ယေရမိမြည်တမ်းစကား 3:1-48

ငါ​သည် ကိုယ်တော်​၏​အမျက်​တော်​ကြိမ်လုံး​ကြောင့် ဖိစီးနှိပ်စက်မှု​ကို ကြုံတွေ့​ခဲ့​ရ​သော​သူ​ဖြစ်​ပါ​၏​။ ကိုယ်တော်​သည် ငါ့​ကို​နှင်ထုတ်​တော်မူ​ပြီ​။ အလင်း​မ​ရှိ​သော မှောင်မိုက်​၌ သွားလာ​စေ​တော်မူ​ပြီ​။ စင်စစ် ကိုယ်တော်​သည် လက်​ကို​ဆန့်​၍ ငါ့​ကို တစ်နေ့လုံး အကြိမ်ကြိမ်​ဆုံးမ​တော်မူ​ပြီ​။ ကိုယ်တော်​သည် ငါ​၏​အသား​အရေ​ကို ရွတ်တွ​စေ​တော်မူ​ပြီ​။ ငါ​၏​အရိုး​တို့​ကို ချိုး​တော်မူ​ပြီ​။ ငါ့​ကို ဝန်းရံ​တိုက်ခိုက်​တော်မူ​ပြီ​။ ခါးသီးမှု​၊ ခက်ခဲမှု​ဖြင့် ဝိုင်းထား​တော်မူ​ပြီ​။ ကာလ​ကြာမြင့်​စွာ​က​သေဆုံး​သွား​သူ​ကဲ့သို့ ငါ့​ကို​မှောင်မိုက်​သော​အရပ်​ထဲ၌​နေ​စေ​တော်မူ​ပြီ​။ ငါ​မ​ထွက်သွား​နိုင်​အောင် ကြေးနီ​ကြိုး​ဖြင့်​ချုပ်နှောင်​၍ ပိတ်လှောင်​ထား​ပြီ​။ ငါ​အကူအညီ​အော်ဟစ်​တောင်းခံ​သော်လည်း ငါ​၏​ဆုတောင်းချက်​ကို နားညောင်း​တော်​မ​မူ​။ ငါ​သွား​သော​လမ်း​ကို ကျောက်နံရံ​ဖြင့် ပိတ်​ထား​ပြီး လမ်းခရီး​ကို ကွေ့ကောက်​စေ​တော်မူ​ပြီ​။ ကိုယ်တော်​သည် ငါ့​ကို ချောင်းမြောင်း​နေ​သော​ဝက်ဝံ​၊ ကွယ်​ရာ​၌​ပုန်း​နေ​သော​ခြင်္သေ့​ကဲ့သို့ ဖြစ်စေ​တော်မူ​ပြီ​။ ငါ့​ကို လမ်း​လွဲ​စေ​၍ အပိုင်းပိုင်း​ဆွဲဖြတ်​တော်မူ​ပြီ​။ ငါ့​ကို အထီးကျန်​စေ​တော်မူ​ပြီ​။ ကိုယ်တော်​သည် လေး​ကို​တင်​ပြီး ငါ့​ကို​ပစ်မှတ်​ထား​၍ မြား​ဖြင့်​ချိန်ရွယ်​တော်မူ​ပြီ​။ ကိုယ်တော်​၏​မြား​တို့​သည် ငါ့​နှလုံးသား​ကို ထိုးဖောက်​လေ​ပြီ​။ ငါ​သည် ငါ့​လူမျိုး​တို့​တွင် နေ့စဉ် ပြက်ရယ်ပြုစရာ​၊ သီချင်းဆိုစရာ ဖြစ်​လေ​ပြီ​။ ကိုယ်တော်​သည် ငါ့​ကို ခါး​သော​ဟင်းရွက်​ဖြင့် ဝအီ​စေ​တော်မူ​ပြီ​။ ဒေါနရည်​ဖြင့် မူး​စေ​တော်မူ​ပြီ​။ ငါ့​သွား​တို့​ကို ကျောက်စရစ်​များ​ဖြင့် ကျိုး​စေ​တော်မူ​ပြီ​။ ငါ့​ကို ပြာပုံ​ထဲတွင် လူး​စေ​တော်မူ​ပြီ​။ ငါ့​စိတ်ဝိညာဉ်​သည် ငြိမ်သက်​ခြင်း​ကင်း​လျက် ကောင်းစား​ခြင်း​ကို​လည်း မေ့လျော့​လေ​ပြီ​။ သို့ဖြစ်၍ “​ငါ့​ခွန်အား ကုန်ခန်း​ပြီ​။ ထာဝရဘုရား​ထံ​တော်​မှ ငါ့​မျှော်လင့်​ခြင်း ကုန်ဆုံး​ပြီ​”​ဟု ငါ​ဆို​ရ​၏​။ အကျွန်ုပ်​ခံရ​သော​ဖိစီးနှိပ်စက်မှု​၊ ဆင်းရဲဒုက္ခ​တို့​ကို သတိရ​တော်မူ​ပါ​။ အကျွန်ုပ်​သောက်​ရ​သော ဒေါနရည်​၊ အဆိပ်ရည်​တို့​ကို​လည်း သတိရ​တော်မူ​ပါ​။ ထို​အရာ​တို့​ကို အမြဲတမ်း​အမှတ်ရ​လျက် ငါ့​စိတ်ဝိညာဉ်​သည် ညှိုးငယ်​ရ​ပါ​ပြီ​။ သို့သော် ပြန်​၍​ဆင်ခြင်​ကြည့်​သောအခါ ငါ​၌ မျှော်လင့်ချက်​ရှိ​လာ​ပါ​ပြီ​။ ထာဝရဘုရား​၏​မေတ္တာကရုဏာ​တော်​ကြောင့် ငါ​တို့​သည် ပျက်စီး​ခြင်း​သို့​မ​ရောက်​ပါ​။ ကိုယ်တော်​၏​သနားစုံမက်​ခြင်း​သည်​လည်း အဆုံး​မ​ရှိ​ပါ​။ နံနက်တိုင်း ကရုဏာ​တော်​အသစ်​ကို ခံစား​ရ​ပါ​၏​။ သစ္စာ​တော်​သည် ကြီးမြတ်​တော်မူ​ပါ​၏​။ “​ထာဝရဘုရား​သည် ငါ​၏​ဝေစု​ဖြစ်​တော်မူ​၏​”​ဟု ငါ့​စိတ်​ထဲ၌​ဆို​လျက် ကိုယ်တော်​ကို မျှော်လင့်ကိုးစား​ပါ​မည်​။ ထာဝရဘုရား​ကို စောင့်မျှော်​သော​သူ​၊ ထာဝရဘုရား​ကို ရှာ​သော​သူ​ကို ကိုယ်တော်​ကောင်းစား​စေ​တော်မူ​ပါ​၏​။ ထာဝရဘုရား​၏​ကယ်တင်​ခြင်း​ကို ငြိမ်ဝပ်​စွာ​မျှော်လင့်စောင့်စား​သော​သူ​သည် ကောင်းကျိုး​ကို ခံစား​ရ​၏​။ လူ​သည် ငယ်ရွယ်​စဉ်အခါ ထမ်းပိုး​ထမ်း​သည်​မှာ ကောင်း​ပေ​၏​။ သူ့​အပေါ် ထမ်းပိုး​ကို တင်​တော်မူ​သည်​ဖြစ်၍ သူ​သည် တစ်ယောက်တည်း ငြိမ်ဝပ်​စွာ​ထိုင်​နေ​စေ​။ မျှော်လင့်ချက်​ရှိ​ကောင်း​ရှိ​နိုင်​သည်​ဖြစ်၍ သူ​သည် မျက်နှာ​ကို မြေမှုန့်​၌​အပ်​ပါစေ​။ ရိုက်​လို​သော​သူ​အား ပါး​ကို​လှည့်ပေး​၍ ကဲ့ရဲ့ပြစ်တင်​သမျှ​ကို​ခံ​ပါစေ​။ အကြောင်းမူကား ဘုရားရှင်​သည် အစဉ်​စွန့်ပစ်​တော်မူ​မည်​မ​ဟုတ်​။ ဝမ်းနည်းကြေကွဲ​စေ​တော်မူ​သော်လည်း မေတ္တာကရုဏာ​ကြီးမား​တော်မူ​သည်​နှင့်အညီ သနားစုံမက်​တော်မူ​လိမ့်မည်​။ ကိုယ်တော်​သည် လူသား​တို့​ကို ဒုက္ခဝေဒနာ​ခံစား​စေ​လို​သော​သဘော​၊ ဝမ်းနည်းကြေကွဲ​စေ​လို​သော​သဘော​ရှိ​တော်​မ​မူ​။ မြေကြီး​ပေါ်ရှိ အကျဉ်းသား​တို့​ကို နှိပ်ကွပ်​ခြင်း​၊ အမြင့်ဆုံး​သော​အရှင်​ရှေ့မှောက်​တွင် မတရားသဖြင့်​စီရင်​ခြင်း​၊ အမှုကိစ္စ​များ​ကို တရားမျှတ​စွာ​မ​စီရင်​ခြင်း စသည်​တို့​ကို ဘုရားရှင် နှစ်သက်​တော်​မ​မူ​။ ဘုရားရှင် မ​မိန့်မှာ​ဘဲ မည်သူ​သည် နှုတ်မြွက်​သည့်​အတိုင်း ဖြစ်လာ​တတ်​သနည်း​။ အမြင့်ဆုံး​သော​အရှင် နှုတ်မြွက်​သည့်​အတိုင်း အကောင်း​၊ အဆိုး ဖြစ်လာ​တတ်​သည်​မ​ဟုတ်​လော​။ လူ​၊ အသက်ရှင်​သော​လူ​သည် အဘယ်ကြောင့် မိမိ​အပြစ်​အတွက် စောဒကတက်​ရ​သနည်း​။ ကိုယ့်​အကျင့်အကြံ​များ​ကို ဆင်ခြင်သုံးသပ်​၍ ထာဝရဘုရား​ထံ ပြန်လှည့်​ကြ​စို့​။ ကောင်းကင်ဘုံ​ရှိ ထာဝရဘုရား​ထံ ငါ​တို့​စိတ်နှလုံး​ပါ​လျက် လက်​ကို ချီ​ကြ​စို့​။ ငါ​တို့ အပြစ်ကျူးလွန်​မိ​ပြီ​၊ ပုန်ကန်​မိ​ပြီ​။ ကိုယ်တော်​သည် ငါ​တို့​ကို ခွင့်လွှတ်​တော်​မ​မူ​။ ပြင်းစွာ​အမျက်ထွက်​လျက် ငါ​တို့​ကို လိုက်​၍ မ​ညှာ​မ​တာ​ကွပ်မျက်​တော်မူ​ပြီ​။ အထံ​တော်​သို့ ငါ​တို့​ဆုတောင်း​သံ​မ​ရောက်​အောင် ကိုယ်တော်​သည် ကိုယ့်ကိုယ်ကိုယ် တိမ်တိုက်​ဖြင့် ကာ​ထား​တော်မူ​ပြီ​။ ကိုယ်တော်​သည် ငါ​တို့​ကို လူမျိုး​တကာ​အလယ်​တွင် အညစ်အကြေး​၊ အမှိုက်သရိုက် ဖြစ်​စေ​တော်မူ​ပြီ​။ ရန်သူ​အပေါင်း​တို့​သည် ငါ​တို့​ကို​ဆန့်ကျင်​ပြောဆို​ကြ​ပါ​ပြီ​။ ငါ​တို့​သည် ကြောက်မက်ဖွယ်ဘေး​နှင့် ကြုံ​ရ​ပြီ​။ မြေတွင်း​ထဲသို့ ကျ​လေ​ပြီ။ အထီးကျန်​ခြင်း​၊ ပျက်စီး​ခြင်း​သို့​ရောက်​ပါ​ပြီ​။ ငါ့​လူမျိုး​သမီးပျို ပျက်စီး​သောကြောင့် ငါ့​မျက်စိ​မှ မျက်ရည်​ချောင်း​စီး​ရ​လေ​ပြီ​။