သုတ္တံကျမ်း 30:21-33

မြေကြီး​လှုပ်ခတ်​ရ​သော​အကြောင်းခြင်း​ရာ​သုံး​ပါး​မက မြေကြီး​မ​ခံ​နိုင်​သော​အကြောင်းခြင်း​ရာ​လေး​ပါး​မှာ ကျွန်​က မင်းပြု​ခြင်း​၊ မိုက်မဲ​သော​သူ​က အစာ​ဝ​ခြင်း​၊ မုန်းစရာ​ကောင်း​သော​မိန်းမ​က လက်ထပ်​ရ​ခြင်း​နှင့် ကျွန်မ​က သူ့​သခင်မ​၏​အမွေ​ကို​ဆက်ခံ​ရ​ခြင်း​တို့​ဖြစ်​ကြ​၏​။ ကမ္ဘာမြေကြီး​ပေါ်မှာ သေးငယ်​သော်လည်း အလွန်​ပညာရှိ​သည့် အရာ​လေး​ပါး​မှာ ခွန်အားကြီး​သော​အမျိုး​မ​ဟုတ်​သော်လည်း နွေရာသီ​၌ မိမိ​တို့​၏​အစားအစာ​ကို ပြင်ဆင်​တတ်​သော​ပုရွက်ဆိတ်​များ​၊ အင်အားကြီး​သော​အမျိုး​မ​ဟုတ်​သော်လည်း မိမိ​တို့​အိမ်​ကို ကျောက်​ထဲတွင်​တည်​တတ်​သော ရှာဖန်ယုန်​များ​၊ ဘုရင်​မ​ရှိ​သော်လည်း တစ်စုတစ်ပေါင်း​တည်း စီတန်း​သွားလာ​တတ်​သော​ကျိုင်းကောင်​များ​နှင့် လက်​ဖြင့်​ပင်​ဖမ်းယူ​နိုင်​သော်လည်း ဘုရင့်​နန်းတော်​တို့​တွင်​နေ​တတ်​သော​အိမ်မြှောင်​တို့ ဖြစ်​ကြ​၏​။ ခံ့ညား​စွာ​ခြေလှမ်း​လှမ်း​တတ်​သော​အရာ​သုံး​ပါး​မက ခံ့ညား​စွာ​လှမ်းလျှောက်​တတ်​သော​အရာ​လေး​ပါး​မှာ တိရစ္ဆာန်​ထဲတွင်​ခွန်အားကြီး​၍ မည်သည့်​အရာ​၏​ရှေ့​က​မျှ နောက်ပြန်​မ​လှည့်​တတ်​သော​ခြင်္သေ့​၊ ဟန်ပါမာန်ပါ​လျှောက်​တတ်​သော​ကြက်ဖ​၊ သို့မဟုတ် ဆိတ်ထီး​၊ စစ်သည်​အလုံးအရင်း​ခြံရံ​ထား​သော ရှင်ဘုရင်​တို့​ဖြစ်​ကြ​၏​။ သင်​သည် မိမိကိုယ်ကို​ချီးမြှောက်​လျက် မိုက်မဲ​စွာ​ပြုမူ​ခဲ့​လျှင်​၊ သို့မဟုတ် မကောင်း​ကြံစည်​ခဲ့​လျှင် သင်​၏​နှုတ်​ကို​လက်​နှင့်​ပိတ်​ထား​လော့​။ အကြောင်းမူကား နို့​ကို​မွှေ​လျှင် ထောပတ်​ကို​ရ​၍ နှာခေါင်း​ကို​ဆွဲလိမ်​လျှင် သွေး​ထွက်​တတ်​သကဲ့သို့ ဒေါသ​ကို​မွှေ​လျှင် ခိုက်ရန်​ဖြစ်ပွား​တတ်​၏​။