ဆာလံကျမ်း 74:1-9

အို ဘုရားသခင်​၊ အကျွန်ုပ်​တို့​ကို အဘယ်ကြောင့် အစဉ်​ငြင်းပယ်​တော်မူ​သနည်း​။ ကိုယ်တော်​၏​အမျက်​တော်​သည် ကိုယ်တော်​၏​စားကျက်​မှ​သိုးစု​အပေါ် အဘယ်ကြောင့်​တငွေ့ငွေ့​လောင်​တော်မူ​သနည်း​။ ရှေးကာလ​က ကိုယ်တော်​ဝယ်ယူ​ထား​သော ကိုယ်တော်​၏​လူမျိုး​တော်​၊ အမွေ​တော်​အဖြစ် ကိုယ်တော်​ရွေးနုတ်​တော်မူ​သော​အမျိုးအနွယ်​နှင့် ကိုယ်တော်​ကိန်းဝပ်​တော်မူ​ခဲ့​ရာ ဇိအုန်​တောင်​ကို အောက်မေ့​တော်မူ​ပါ​။ ထာဝရ​ပျက်စီး​ဆိတ်သုဉ်း​သော​အရပ်​သို့ ခြေဦးလှည့်​တော်မူ​ပါ​။ ရန်သူ​တို့​သည် သန့်ရှင်းရာဌာန​တော်​ထဲ၌ ရှိသမျှ​တို့​ကို ဖျက်ဆီး​ကြ​ပါ​ပြီ​။ ကိုယ်တော်​၏​ရန်သူ​တို့​သည် ကိုယ်တော်​၏ တွေ့ဆုံစည်းဝေးရာ​နေရာ​တွင် အော်ဟစ်​ကြ​ပါ​၏​။ သူ​တို့​၏​အောင်လံ​များ​ကို အမှတ်လက္ခဏာ​အဖြစ်​စိုက်ထူ​ကြ​ပါ​ပြီ​။ သူ​တို့​သည် သစ်ပင်​ထူထပ်​သော​အရပ်​တွင် ပုဆိန်​ကို​ဝှေ့ယမ်း​သော​သူ​ကဲ့သို့​ဖြစ်​ပြီး ယခုတွင် ဗိမာန်တော်​ထဲမှ​ပန်းပုရုပ်​အားလုံး​တို့​ကို ပုဆိန်​နှင့်​တူ​တို့​ဖြင့် ရိုက်ချိုး​ကြ​ပါ​၏​။ သူ​တို့​သည် ကိုယ်တော်​၏​သန့်ရှင်းရာဌာန​တော်​ကို မီးရှို့​ကြ​ပါ​၏​။ ကိုယ်တော်​၏​နာမ​တော်​တည်ရာအရပ်​ကို မြေ​သို့​ကျ​သည့်​တိုင်အောင် ရှုတ်ချ​ကြ​ပါ​၏​။ “​သူ​တို့​ကို အပြီးတိုင်​ချေမှုန်း​ကြ​မည်​”​ဟု မိမိ​တို့​စိတ်​ထဲ၌ ဆို​ကြ​ပါ​၏​။ ပြည်​တော်​အတွင်း​ရှိ ဘုရားသခင်​၏​တွေ့ဆုံစည်းဝေးရာ​နေရာ​ရှိသမျှ​တို့​ကို မီးရှို့​ကြ​ပါ​၏​။ အကျွန်ုပ်​တို့​၏​အမှတ်လက္ခဏာ​များ​ကို အကျွန်ုပ်​တို့​မ​မြင်​ရ​ပါ​။ ပရောဖက်​လည်း​မ​ရှိ​တော့​ပါ​။ မည်မျှ​အထိ ဤသို့​ဖြစ်​မည်​ကို​သိ​သော​သူ​လည်း အကျွန်ုပ်​တို့​ထဲတွင်​မ​ရှိ​ပါ​။