ယောဘဝတ္ထု 13:1-14

စင်စစ် ဤ​အရာ​အားလုံး​ကို ငါ့​မျက်စိ​ဖြင့်​မြင်​ရ​ပြီ​၊ ငါ့​နား​ဖြင့်​ကြား​ရ​၍ နားလည်​ပြီ​။ သင်​တို့​သိ​သကဲ့သို့ ငါ​လည်း သိ​ပါ​၏​။ သင်​တို့​ထက် ငါ​ညံ့ဖျင်း​သည်​မ​ဟုတ်​။ ငါ​မူကား အနန္တတန်ခိုးရှင်​ကို​သာ လျှောက်တင်​လို​ပါ​၏​။ ဘုရားသခင်​ထံသို့​သာ လျှောက်လဲ​လို​ပါ​၏​။ သင်​တို့​သည် မုသား​ကို ဖုံးကွယ်​ထား​သော​သူ​များ​၊ သင်​တို့​အားလုံး​သည် အသုံးမဝင်​သော​သမားတော်​များ ဖြစ်​ကြ​၏​။ သင်​တို့​နှုတ်ဆိတ်​နေ​ကြ​လော့​။ နှုတ်ဆိတ်​နေ​ခြင်း​ကသာ သင်​တို့​ကို ပညာ​ရှိ​ရာ​ရောက်​စေ​လိမ့်မည်​။ ယခု ငါ​ပြန်ပြော​သော​စကား​ကို နားထောင်​ကြ​လော့​။ ငါ့​နှုတ်​ဖြင့် လျှောက်လဲ​သော​စကား​များ​ကို အာရုံစိုက်​ကြ​လော့​။ သင်​တို့​သည် ဘုရားသခင်​ဘက်​မှ​နေ​၍ ကောက်ကျစ်​သော​စကား​၊ လိမ်လည်လှည့်စား​သော​စကား​တို့​ကို ပြောဆို​ကြ​မည်လော​။ သင်​တို့​သည် ကိုယ်တော့်​ဘက်မှာ​နေ​ကြ​မည်လော​။ ဘုရားသခင်​အတွက် လျှောက်လဲ​ပေး​ကြ​မည်လော​။ သင်​တို့​ကို​စစ်ကြော​တော်မူ​လျှင် သင်​တို့​အတွက် အကျိုးရှိ​ပါ​မည်လော​။ လူ​ကို​လှည့်စား​သကဲ့သို့ ကိုယ်တော်​ကို သင်​တို့​လှည့်စား​၍​ရ​နိုင်​မည်လော​။ ကွယ်ရာ​၌ သင်​တို့​မျက်နှာလိုက်​တတ်​ကြ​လျှင် သင်​တို့​ကို ကိုယ်တော် ဧကန်​ဆုံးမ​တော်မူ​လိမ့်မည်​။ ကိုယ်တော်​၏​တန်ခိုး​တော်​သည် သင်​တို့​ကို ကြောက်ရွံ့​စေ​မည်​မ​ဟုတ်​လော​။ ကိုယ်တော်​ထံမှ ကြောက်မက်ဖွယ်ဘေး​သည် သင်​တို့​အပေါ် ကျရောက်​မည် မ​ဟုတ်​လော​။ သင်​တို့​၏​မှတ်သားစရာ​စကား​များ​သည် ပြာပုံ​စကားပုံ​မျှသာ​ဖြစ်​၏​။ သင်​တို့​ချေပ​သော​စကား​များ​သည်​လည်း ကွဲလွယ်​သော​မြေထည်​ကဲ့သို့​သာ​ဖြစ်​၏​။ ငါ့​ရှေ့​မှာ တိတ်တိတ်နေ​ကြ​လော့​။ ငါ​ပြော​ပါရစေ​။ ငါ​၌ ဖြစ်ချင်​ရာ​ဖြစ်​ပါစေ​။ အဘယ်ကြောင့် ကိုယ့်​အသား​ကို ကိုယ့်​သွား​နှင့် ကိုက်​ထား​ရ​မည်နည်း​။ အဘယ်ကြောင့် ကိုယ့်​အသက်​ကို ကိုယ့်​လက်​၌ ထည့်​ထား​ရ​မည်နည်း​။