တရားသူကြီးမှတ်စာ 16:1-17

ရှံဆုန်​သည် ဂါဇ​မြို့​သို့​သွား​ရာ ထို​မြို့​တွင် ပြည့်တန်ဆာမ​တစ်ဦး​နှင့်​တွေ့​၍ သူ့​ထံ​ဝင်​လေ​၏​။ “​ဤ​မြို့​သို့ ရှံဆုန်​ရောက်လာ​ပြီ​”​ဟူသော​သတင်း​ကို ဂါဇ​မြို့သား​တို့ ကြားသိ​သောအခါ ထို​နေရာ​ကို​ဝိုင်းထား​၍ မြို့​တံခါး​၌ တစ်ညလုံး​ချောင်းမြောင်း​နေ​ကြ​၏​။ သူ​တို့​က “​နံနက်​မိုးလင်း​လျှင် သူ့​ကို ငါ​တို့​သတ်​မည်​”​ဟု ဆို​လျက် တစ်ညလုံး တိတ်ဆိတ်​စွာ​နေ​ကြ​၏​။ သို့သော် ရှံဆုန်​သည် ညသန်းခေါင်​တိုင် အိပ်​ပြီးမှ သန်းခေါင်ချိန်​တွင်​ထ​ပြီး မြို့​တံခါးရွက်​နှင့်တကွ တံခါးတိုင်​နှစ်​တိုင်​ကို ဆုပ်ကိုင်​ပြီး ကန့်လန့်ကျင်​ပါ​လျက် ဆွဲနုတ်​ပစ်​လေ​၏​။ ထို့နောက် ပခုံး​ပေါ်​တင်​၍ ဟေဗြုန်​မြို့​အရှေ့ဘက်​ရှိ တောင်​ထိပ်​ပေါ်သို့ ထမ်းသွား​လေ​၏​။ ထို့နောက်မှ ရှံဆုန်​သည် စောရက်​ချိုင့်ဝှမ်းဒေသ​ရှိ ဒေလိလ​အမည်​ရှိ​သော​အမျိုးသမီး​တစ်ဦး​နှင့် ချစ်ကြိုက်​ပြန်​၏​။ ထို့ကြောင့် ဖိလိတ္တိ​မင်း​တို့​သည် ဒေလိလ​ထံသို့​လာ​၍ “​ရှံဆုန်​၏​ကြီးမား​သော​ခွန်အား​သည် အဘယ်​က​ဖြစ်ကြောင်း​၊ သူ့​ကို မည်သည့်​နည်း​ဖြင့် ဖမ်းဆီးချုပ်နှောင်​နှိပ်စက်​နိုင်​ကြောင်း​ကို သူ့​အား ချော့မော့​မေးမြန်း​ကြည့်​လော့​။ ငါ​တို့​သည် သင့်​အား ငွေစ တစ်ထောင့်​တစ်ရာ​စီ ပေး​မည်​”​ဟု ဆို​ကြ​၏​။ ဒေလိလ​က​လည်း ရှံဆုန်​အား “​သင်​၏​ကြီးမား​သော​ခွန်အား​ကား အဘယ်​က​ဖြစ်​သနည်း​။ သင့်​ကို မည်သည့်​နည်း​ဖြင့် ချုပ်နှောင်နှိပ်စက်​နိုင်​မည်နည်း​။ အကျွန်ုပ်​အား ပြောပြ​ပါ​လော့​”​ဟု မေး​လေ​၏​။ ရှံဆုန်​က သူ့​အား “​မ​ခြောက်​သေး​သော​လေးကြိုး​အသစ်​ခုနစ်​ချောင်း​ဖြင့် ငါ့​ကို ချည်နှောင်​လျှင် ငါ့​ခွန်အား​သည် လျော့သွား​၍ သာမန်လူ​ကဲ့သို့ ဖြစ်သွား​မည်​”​ဟု ပြန်ဖြေ​၏​။ ထိုအခါ ဖိလိတ္တိ​မင်း​တို့​သည် မ​ခြောက်​သေး​သော​လေးကြိုး​အသစ်​ခုနစ်​ချောင်း​ကို ဒေလိလ​အား ယူလာ​ပေး​ရာ ဒေလိလ​က​လည်း ထို​ကြိုး​တို့​ဖြင့် ရှံဆုန်​ကို ချည်နှောင်​လေ​၏​။ လူ​အချို့​သည် ဒေလိလ​၏​အတွင်းခန်း​ထဲ၌ စောင့်ကြည့်​ချောင်းမြောင်း​နေ​ကြ​၏​။ ဒေလိလ​က​လည်း “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​သော် ရှံဆုန်​က လေးကြိုး​တို့​ကို​ဖြတ်လိုက်​ရာ ထို​ကြိုး​တို့​သည် မီး​ထိ​သကဲ့သို့ တစ်စစီ​ပြတ်​ကုန်​၏​။ ထို့ကြောင့် သူ့​ခွန်အား​သည် အဘယ်က​ဖြစ်​သည်​ကို မ​သိ​ရ​။ ထိုအခါ ဒေလိလ​က ရှံဆုန်​အား “​သင်​သည် အကျွန်ုပ်​ကို လိမ်လည်​လှည့်စား​ပြီ​။ သင့်​ကို မည်သို့​ချည်နှောင်​နိုင်​မည်​ကို ယခု ပြောပြ​ပါ​”​ဟု မေးပြန်​၏​။ သူ​က​လည်း “​တစ်ခါ​မျှ အသုံး​မ​ပြု​ရ​သေး​သော​ကြိုး​အသစ်​ဖြင့် ငါ့​ကို အခိုင်အမာ​ချည်နှောင်​ထား​လျှင် ငါ့​ခွန်အား​သည် လျော့သွား​၍ သာမန်လူ​ကဲ့သို့ ဖြစ်​သွား​မည်​”​ဟု ဆို​၏​။ ဒေလိလ​က​လည်း ကြိုး​အသစ်​ကို​ယူ​၍ ရှံဆုန်​အား ချည်နှောင်​ပြီးလျှင် “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​ပြန်​၏​။ သူ့​အခန်း​ထဲတွင် လူ​အချို့​ချောင်းမြောင်း​စောင့်ကြည့်​နေ​ကြ​၏​။ ရှံဆုန်​သည် လက်မောင်း​၌​ချည်​ထား​သော​ကြိုး​တို့​ကို အပ်ချည်မျှင်​ကဲ့သို့ ဖြတ်ပစ်​လိုက်​လေ​၏​။ ဒေလိလ​က​လည်း ရှံဆုန်​အား “​သင်​သည် ယခုချိန်​ထိ အကျွန်ုပ်​ကို လိမ်လည်​လှည့်စား​သေး​၏​။ သင့်​ကို မည်သို့ ချည်နှောင်​နိုင်​မည်​ကို ယခု ပြောပြ​ပါ​လော့​”​ဟု ဆို​ပြန်​ရာ ရှံဆုန်​က သူ့​အား “​ငါ့​ဆံပင်​အစု​ခုနစ်​စု​ကို ရက်ကန်း​ထဲသို့ တိုင်ချည်​အဖြစ်​ရက်သွင်း​လျှင် ငါ့​ခွန်အား​သည် လျော့သွား​၍ သာမန်​လူ​ကဲ့သို့ ဖြစ်​မည်​”​ဟု ပြန်ပြော​၏​။ ဒေလိလ​လည်း ရှံဆုန်​၏​ဆံပင်​ကို ရက်သွင်း​ပြီး ရက်ကန်း​ကို​ငုတ်တိုင်​၌​ချည်​ထား​ပြီးလျှင် “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​လျှင် ရှံဆုန်​သည် အိပ်ပျော်​ရာ​မှ နိုး​လာ​ပြီး ငုတ်တိုင်​နှင့်တကွ ရက်ကန်း​တစ်ခုလုံး​ကို​ပါ ဆွဲနုတ်​ပစ်​လေ​၏​။ ဒေလိလ​က​လည်း “​သင်​သည် စိတ်​မ​ပါ​ဘဲ အကျွန်ုပ်​ကို ချစ်​သည်​ဟု အဘယ်ကြောင့် ပြော​ရ​သနည်း​။ အကျွန်ုပ်​ကို သုံး​ကြိမ်​တိုင်တိုင်​လှည့်စား​ပြီ​။ သင်​၏​ကြီးမား​သော​ခွန်အား​သည် အဘယ်က​ဖြစ်​သည်​ကို အကျွန်ုပ်​အား ယခု​အထိ​မ​ပြော​သေး​”​ဟု ဆို​လေ​၏​။ ဒေလိလ​သည် ရှံဆုန်​အား စကားလုံး​များ​ဖြင့် နေ့​ရှိ​သရွေ့​ပူဆာ​ဖိအား​ပေး​လွန်း​သဖြင့် ရှံဆုန်​လည်း သေချင်လောက်အောင်​စိတ်ပျက်​လာ​၏​။ ထို့ကြောင့် ရှံဆုန်​က “​ငါ​သည် အမိ​ဝမ်း​ထဲမှ​စ၍ ဘုရားသခင်​အဖို့ နာဇရိ​လူ ဖြစ်​၏​။ ငါ့​ဆံပင်​ကို သင်တုန်းဓား​နှင့် မ​ရိတ်​ရ​။ ငါ့​ဆံပင်​ကို ရိတ်​ပစ်​လျှင် ငါ့​ခွန်အားလျော့​၍ သာမန်​လူ​ကဲ့သို့ ဖြစ်သွား​မည်​”​ဟု စိတ်​ထဲ​ရှိ​သည့်​အတိုင်း ပြောပြ​လေ​၏​။