ထွက်မြောက်ရာကျမ်း 15:4-12

ဖာရော​မင်းကြီး​၏​စစ်ရထား​များ​နှင့်​စစ်သည်​တို့​ကို ပင်လယ်​ထဲသို့​ချပစ်​တော်မူ​ပြီ​။ လက်ရွေးစင်​တပ်မှူး​တို့​သည်​လည်း ပင်လယ်နီ​ထဲ၌ နစ်မြုပ်​ကြ​လေ​ပြီ​။ နက်ရှိုင်း​သော​ရေထု​သည် သူ​တို့​ကို​ဖုံးလွှမ်း​လေ​ပြီ​။ သူ​တို့​သည် ကျောက်တုံး​သဖွယ် ရေနက်​ရာ​ထဲသို့ နစ်မြုပ်​သွား​ရ​လေ​ပြီ​။ အို ထာဝရဘုရား​၊ ကိုယ်တော်​၏​လက်ယာ​လက်​တော်​သည် တန်ခိုး​တော်​ဖြင့် ဘုန်းကြီး​တော်မူ​၏​။ အို ထာဝရဘုရား​၊ ကိုယ်တော်​၏​လက်ယာ​လက်​တော်​သည် ရန်သူ​ကို ချိုးဖဲ့ခြေမွှ​တော်မူ​၏​။ ကိုယ်တော်​ကို​ဆန့်ကျင်​သော​သူ​တို့​ကို ကြီးမား​သော​ဘုန်းတန်ခိုး​တော်​ဖြင့် မှောက်လှန်​တော်မူ​၏​။ ပြင်းထန်​သော​အမျက်​တော်​ကို​လွှတ်​တော်မူ​၍ ရိုးပြတ်​ကဲ့သို့​လောင်ကျွမ်း​စေ​တော်မူ​၏​။ ကိုယ်တော်​၏​နှာခေါင်း​တော်​မှ​လေ​ကို မှုတ်ထုတ်​လိုက်​သောအခါ ရေ​သည် မို့မောက်​လာ​၏​။ စီး​သော​ရေ​သည်​လည်း စုပုံ​၍ တန့်သွား​၏​။ ပင်လယ်​ထဲမှ ရေထု​သည်​လည်း ခဲ​လေ​၏​။ ရန်သူ​က ‘​ငါ​လိုက်​မည်​။ သူ​တို့​ကို ငါ​မီ​မည်​။ တိုက်ယူ​သော​ပစ္စည်း​ကို​ခွဲဝေ​၍ ငါ့​စိတ်​အလို​ပြည့်​မည်​။ ငါ့​ဓား​ကို​ထုတ်​၍ သူ​တို့​ကို ငါ့​လက်​ဖြင့် ဖျက်ဆီး​မည်​’​ဟု ဆို​သောအခါ ကိုယ်တော်​သည် လေ​ကို​ရှူထုတ်​လိုက်​ရာ ပင်လယ်​ရေ​သည် သူ​တို့​ကို​ဖုံးလွှမ်း​၍ ရေထု​အောက်​သို့ ခဲသတ္တု​သဖွယ်​နစ်မြုပ်​သွား​လေ​၏​။ အို ထာဝရဘုရား​၊ ဘုရား​တို့​တွင် အဘယ်မည်သော​ဘုရား​သည် ကိုယ်တော်​နှင့်​တူ​ပါ​သနည်း​။ သန့်ရှင်း​ခြင်း​ကြောင့် ဘုန်းကြီး​တော်မူ​သော​၊ ဘုန်းအသရေ​ကြောင့် ကြောက်ရွံ့ဖွယ်​ဖြစ်​တော်မူ​သော​၊ အံ့ဖွယ်​သော​အမှု​ကို​ပြု​တော်မူ​သော ကိုယ်တော်​နှင့် အဘယ်သူ​တူ​ပါ​သနည်း​။ ကိုယ်တော်​၏​လက်ယာ​လက်​တော်​ကို​ဆန့်​တော်မူ​သဖြင့် မြေကြီး​သည် သူ​တို့​ကို​မျို​လေ​၏​။