တောလည်ရာကျမ်း 16:16-21

ထို့နောက် မောရှေ​က ကောရ​အား “​မနက်ဖြန် သင်​နှင့် သင်​၏​အပေါင်းပါ​အားလုံး ထာဝရဘုရား​ရှေ့​တော်​သို့​လာ​ကြ​လော့​။ သင်​တို့​နှင့်အတူ အာရုန်​လည်း ရှိ​လိမ့်မည်​။ သင်​တို့​သည် မိမိ​တို့​၏​မီးကျီးခံဗန်း​ကို ယူ​၍ နံ့သာပေါင်း​ကို​ထည့်​ရ​မည်​။ သင်​နှင့်​အာရုန်​မှစ၍ သင်​၏​အပေါင်းပါ​အယောက်​နှစ်ရာ့​ငါးဆယ်​တို့​သည် မိမိ​တို့​၏​မီးကျီးခံဗန်း​ကို ထာဝရဘုရား​ရှေ့​တော်​သို့ ယူဆောင်​လာ​ရ​မည်​”​ဟု ဆို​၏​။ ထို့ကြောင့် သူ​တို့​သည် အသီးသီး မိမိ​တို့​၏​မီးကျီးခံဗန်း​ကို​ယူ​၍ မီး​ကို​ထည့်​ပြီးလျှင် မီး​ပေါ်၌ နံ့သာပေါင်း​ကို​တင်​၏​။ ထို့နောက် မောရှေ​၊ အာရုန်​တို့​နှင့်အတူ တွေ့ဆုံစည်းဝေးရာ​တဲ​တော်​အဝင်ဝ​၌ ရပ်​နေ​ကြ​၏​။ ကောရ​သည် လူထု​အပေါင်း​တို့​ကို တွေ့ဆုံစည်းဝေးရာ​တဲ​တော်​အဝင်ဝ​၌ စုရုံး​စေ​၏​။ ထိုအခါ ထာဝရဘုရား​၏​ဘုန်းအသရေ​တော်​သည် လူထု​အပေါင်း​တို့​ရှေ့​၌​ထင်ရှား​၍ ထာဝရဘုရား​က မောရှေ​နှင့်​အာရုန်​အား “​ဤ​လူထု​အပေါင်း​တို့​နှင့် ခွဲ​နေ​လော့​။ သူ​တို့​ကို ယခုချက်ချင်း ငါ​ဖျက်ဆီး​မည်​”​ဟု မိန့်​တော်မူ​၏​။