ဒေသနာကျမ်း 8:1-9

မည်သူ​သည် ပညာရှိ​ကဲ့သို့​ဖြစ်​သနည်း​။ မည်သူ​သည် အမှုအရာ​၏​အနက်အဓိပ္ပာယ်​ကို​သိ​သနည်း​။ လူ​တစ်​ဦး​၏​ဉာဏ်ပညာ​သည် ထို​သူ​၏​မျက်နှာ​ကို​ထွန်းလင်း​စေ​၍ သူ​၏​တင်းမာ​သော​မျက်နှာ​ကို ပြောင်းလဲ​စေ​တတ်​၏​။ ငါ​ဆို​သည်​ကား “​ဘုရားသခင်​၏​ရှေ့​တော်​၌​ကျိန်ဆို​ထား​သည်​ဖြစ်၍ ရှင်ဘုရင်​၏​အမိန့်​ကို​နာခံ​လော့​။ သူ​၏​ရှေ့မှောက်​မှ အလျင်စလို​မ​ထွက်သွား​နှင့်​။ မကောင်း​သော​အမှု​ဘက်​၌ မ​ရပ်တည်​နှင့်​။ အကြောင်းမူကား သူ​သည် အရာ​အားလုံး​ကို​အလိုရှိ​သည့်​အတိုင်း စီရင်​တတ်​၏​။” ရှင်ဘုရင်​၏​အမိန့်​၌ အခွင့်အာဏာ​ရှိ​၏​။ “​သင်​ဘာ​လုပ်​နေ​သနည်း​”​ဟု သူ့​ကို​မည်သူ​ပြော​နိုင်​သနည်း​။ သူ​၏​အမိန့်​ကို​စောင့်ထိန်း​သော​သူ​သည် မကောင်း​သော​အမှုအရာ​နှင့်​တွေ့ကြုံ​ရ​လိမ့်မည်​မ​ဟုတ်​။ ပညာရှိ​သော​သူ​၏​စိတ်နှလုံး​သည် အချိန်​နှင့်​စီရင်ထုံး​တို့​ကို သိ​တတ်​၏​။ လူ့​အပေါ်​၌ များစွာ​သော​ဒုက္ခ​ကျရောက်​တတ်​သော်လည်း ခပ်သိမ်း​သော​အကြောင်းကိစ္စ​အတွက် သူ့​အချိန်​၊ သူ့​စီရင်ထုံး​ရှိ​၏​။ အကြောင်းမူကား နောင်​ဖြစ်​မည့်​အရာ​ကို မည်သူမျှ​မ​သိ​သည်​ဖြစ်၍ မည်သည့်​အရာ​ဖြစ်လာ​မည်​ကို မည်သူ​ပြော​နိုင်​သနည်း​။ လေ​ကို​တားဆီး​ရန် မည်သူ​မျှ​လေ​ကို​မ​ထိန်းချုပ်​နိုင်​သကဲ့သို့ သေ​ရ​မည့်​နေ့ရက်​အပေါ် အခွင့်အာဏာ​ရှိ​သော​သူ​မ​ရှိ​။ (စစ်ဖြစ်ချိန်​၌) စစ်ပွဲ​မှ​မည်သူ​မျှ​ထွက်ခွာ​ခွင့်​မ​ရှိ​သကဲ့သို့ ဆိုးယုတ်မှု​သည် ဆိုးယုတ်​သော​သူ​ကို လွတ်မြောက်​ခွင့်​ပေး​လိမ့်မည်​မ​ဟုတ်​။ ငါ​သည် နေ​အောက်​တွင်​ပြု​သမျှ​သော​အမှုအရာ​ကို ဆင်ခြင်​နှလုံးသွင်း​သောအခါ ဤ​အရာ​အားလုံး​ကို တွေ့မြင်​၏​။ လူ​သည် အခြားသောသူ​ကို​စိုးမိုး​၍ သူ​ကိုယ်တိုင် ဒုက္ခ​ရောက်​ရ​သော​အချိန်​ရှိ​၏​။