ဟေရှာယအနာဂတ္တိကျမ်း 28:1-13

စပျစ်ဝိုင်​သောက်ကြူးသူ​၊ သေသောက်ကြူး​သူ​ဧဖရိမ်​အမျိုး​တို့​၏​မာန​သရဖူ​သည် အမင်္ဂလာ​ရှိ​၏​။ မြေဆီမြေနှစ်​ကောင်း​သော​ချိုင့်ဝှမ်း​ထိပ်​မှ ဂုဏ်ကျက်သရေ​အလှ ညှိုးနွမ်း​သွား​သော​ပန်းပွင့်​သည် အမင်္ဂလာ​ရှိ​၏​။ ကြည့်ရှု​လော့​။ ဘုရားရှင်​၌ တန်ခိုး​ခွန်အားကြီး​သော​သူ​ရှိ​၏​။ ထို​သူ​သည် မိုးသီး​မုန်တိုင်း​၊ ဖျက်ဆီး​တတ်​သော လေပြင်းမုန်တိုင်း​၊ ရေလွှမ်းမိုး​စေ​သည့် ပြင်းထန်​သော​မိုးသက်မုန်တိုင်း​ကဲ့သို့ သေသောက်ကြူးသူ​ဧဖရိမ်​အမျိုး​တို့​၏​မာန​သရဖူ​ကို မိမိ​လက်​ဖြင့် မြေကြီး​ပေါ်သို့​ပစ်ချ​မည်​။ သေသောက်ကြူး​သူ​ဧဖရိမ်​အမျိုး​တို့​၏​မာန​သရဖူ​သည် ခြေ​အောက်​၌ နင်းချေ​ခြင်း​ခံရ​လိမ့်မည်​။ မြေဆီမြေနှစ်​ကောင်း​သော​ချိုင့်ဝှမ်း​ထိပ်​မှ ဂုဏ်ကျက်သရေ​အလှ ညှိုးနွမ်း​သွား​သော​ပန်းပွင့်​သည် နွေရာသီ​မတိုင်မီ အဦးဆုံးမှည့်သောအသီး​ကဲ့သို့​ဖြစ်​လိမ့်မည်​။ ထို​အသီး​ကို မြင်​သော​သူ​သည် ခူး​၍ ချက်ချင်း​စားပစ်​တတ်​၏​။ ထို​နေ့ရက်​၌ ကောင်းကင်​ဗိုလ်ခြေ​အရှင်​ထာဝရဘုရား​သည် ကြွင်းကျန်​သော​လူမျိုး​တော်​တို့​အတွက် ဘုန်းကြီး​သော​သရဖူ​၊ ဂုဏ်ကျက်သရေ​ရှိ​သော​ဦးရစ် ဖြစ်​တော်မူ​မည်​။ တရားပလ္လင်​ပေါ်​ထိုင်​သော​သူ​အတွက် တရားမျှတ​ခြင်း​ဝိညာဉ်​၊ မြို့​တံခါး​၌ ရန်သူ​ကို​တွန်းလှန်​သော​သူ​တို့​အတွက် ရဲစွမ်းသတ္တိ ဖြစ်​တော်မူ​မည်​။ ဤ​သူ​တို့​သည် စပျစ်ဝိုင်​ကြောင့် ယိမ်းထိုး​၍ သေရည်သေရက်​ကြောင့် ဒယီးဒယိုင်​ဖြစ်​ကြ​ပြီ​။ ယဇ်ပုရောဟိတ်​များ​၊ ပရောဖက်​များ​သည် သေရည်သေရက်​ကြောင့် ယိမ်းထိုး​၍ စပျစ်ဝိုင်​ကြောင့်​အာရုံ​ထွေပြား​ကြ​ပြီ​။ သေရည်သေရက်​ကြောင့် လမ်းလွဲ​၍ စိတ်အာရုံရသူ​လည်း လွဲမှား​လျက် ဆုံးဖြတ်​ချက်​ချ​ရာ​၌ အလွဲလွဲအချော်ချော်​ဖြစ်​ကြ​ပြီ​။ စားပွဲ​ရှိသမျှ​သည် အန်ဖတ်​နှင့်​ပြည့်​နေ​၏​။ နေရာလပ်​မ​ကျန် ညစ်ပေ​နေ​၏​။ သူ​တို့​က “​ကိုယ်တော်​သည် မည်သူ​အား အသိပညာ​ကို​သင်ကြား​ပေး​မည်နည်း​။ မည်သူ​အား သတင်းစကား​ကို သိနားလည်​စေ​မည်နည်း​။ နို့ပြတ်​သော​ကလေးငယ်​တို့​ကို​လော​။ နို့ဖြတ်​ထား​သော​ကလေးငယ်​တို့​ကို​လော​။ ပညတ်ချက်​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ စည်းမျဉ်း​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ သည်​နည်းနည်း​ဟို​နည်းနည်း ဖြစ်​ပါ​သည်​တကား​”​ဟု ဆို​ကြ​၏​။ အကယ်စင်စစ် ကိုယ်တော်​သည် ထစ်ငေါ့​သော​နှုတ်​နှင့် အခြား​သော​လျှာ​ဖြင့် ဤ​လူမျိုး​အား မိန့်မြွက်​တော်မူ​မည်​။ “​ဤ​အရပ်​သည် နားနေ​ရာ​အရပ်​ဖြစ်​၏​။ မောပန်း​သော​သူ​တို့​သည် အနားယူ​ကြ​စေ​။ ဤ​အရပ်​သည် ငြိမ်းချမ်း​ရာ​အရပ်​ဖြစ်​၏​”​ဟု မိန့်​တော်မူ​သော်လည်း သူ​တို့​သည် နား​မ​ထောင်​လို​ကြ​။ ထို့ကြောင့် ထာဝရဘုရား​၏​နှုတ်ကပတ်တော်​သည် သူ​တို့​၌ ပညတ်ချက်​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ စည်းမျဉ်း​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ သည်​နည်းနည်း​ဟို​နည်းနည်း ဖြစ်​လိမ့်မည်​။ သူ​တို့​သွား​သောအခါ နောက်ပြန်​လဲကျ​မည်​၊ ကျိုးပဲ့​မည်​၊ ကျော့ကွင်း​မိ​မည်​၊ အဖမ်း​ခံရ​မည်​။