV uas muaj Hwjchim Loj Kawg Nkaus ntxiv li lawm.#2:12: Ib phau ntawv qub-qub thaum ub sau hais tias Thov… ntxiv li lawm; paub tsis meej tias lus Henplais yog txhais licas tiag txog qhov no.
13Muaj dua ib yam uas nej pheej ua. Nej tuaj quaj ua kuamuag ntub tus TSWV lub thaj tas, vim Nws tsis txais tej khoom uas nej coj tuaj fij rau Nws. 14Nej tseem nug hais tias vim licas Nws thiaj tsis yuav tej khoom fij ntawd? Nws tsis yuav vim Nws paub tias koj twb tsis ua rawsli tej lus cogtseg rau tus pojniam uas koj yuav thaum koj tseem hluas. Nws yog koj tus txijnkawm, txawm yog koj tau coglus rau Vajtswv tias koj yuav ncajncees rau nws los koj tseem rhuav tej lus uas koj tau cogtseg rau nws thiab. 15Vajtswv tsis yog tus uas muab koj los koomxeeb ua ib lub cev thiab ib lub siab nrog nws lov?#2:15: Nqe no sau hais tias Vajtswv tsis yog … nws lov; paub tsis meej tias lus Henplais yog txhais licas tiag txog qhov no. Vim licas Vajtswv thiaj ua li no? Twb yog Nws xav kom neb muaj tub muaj ki uas yog Vajtswv haivneeg tseeb tiag. Yogli ntawd, nej yuavtsum ncajncees rau tus pojniam uas nej yuav thaum nej tseem hluas los. 16Tus TSWV uas yog cov Yixalayees tus Vajtswv hais tias, “Kuv ntxub txoj kev sibnrauj! Kuv ntxub thaum uas muaj ib tug twg ua phem li ntawd rau nws tus pojniam. Yogli ntawd nej yuavtsum ncontsoov tsis txhob rhuav nej tej lus cogtseg uas hais tias nej yuav ncajncees rau nej tus pojniam.”
Hnub Vajtswv Txiavtxim Los Ze lawm
17Nej tej lus ua rau tus TSWV dhuavsiab kawg li. Tiamsis nej tseem nug hais tias, “Peb ua rau Nws dhuav licas?” Nej ua rau Nws dhuavsiab los ntawm qhov uas nej hais tias, “Tus TSWV uas muaj Hwjchim Loj Kawg Nkaus xav tias txhua tus uas ua phem puavleej yog neeg zoo, thiab Nws yeej txaussiab rau lawv.” Lossis nej nug hais tias, “Vajtswv tus uas ncajncees nyob qhovtwg?”
လက္ရွိေရြးခ်ယ္ထားမွု
Malakis 2: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Malakis 2
2
1Tus TSWV uas muaj Hwjchim Loj Kawg Nkaus hais rau cov povthawj hlob tias, “Tej lus no yog Kuv hais rau nej: 2Nej yuavtsum hwm Kuv los ntawm tej haujlwm uas nej ua. Yog nej tsis mloog Kuv hais, Kuv yuav foom phem rau nej. Kuv yuav foom phem rau tej koobhmoov uas nej tau txais. Qhov tseeb, Kuv twb foom phem rau tej ntawd lawm, vim nej yeej tsis ua rawsli Kuv tej lus. 3Kuv yuav rautxim rau nej cov menyuam thiab yuav muab tej tsiaj uas nej coj tuaj tua fij rau Kuv ntawd cov quav pleev nej ntsejmuag, thiab Kuv yuav coj nej mus cuam rau ntawm qhov chaw uas pov cov tsiaj ntawd tej quav. 4Thaum ntawd nej yuav paub tias Kuv twb ceebtoom rau nej lawm, kom Kuv tej lus cogtseg rau cov povthawj hlob uas yog cov Levis cajces thiaj yuav nyob mus ibtxhis. #Teev 3:11-13
5“Nyob rau hauv Kuv tej lus cogtseg, Kuv tau coglus tias Kuv yuav pub kom lawv muaj sia ntev thiab nyob kajsiab lug; ces Kuv txawm pub tej no rau lawv kom lawv thiaj hwm Kuv. Thaum ntawd lawv puavleej hwm thiab ntshai Kuv kawg li. #Teev 25:12 6Lawv qhia qhov tseeb xwb, yeej tsis lam qhia tej tsis tseeb li. Lawv ua neej nrog Kuv sib raugzoo; tsis yog lawv coj ncaj xwb, tiamsis lawv tseem pab tau coob leej tso txoj kev ua phem tseg thiab. 7Cov povthawj hlob tes haujlwm yog qhia kom sawvdaws paub Vajtswv tseeb. Tsimnyog tej neeg mus cuag lawv uas yog mus kawm txog Kuv tus dejsiab, rauqhov lawv yog cov uas cev tus TSWV uas muaj Hwjchim Loj Kawg Nkaus tej lus.
8“Tiamsis nimno nej cov uas yog cov povthawj hlob tau tso txoj kev tseeb tseg lawm. Tej lus uas nej qhia twb ua rau coob leej mus ua txhaum lawm. Nej tau rhuav tej lus uas Kuv cogtseg rau nej lawm. 9Yogli ntawd, Kuv yuav ua kom cov Yixalayees saib tsis taus nej, rauqhov nej tsis ua rawsli Kuv tus dejsiab, thiab thaum nej qhia Kuv haivneeg, nej tseem saib ntsej saib muag qhia thiab.”
Cov Neeg Tsis Ncajncees Rau Vajtswv
10Puas yog peb sawvdaws koom tibleeg txiv xwb? Puas yog tibtug Vajtswv tsim peb sawvdaws xwb? Vim licas peb rhuav tej lus cogtseg uas peb ib leeg muaj rau ib leeg? Thiab vim licas peb thiaj thuam tej lus uas Vajtswv tau cogtseg rau peb cov yawgkoob lawm? 11Cov Yudais tau coj tsis ncajncees rawsli lawv tej lus cogtseg rau Vajtswv lawm. Lawv tau ua tej kev phem kev qias nyob hauv lub nroog Yeluxalees thiab thoobplaws hauv lub tebchaws. Lawv tau ua rau lub Tuamtsev uas tus TSWV hlub kawg nkaus tsis huv lawm. Cov txivneej tau mus yuav tej ntxhais uas pe lwm haivneeg tej nyuag vajtswv los ua pojniam. 12Thov tus TSWV muab cov neeg uas ua li ntawd tshem tawm hauv cov Yixalayees mus kom tag, thiab tsis txhob pub lawv nrog peb haivneeg koom nqa tej khoom tuaj fij rau tus TSWV uas muaj Hwjchim Loj Kawg Nkaus ntxiv li lawm.#2:12: Ib phau ntawv qub-qub thaum ub sau hais tias Thov… ntxiv li lawm; paub tsis meej tias lus Henplais yog txhais licas tiag txog qhov no.
13Muaj dua ib yam uas nej pheej ua. Nej tuaj quaj ua kuamuag ntub tus TSWV lub thaj tas, vim Nws tsis txais tej khoom uas nej coj tuaj fij rau Nws. 14Nej tseem nug hais tias vim licas Nws thiaj tsis yuav tej khoom fij ntawd? Nws tsis yuav vim Nws paub tias koj twb tsis ua rawsli tej lus cogtseg rau tus pojniam uas koj yuav thaum koj tseem hluas. Nws yog koj tus txijnkawm, txawm yog koj tau coglus rau Vajtswv tias koj yuav ncajncees rau nws los koj tseem rhuav tej lus uas koj tau cogtseg rau nws thiab. 15Vajtswv tsis yog tus uas muab koj los koomxeeb ua ib lub cev thiab ib lub siab nrog nws lov?#2:15: Nqe no sau hais tias Vajtswv tsis yog … nws lov; paub tsis meej tias lus Henplais yog txhais licas tiag txog qhov no. Vim licas Vajtswv thiaj ua li no? Twb yog Nws xav kom neb muaj tub muaj ki uas yog Vajtswv haivneeg tseeb tiag. Yogli ntawd, nej yuavtsum ncajncees rau tus pojniam uas nej yuav thaum nej tseem hluas los. 16Tus TSWV uas yog cov Yixalayees tus Vajtswv hais tias, “Kuv ntxub txoj kev sibnrauj! Kuv ntxub thaum uas muaj ib tug twg ua phem li ntawd rau nws tus pojniam. Yogli ntawd nej yuavtsum ncontsoov tsis txhob rhuav nej tej lus cogtseg uas hais tias nej yuav ncajncees rau nej tus pojniam.”
Hnub Vajtswv Txiavtxim Los Ze lawm
17Nej tej lus ua rau tus TSWV dhuavsiab kawg li. Tiamsis nej tseem nug hais tias, “Peb ua rau Nws dhuav licas?” Nej ua rau Nws dhuavsiab los ntawm qhov uas nej hais tias, “Tus TSWV uas muaj Hwjchim Loj Kawg Nkaus xav tias txhua tus uas ua phem puavleej yog neeg zoo, thiab Nws yeej txaussiab rau lawv.” Lossis nej nug hais tias, “Vajtswv tus uas ncajncees nyob qhovtwg?”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.