ထွက်မြောက်ရာကျမ်း 10:21-29

တစ်ဖန် ထာဝရဘုရား​က မောရှေ​အား “​စမ်းတဝါးဝါးသွားလာ​ရ​သည့် အမှောင်ထု​ကြီး​သည် အီဂျစ်​ပြည်​တစ်ပြည်လုံး​ပေါ်သို့ ကျရောက်​စေရန် သင်​၏​လက်​ကို ကောင်းကင်​သို့​ဆန့်​လော့​”​ဟု မိန့်​တော်မူ​၏​။ သို့ဖြစ်၍ မောရှေ​သည် မိမိ​လက်​ကို ကောင်းကင်​သို့​ဆန့်​လိုက်​ရာ အီဂျစ်​ပြည်​တစ်ပြည်လုံး​၌ သုံး​ရက်​ပတ်လုံး​အမှောင်ထုကြီး​ကျရောက်​၏​။ လူ​တို့​သည် တစ်ယောက်​ကို​တစ်ယောက်​မ​မြင်​နိုင်​ကြ​သဖြင့် သုံး​ရက်​ပတ်လုံး မည်သူမျှ မိမိ​နေရာ​မှ​မ​ထ​ကြ​ချေ​။ သို့သော် အစ္စရေး​အမျိုးသား​အပေါင်း​တို့​နေထိုင်​ရာ​အရပ်​၌ အလင်းရောင်​ရှိ​၏​။ ထိုအခါ ဖာရော​မင်းကြီး​သည် မောရှေ​ကို​ဆင့်ခေါ်​၍ “​ထာဝရဘုရား​အား ဝတ်ပြု​ရန်​သွား​ကြ​လော့​။ သို့သော် သင်​တို့​၏​သိုးဆိတ်​များ​၊ နွား​များ​ကို ထားခဲ့​ရ​မည်​။ သင်​တို့​၏​ကလေး​များ​မူကား သင်​တို့​နှင့်အတူ​သွား​နိုင်​သည်​”​ဟု ဆို​လေ​၏​။ မောရှေ​က​လည်း “​အကျွန်ုပ်​တို့​၏​ဘုရားသခင်​ထာဝရဘုရား​အား ပူဇော်​ရန် ယဇ်ကောင်​များ​နှင့် မီးရှို့ရာယဇ်​များ​ကို အရှင်​သည် အကျွန်ုပ်​တို့​အား ယူသွား​ခွင့်​ပြု​ရ​မည်​။ အကျွန်ုပ်​တို့​သည် ထာဝရဘုရား​အား မည်သည့်​အကောင်​ဖြင့်​ပူဇော်​ရ​မည်​ကို ထို​အရပ်​သို့​မ​ရောက်​မီ မ​သိ​နိုင်​ပါ​။ အကျွန်ုပ်​တို့​၏​ဘုရားသခင်​ထာဝရဘုရား​အား ပူဇော်​ရန် ထို​အကောင်​တို့​ထဲမှ ရွေးယူ​ရ​မည်​ဖြစ်​သောကြောင့် အကျွန်ုပ်​တို့​၏​တိရစ္ဆာန်​များ တစ်​ကောင်​မျှ​မ​ကျန် အကျွန်ုပ်​တို့​နှင့်အတူ​ပါသွား​ရ​မည်​”​ဟု လျှောက်​လေ​၏​။ ထာဝရဘုရား​သည် ဖာရော​မင်းကြီး​၏​စိတ်နှလုံး​ကို မာကျော​စေ​သဖြင့် သူ​သည် အစ္စရေး​လူမျိုး​တို့​ကို လွှတ်ပေး​လို​သော​ဆန္ဒ​မ​ရှိ​။ သို့ဖြစ်၍ ဖာရော​မင်းကြီး​က မောရှေ​အား “​ငါ့​ထံမှ​ထွက်သွား​လော့​။ ငါ့​ရှေ့​သို့ နောက်ထပ်​မ​ဝင်​မိ​စေရန် သတိပြု​လော့​။ အကယ်စင်စစ် ငါ့​မျက်နှာ​ကို​သင်​မြင်​သော​နေ့​၌ သင်​သေ​ရ​လိမ့်မည်​”​ဟု ဆို​လေ​၏​။ မောရှေ​က​လည်း “​အရှင်​မိန့်ဆို​သည့်​အတိုင်း​ပေတည်း​။ အကျွန်ုပ်​သည် အရှင့်​ရှေ့​သို့ နောက်ထပ်​မ​ဝင်​တော့​ပါ​”​ဟု ဆို​လေ​၏​။