ဧသတာဝတ္ထု 4:6-14

ဟာတက်​သည်​လည်း မော်ဒကဲ​ရှိ​ရာ ဘုရင့်​နန်းတော်​တံခါး​ရှေ့ မြို့​တော်​ရင်ပြင်​သို့ သွား​လေ​၏​။ မော်ဒကဲ​သည်​လည်း သူ​ကြုံတွေ့​နေ​ရ​သော​အဖြစ်အပျက်​အားလုံး​နှင့် ဟာမန်​က ဂျူး​လူမျိုး​တို့​ကို​သုတ်သင်​ပစ်​ရန် ဘုရင့်​ဘဏ္ဍာတိုက်​ထဲသို့​သွင်း​မည်​ဟု ကတိပြု​သည့်​ငွေသား​ပမာဏအတိအကျ​ကို​ပါ ဟာတက်​အား ပြောပြ​၏​။ ထို့ပြင် ဂျူး​လူမျိုး​တို့​ကို​ဖျက်ဆီး​မည့်​အကြောင်း ရှုရှန်​မြို့​တွင် ကြေညာ​သည့် အမိန့်​စာ​မိတ္တူ​ကို​လည်း ပေး​လိုက်​၏​။ ဤ​စာ​ကို ဧသတာ​အား​ပြ​၍ သူ့​ကို​ရှင်းပြ​ရန်​နှင့် ဧသတာ​အား ရှင်ဘုရင်​ထံသို့​ဝင်​၍ ကိုယ့်​လူမျိုး​တို့​အတွက် မင်းကြီး​ထံ​အသနားခံ​တောင်းလျှောက်​ရန် မှာလိုက်​လေ​၏​။ ဟာတက်​သည်​လည်း ပြန်လာ​၍ မော်ဒကဲ​၏​စကား​ကို ဧသတာ​အား ပြောပြ​လေ​၏​။ ထိုအခါ ဧသတာ​က မော်ဒကဲ​အား “​ရှင်ဘုရင်​က ဆင့်ခေါ်​ခြင်း​မ​ရှိ​ဘဲ နန်းတွင်းဆောင်​ရှိ ရှင်ဘုရင်​ထံသို့ ဝင်လာ​သော​သူ ယောက်ျား​ဖြစ်စေ​၊ မိန်းမ​ဖြစ်စေ ထို​သူ​အတွက် တစ်ခုတည်း​သော​အမိန့်​မှာ သေဒဏ်​ဖြစ်​၏​။ ရှင်ဘုရင်​၏​ရွှေ​ရာဇလှံတံ​ကမ်းလှမ်း​ခြင်း​ခံရ​သော​သူ​သာ အသက်ချမ်းသာ​ခွင့်​ရ​၏​။ ဤ​အမိန့်​ကို ရှင်ဘုရင်​၏​အမှုထမ်း​အားလုံး​မှစ၍ ရှင်ဘုရင်​ပိုင်​နယ်မြေဒေသ​အသီးသီး​မှ​လူ​တို့ သိ​ကြ​၏​။ အကျွန်ုပ်​သည်​လည်း ရှင်ဘုရင်​ထံသို့​ဝင်​ရန်​ဆင့်ခေါ်​ခြင်း​မ​ခံရ​သည်​မှာ ရက်​ပေါင်း​သုံးဆယ်​ရှိ​ပြီ​”​ဟု ဟာတက်​မှတစ်ဆင့် အကြောင်းပြန်​လိုက်​၏​။ ဧသတာ​ပြော​သော​စကား​တို့​ကို မော်ဒကဲ​အား ပြန်​ပြောပြ​သောအခါ မော်ဒကဲ​က ဧသတာ​အား “​ဂျူး​လူမျိုး​အပေါင်း​တို့ မ​လွတ်မြောက်​လျှင် ဘုရင့်​နန်းတော်​ထဲ၌ နေ​သော​သင်​သည်​လည်း လွတ်မြောက်​မည်​ဟု မ​ထင်​နှင့်​။ ဤ​အချိန်​တွင် သင်​နှုတ်ဆိတ်​နေ​မည်​ဆိုပါက ဂျူး​လူမျိုး​တို့​ကို လွတ်မြောက်​အောင် ကယ်တင်​ပေး​မည့်​သူ​သည် အခြား​တစ်နေရာ​မှ​ပေါ်လာ​လိမ့်မည်​။ သင်​နှင့်​သင့်​ဖခင်​အမျိုးအနွယ်​မူကား ပျက်စီး​ရ​လိမ့်မည်​။ ဤ​အချိန်​ကာလ​အတွက် သင်​သည် မိဖုရား​ဖြစ်လာ​ခဲ့​သလော​ဟု အဘယ်သူ သိ​နိုင်​မည်နည်း​”​ဟု မှာကြား​လိုက်​၏​။