ဧသတာဝတ္ထု 1:13-22

ရှင်ဘုရင်​သည် ဥပဒေ​စီရင်ထုံး​ကို​နားလည်​သူ​အပေါင်း​တို့​နှင့် တိုင်ပင်​လေ့​ရှိ​သည်​ဖြစ်၍ မင်းကြီး​သည် ကာလ​ဒေသ​ကို​သိနားလည်​သော ပညာရှိ​အမတ်​များ​နှင့် ဆွေးနွေးတိုင်ပင်​လေ​၏​။ ရှင်ဘုရင်​ရှေ့​တော်​တွင် ခစား​ရ​ပြီး နိုင်ငံ​တော်​၌ အမြင့်ဆုံး​ရာထူး​ရရှိ​ထား​သူ​၊ ရှင်ဘုရင်​နှင့်​အနီးကပ်​နေ​ရ​သူ​များ​မှာ ပါးရှား​ပြည်​နှင့်​မေဒိ​ပြည်​အကြီးအကဲ​ခုနစ်​ဦး​ဖြစ်​သော ကာရှေန​၊ ရှေသာ​၊ အာဒမာသ​၊ တာရှု​၊ မေရက်​၊ မာသေန​၊ မမုကန်​တို့​ဖြစ်​ကြ​၏​။ ရှင်ဘုရင်​က သူ​တို့​အား “​မိဖုရား​ဝါရှတိ​သည် မိန်းမစိုး​တို့​မှတစ်ဆင့် အာရွှေရု​မင်းကြီး​မိန့်မှာ​သည့်​အမိန့်​ကို​မ​နာခံ​သောကြောင့် သူ့​အား ဥပဒေ​အရ မည်သို့​ပြု​ရ​မည်နည်း​”​ဟု မေး​၏​။ ထိုအခါ မမုကန်​က ရှင်ဘုရင်​နှင့် မှူးမတ်​တို့​ရှေ့​တွင် “​မိဖုရား​ဝါရှတိ​သည် အရှင်မင်းကြီး​ကို​သာ ငြင်းဆန်​သည်​မ​ဟုတ်​။ မှူးမတ်​အားလုံး​နှင့် အရှင်မင်းကြီး​အာရွှေရု​၏​ပြည်​တစ်ပြည်လုံး​ရှိ ပြည်သူပြည်သား​အားလုံး​တို့​ကို​လည်း ဆန့်ကျင်​လေ​ပြီ​။ မိဖုရား​၏​အပြုအမူ​ကို မိန်းမ​အပေါင်း​တို့​ကြားသိ​လျှင် ‘အာရွှေရု​မင်းကြီး​သည် မိဖုရား​ဝါရှတိ​ကို ရှေ့မှောက်​သို့ အခစားဝင်​စေ​သည်​ကို​ပင် သူ​မ​ဝင်’​ဟု ပြောဆို​ကြ​ပြီး ကိုယ့်​ခင်ပွန်း​ကို မထီမဲ့မြင်ပြု​ကြ​လိမ့်မည်​။ ယနေ့​လည်း မိဖုရား​၏​အပြုအမူ​ကို​ကြားသိ​ကြ​သော ပါးရှား​ပြည်​နှင့် မေဒိ​ပြည်​မှ​အကြီးအကဲ​ကတော်​တို့​သည် အရှင်မင်းကြီး​ခန့်ထား​သော​အကြီးအကဲ​အပေါင်း​တို့​ကို ထို​အတိုင်း ပြောဆို​ဆက်ဆံ​ကြ​ပါ​လိမ့်မည်​။ သို့ဖြစ်၍ မထီလေးစားပြု​ခြင်း​နှင့် အမျက်ထွက်​ခြင်း​တို့ များပြား​လာ​ပါ​လိမ့်မည်​။ သို့ဖြစ်၍ အရှင်မင်းကြီး​စိတ်​တော်​နှင့်​တွေ့​လျှင် မိဖုရား​ဝါရှတိ​သည် အာရွှေရု​မင်းကြီး​ရှေ့​တော်​သို့​မည်သည့်​အခါ​မျှ အခစား​မ​ဝင်​ရ​ဟု ရာဇ​အမိန့်​ထုတ်ပြန်​တော်မူ​ပါ​။ သူ့​အရိုက်အရာ​ကို သူ့​ထက်​သာ​သော​အခြားသူ​တစ်​ယောက်​အား အရှင်မင်းကြီး​လွှဲပေး​တော်မူ​ပါ​။ ဤ​အမိန့်​ကို​ပယ်ဖျက်​၍​မ​ရ​အောင် ပါးရှား​ပြည်​နှင့်​မေဒိ​ပြည်​တို့​၏​ဥပဒေ​တွင် ရေးမှတ်​စေ​တော်မူ​ပါ​။ အရှင်မင်းကြီး​ချမှတ်​သော​အမိန့်​ကို ကျယ်ပြော​လှ​သော​နိုင်ငံ​တစ်ဝန်းလုံး​သို့ ကြေညာ​လျှင် အယုတ်အလတ်အမြတ်မရွေး မိန်းမ​အပေါင်း​တို့​သည် ကိုယ့်​ယောက်ျား​ကို ကိုယ်​ရိုသေနာခံ​ကြ​လိမ့်မည်”​ဟု လျှောက်တင်​လေ​၏​။ ထို​စကား​ကို ရှင်ဘုရင်​နှင့်​မှူးမတ်​တို့ သဘောကျ​နှစ်သက်​သဖြင့် ရှင်ဘုရင်​သည် မမုကန်​ပြော​သည့်​အတိုင်း ပြု​၏​။ ယောက်ျား​တိုင်း ကိုယ့်​အိမ်ထောင်​ကို​ဦးစီး​ရ​မည်​။ ကိုယ့်​လူမျိုး​၏​ဘာသာစကား​ကို​သာ ပြောဆို​ရ​မည် ဟူသော​အမိန့်စာ​ကို နယ်မြေဒေသ​အလိုက် သူ့​စာပေ​၊ သူ့​လူမျိုး​၏​ဘာသာစကား​အတိုင်း ရှင်ဘုရင်​ပိုင်​နယ်မြေဒေသ​အားလုံး​သို့ ပေးပို့​၏​။