ယေရမိအနာဂတ္တိကျမ်း 32:20-24

ကိုယ်တော်​သည် အီဂျစ်​ပြည်​၌ နိမိတ်လက္ခဏာ​များ​၊ အံ့ဖွယ်အမှု​များ​ကို ပြု​တော်မူ​သကဲ့သို့ ယနေ့​အထိ​လည်း အစ္စရေး​လူမျိုး​နှင့်​လူမျိုး​တကာ​တို့​တွင် ပြု​တော်မူ​၍ နာမ​တော်​ကို ယနေ့​ကဲ့သို့ ထင်ရှား​စေ​တော်မူ​၏​။ နိမိတ်လက္ခဏာ​များ​၊ အံ့ဖွယ်အမှု​များ​ပြု​လျက်​၊ အားကြီး​သော​လက်​နှင့် လက်ရုံး​တော်​ကို​ဆန့်​လျက် ကြောက်မက်ဖွယ်​အမှု​ကြီး​တို့​ကို​ပြု​၍ ကိုယ်တော်​၏​လူမျိုး​တော်​ဖြစ်​သော အစ္စရေး​လူမျိုး​ကို အီဂျစ်​ပြည်​မှ​ထုတ်ဆောင်​တော်မူ​၏​။ ဘိုးဘေး​တို့​အား​ပေး​မည်​ဟု ကျိန်ဆို​တော်မူ​သည့် နို့​နှင့်​ပျားရည်​စီး​သော​ပြည်​ကို သူ​တို့​အား ပေး​တော်မူ​၏​။ သူ​တို့​သည် ထို​ပြည်​ကို ဝင်ရောက်​သိမ်းပိုက်​ကြ​သော်လည်း စကား​တော်​ကို​နား​မ​ထောင်​ကြ​။ တရားတော်​အတိုင်း မ​လိုက်လျှောက်​ကြ​။ ကိုယ်တော်​မိန့်မှာ​သော​အမှု​တို့​ကို​လည်း တစ်စုံတစ်ခု​မျှ​မ​လုပ်ဆောင်​ကြ​။ သို့ဖြစ်၍ ကိုယ်တော်​သည် ဤ​ဘေးအန္တရာယ်​အပေါင်း​တို့​ကို သူ​တို့​အပေါ်​သို့ ကျရောက်​စေ​တော်မူ​ပြီ​။ ကြည့်ရှု​တော်မူ​ပါ​။ မြို့​ကို​သိမ်းယူ​ရန် မြေကတုတ်​ကို တည်ဆောက်​ကြ​ပြီ​။ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ကြောင့် ဤ​မြို့​သည် တိုက်ခိုက်​လာ​သော​ခါလဒဲ​တပ်​၏​လက်​သို့ ရောက်​ရ​လိမ့်မည်​။ ကြည့်ရှု​တော်မူ​ပါ​။ မိန့်​တော်မူ​သည့်​အတိုင်း ဖြစ်လာ​သည်​ကို ကိုယ်တော်​မြင်​တော်မူ​ပါ​၏​။