ယောဘဝတ္ထု 6:1-16

ထိုအခါ ယောဘ​က “​ငါ​ခံရ​သော ပူဆွေး​ခြင်း​နှင့် ပျက်စီးဆုံးရှုံး​ခြင်း​များ​ကို ချိန်ခွင်​တွင် စုပုံ​ချိန်တွယ်​ကြည့်​မည်​ဆို​လျှင် သမုဒ္ဒရာ​သဲလုံး​ထက်ပင် ပို​လေး​လိမ့်မည်​။ ထို့ကြောင့် ငါ​သည် စကား​ကို မဆင်မခြင်​ပြော​မိ​ပြီ​။ အကယ်စင်စစ် အနန္တတန်ခိုးရှင်​ထံမှ မြား​တို့​သည် ငါ့​ကိုယ်​၌​စိုက်ဝင်​လျက်​ရှိ​၏​။ ငါ့​စိတ်ဝိညာဉ်​သည် ထို​မြား​တို့​၏​အဆိပ်ရည်​ကို သောက်သုံး​နေ​ရ​၏​။ ဘုရားသခင်​ထံမှ ကြောက်မက်ဖွယ်​ရာ​တို့​သည် ငါ့​ရှေ့​၌ တန်းစီ​လျက်​ရှိ​၏​။ မြည်းရိုင်း​သည် မြက်နု​ရှိ​လျက်​နှင့် ဟီ​မည်လော​။ နွား​သည်​လည်း အစာ​ရှိ​လျက်​နှင့် အော်​မည်လော​။ အရသာမရှိ​သော​အစာ​ကို ဆား​မပါ​ဘဲ စား​နိုင်​သလော​။ ကြက်ဥ​အကာ​၌ အရသာ​ရှိ​သလော​။ ငါ့​အဖို့ ရွံရှာဖွယ်​သော​အစာ​ကဲ့သို့​ဖြစ်​၍ တို့ထိ​လို​စိတ်​ပင်​မ​ရှိ​။ ငါ​တောင်းဆို​သော​အရာ​ကို ရ​ပါစေသော​။ ဘုရားသခင်​သည် ငါ့​မျှော်လင့်ချက်​ကို ဖြည့်ဆည်း​ပေး​ပါစေသော​။ ဘုရားသခင်​သည် ငါ့​ကို အမှုန့်ချေ​ပစ်​ဖို့​ရန် အလို​တော်​ရှိ​ပါစေသော​။ လက်​တော်​ကို​ဆန့်​၍ ငါ့​ကို ကွပ်မျက်​ပါစေသော​။ သို့မှ ငါ​ခံစား​ရ​သက်သာ​လိမ့်မည်​။ မညှာမတာ​ခံစား​ရ​သော​ဝေဒနာ​များ​ထဲမှ ဝမ်းမြောက်​မိ​ပါ​လိမ့်မည်​။ ငါ​သည် သန့်ရှင်း​သော​အရှင်​၏​စကား​တော်​ကို မ​ငြင်းဆန်​ခဲ့​ပါ​။ မည်သည့်​ခွန်အား​ဖြင့် ငါ​စောင့်မျှော်​နေ​ရ​မည်နည်း​။ ငါ​စိတ်ရှည်​သည်းခံ​ရ​အောင် ငါ့​ဘဝနိဂုံး​ကား မည်သို့​နည်း​။ ငါ့​ခွန်အား​ကား ကျောက်တုံး​ခွန်အား​လော​။ ငါ့​အသား​ကား ကြေးနီ​အသား​လော​။ ငါ​သည် ကိုယ့်ကိုယ်ကိုယ် မ​ကယ်​နိုင်​။ ဉာဏ်ပညာ​သည် ငါ့​ထံမှ ထွက်သွား​လေ​ပြီ​တကား​။ မျှော်လင့်ချက်မဲ့​သူ​အဖို့ မိတ်ဆွေ​ထံမှ မေတ္တာ​ကို ခံရ​သင့်​ပေ​၏​။ သို့ဖြစ်လျှင် သူ​သည် အနန္တတန်ခိုးရှင်​အား ကြောက်ရွံ့ရိုသေ​ခြင်း​ကို စွန့်ပယ်​မည်​မ​ဟုတ်​ပေ​။ ငါ့​ညီအစ်ကို​တို့​သည် ချောင်းရေ​ကဲ့သို့​လည်းကောင်း​၊ ဖြတ်သန်းစီးဆင်း​သွား​သော​တောင်ကျချောင်းရေ​ကဲ့သို့​လည်းကောင်း သစ္စာမဲ့​ကြ​၏​။ ထို​ချောင်းရေ​သည် အရည်ပျော်​သွား​သော ရေခဲ​၊ နှင်းခဲ​များ​ကြောင့် နောက်ကျိ​သွား​၏​။