ဒံယေလအနာဂတ္တိကျမ်း 11:1-26

မေဒိ​လူမျိုး ဒါရိ​မင်းကြီး နန်းစံ​ပထမ​နှစ်​တွင်​လည်း သူ့​ဘက်​မှ​ရပ်တည်​၍ အင်အားဖြည့်​ကာကွယ်​ပေး​ခဲ့​၏​။ ယခု သင့်​အား မှန်​သော​အရာ​ကို ပြောပြ​မည်​။ ကြည့်ရှု​လော့​။ ပါးရှား​နိုင်ငံ​တွင် ရှင်ဘုရင်​သုံး​ပါး ထပ်​ပေါ်လာ​လိမ့်မည်​။ ထို့နောက် ပေါ်လာ​မည့်​စတုတ္ထ​ဘုရင်​သည် အခြား​ဘုရင်​အားလုံး​ထက် ဓနဥစ္စာ​ကြွယ်ဝ​သူ​ဖြစ်​မည်​။ သူ​သည် ဓနဥစ္စာ​ဖြင့် အင်အားကြီး​လာ​သောအခါ လူ​အပေါင်း​တို့​ကို လှုံ့ဆော်​၍ ဂရိ​နိုင်ငံ​ကို တိုက်ခိုက်​လိမ့်မည်​။ ထို့နောက် အားကြီး​သော​ရှင်ဘုရင်​တစ်​ပါး ပေါ်လာ​လိမ့်မည်​။ သူ​သည် ဩဇာအာဏာ​ကြီးမား​လျက် အုပ်စိုး​လိမ့်မည်​။ အလိုရှိ​သည့်​အတိုင်း ပြု​လိမ့်မည်​။ သူ​ပေါ်လာ​ပြီး​မကြာမီ​မှာပင် သူ့​နိုင်ငံ​သည် ပျက်စီး​သွား​၍ မိုးကောင်းကင်​အောက်​အရပ်​လေး​မျက်နှာ​သို့ ကွဲပြား​သွား​လိမ့်မည်​။ ထို​နိုင်ငံ​ကို သူ​၏​သားစဉ်မြေးဆက်​တို့ ဆက်ခံ​ရ​ကြ​မည်​မ​ဟုတ်​။ သူ​အုပ်စိုး​ခဲ့​သည့်​အာဏာစက်​မျိုး ရှိ​တော့​မည်​မ​ဟုတ်​။ သူ​၏​နိုင်ငံ​ကို သူ့​လက်​မှ​နုတ်ယူ​၍ အခြား​သူ​တို့​လက်​သို့ ပေးအပ်​လိမ့်မည်​။ ထို့နောက် တောင်ဘက်​မှ​ရှင်ဘုရင်​တစ်​ပါး အင်အားကြီး​လာ​လိမ့်မည်​။ သို့သော် ထို​ဘုရင်​၏​စစ်သူကြီး​များ​ထဲမှ​တစ်ဦး​သည် သူ့​ထက်​အားကြီး​လာ​၍ ထို​နိုင်ငံ​ကို အုပ်စိုး​မည်​။ သြဇာအာဏာ​ကြီးမား​မည်​။ နှစ်​ပေါင်း​ကြာ​လာ​သောအခါ သူ​တို့​ချင်း​မိတ်ဖွဲ့​ကြ​လိမ့်မည်​။ ငြိမ်းချမ်းရေး​ရယူ​ရန် တောင်​ဘုရင်​၏​သမီး​တော်​သည် မြောက်​ဘုရင်​ထံ​ဝင်ရောက်​လိမ့်မည်​။ သို့သော် ထို​မင်းသမီး​သည် မိမိ​၏​တန်ခိုး​အာဏာ​ကို မ​ထိန်းသိမ်း​ထား​နိုင်​။ ခမည်းတော်​၏​အာဏာ​လည်း မ​တည်တံ့​။ ထို​အချိန်​တွင် မင်းသမီး​နှင့် သူ့​အခြွေအရံ​များ​၊ သူ့​ခမည်းတော်​နှင့် ဘက်တော်သား​အားလုံး အပ်နှံ​ခြင်း​ခံရ​လိမ့်မည်​။ ထို​မင်းသမီး​၏​အမျိုးအနွယ်​ထဲမှ တစ်​ယောက်​သည် ထို​ဘုရင်​၏​အရိုက်အရာ​ကို ဆက်ခံ​ရ​မည်​။ သူ​သည် စစ်ချီ​၍ မြောက်​ဘုရင်​၏​စစ်သည်​တို့​ကို တိုက်ခိုက်​မည်​။ ခံတပ်​ကို​လည်း ဝင်ရောက်​တိုက်ခိုက်​၍ အောင်နိုင်​လိမ့်မည်​။ သူ​သည် ထို​သူ​တို့ သွန်းလုပ်​သော​ဘုရား​ရုပ်တု​များ​၊ ရွှေ​ငွေ​စသော​အဖိုးတန်​အသုံးအဆောင်​များ​ကို အီဂျစ်​ပြည်​သို့ သိမ်းယူ​သွား​လိမ့်မည်​။ ထို့နောက်မှ မြောက်​ဘုရင်​နှင့် နှစ်​ပေါင်း​အတန်ကြာ​ကင်းကွာ​နေ​လိမ့်မည်​။ ထို့နောက်မှ မြောက်​ဘုရင်​သည် တောင်​ဘုရင်​၏​နိုင်ငံ​သို့ စစ်ချီ​လာ​သော်လည်း မိမိ​ပြည်​သို့ ပြန်ဆုတ်​သွား​ရ​လိမ့်မည်​။ သူ​၏​သား​တော်​တို့​သည် စစ်တိုက်​ရန် လှုံ့ဆော်​ပြီး စစ်သည်​အလုံးအရင်း​ကို စုစည်း​မည်​။ ထို့နောက် ရေလွှမ်းမိုး​ပြီး​တိုက်ချ​သွား​သကဲ့သို့ စစ်ချီ​တိုက်ခိုက်​မည်​။ ထိုမှ ခံတပ်​သို့​အပြန်လမ်း​တစ်လျှောက်​တွင်​လည်း တိုက်ခိုက်​သွား​လိမ့်မည်​။ တောင်​ဘုရင်​လည်း ခံပြင်း​၍ မြောက်​ဘုရင်​ကို ထွက်​တိုက်​မည်​။ မြောက်​ဘုရင်​သည် စစ်သား​အလုံးအရင်း​စုဆောင်း​ထား​သော်လည်း ထို​စစ်သည်​အလုံးအရင်း​သည် တောင်​ဘုရင်​လက်​သို့ ရောက်သွား​ရ​လိမ့်မည်​။ တောင်​ဘုရင်​သည် ထို​စစ်သည်​အလုံးအရင်း​ကို သိမ်းသွား​နိုင်​သဖြင့် ဘဝင်မြင့်​လာ​လိမ့်မည်​။ သူ​သည် လူ​ထောင်ပေါင်း​များစွာ​ကို ချေမှုန်း​နိုင်​သော်လည်း သူ့​အာဏာ​တည်​လိမ့်မည်​မ​ဟုတ်​။ အကြောင်းမှာ မြောက်​ဘုရင်​သည် ပထမ​အကြိမ်​ထက်​များ​သော စစ်သည်​အလုံးအရင်း​ကို စုရုံး​၍ အချိန်တန်​သောအခါ လက်နက်​အပြည့်အစုံ​ပါ​သော​စစ်တပ်​ကြီး​ဖြင့် အမှန်​ချီတက်​လာ​လိမ့်မည်​။ ထို​အချိန်​တွင် တောင်​ဘုရင်​ကို ဆန့်ကျင်​၍​ထကြွပုန်ကန်​သော​သူ​တို့ များပြား​ကြ​လိမ့်မည်​။ ဗျာဒိတ်နိမိတ်​အတိုင်း ဖြစ်လာ​ရန် သင့်​လူမျိုး​ထဲမှ ကြမ်းကြုတ်​သော​သူ​တို့​သည်​လည်း ထကြွပုန်ကန်​ကြ​လိမ့်မည်​။ သို့သော် သူ​တို့ ကျရှုံး​ကြ​လိမ့်မည်​။ မြောက်​ဘုရင်​သည် ချီလာ​၍ မြေကတုတ်​ကို​တည်ဆောက်​ကာ ခံတပ်​မြို့​ကို သိမ်းပိုက်​လိမ့်မည်​။ တောင်​ဘုရင်​၏​စစ်သည်​တို့​သည် သူ့​ကို ခုခံ​နိုင်​မည်​မ​ဟုတ်​။ အထူး​ရွေးချယ်​ထား​သော​စစ်သည်​များ​ပင် ခုခံ​နိုင်​သော​ခွန်အား​ရှိ​မည်​မ​ဟုတ်​။ တောင်​ဘုရင်​ကို လာတိုက်​သော​မြောက်​ဘုရင်​သည် အလိုရှိ​သည့်​အတိုင်း​ပြု​လိမ့်မည်​။ သူ့​ကို မည်သူ​မျှ​ခုခံ​နိုင်​မည်​မ​ဟုတ်​။ သူ​သည် သာယာဝပြော​သော​ပြည်​တွင် စံမြန်း​လျက် သုတ်သင်ဖျက်ဆီး​ခြင်း​အာဏာ​ကို​စွဲကိုင်​ထား​မည်​။ သူ​သည် မိမိ​နိုင်ငံ​တစ်နိုင်ငံလုံး​၏​အင်အား​ဖြင့် တောင်​ဘုရင်​ထံ​ဝင်ရောက်​၍ ငြိမ်းချမ်းရေး​ရယူ​ရန် ကြံစည်​လိမ့်မည်​။ ပြည်​ကို​ဖျက်ဆီး​ရန် မိန်းမပျို​များ​ကို တောင်​ဘုရင်​အား ဆက်သ​လိမ့်မည်​။ သို့သော် ထို​အမှု​သည် အောင်မြင်​မည်​မ​ဟုတ်​၊ သူ့​အတွက် အကျိုး​ပြု​မည်​မ​ဟုတ်​။ ထို့နောက် သူ​သည် ကမ်းရိုးတန်းဒေသ​များ​ဘက်​သို့​လှည့်​၍ နယ်မြေ​များစွာ​ကို သိမ်းယူ​နိုင်​လိမ့်မည်​။ သို့သော် အကြီးအမှူး​တစ်​ဦး​သည် မောက်မာစော်ကား​သော​သူ့​ကို ချိုးနှိမ်​ပစ်​လိမ့်မည်​။ ထို​မောက်မာစော်ကားမှု​ကို သူ​ပြန်​ခံရ​စေ​မည်​။ သူ​သည် သူ့​ခံတပ်​ပြည်​သို့​ပြန်လာ​မည်​ဖြစ်​သော်လည်း ခလုတ်တိုက်​၍​လဲကျ​သေဆုံး​သွား​လိမ့်မည်​။ သူ့​ကို တွေ့​ရ​တော့​မည်​မ​ဟုတ်​။ သူ့​နေရာ​တွင် နိုင်ငံ​၏​ဘုန်းစည်းစိမ်​အတွက်​အခွန်ကောက်ခံ​သော​သူ​ကို စေလွှတ်​မည့် မင်း​တစ်ပါး ပေါ်လာ​လိမ့်မည်​။ သို့သော် မကြာမီမှာ​ပင် ထို​မင်း​သည် အမျက်​ကြောင့်​မ​ဟုတ်​၊ စစ်ပွဲ​ကြောင့်​လည်း မ​ဟုတ်​ဘဲ ပျက်စီး​သွား​ရ​လိမ့်မည်​။ ထို့နောက် ထို​မင်း​၏​နေရာ​တွင် ယုတ်ညံ့​သော​မင်း​တစ်ပါး​ပေါ်လာ​လိမ့်မည်​။ မည်သူ​မျှ သူ့​ကို နန်းစံ​ဖို့ မင်း​မ​မြှောက်​။ လူ​တို့ လုံခြုံစိတ်ချ​စွာ​နေ​နေ​ကြ​စဉ် သူ​သည် ရောက်လာ​၍ နိုင်ငံ​ကို လိမ်လည်​သိမ်းယူ​လိမ့်မည်​။ သူ့​ရှေ့​မှာ​ပင် စစ်သည်​အလုံးအရင်း​နှင့်အတူ မဟာမိတ်​မင်း​သည်​လည်း ရေလွှမ်းမိုး​သကဲ့သို့ တိုက်စား​သွား​ခြင်း​ခံရ​၍ ပျက်စီး​သွား​ရ​လိမ့်မည်​။ သူ​သည် မဟာမိတ်ဖွဲ့​ပြီးမှ သူ​နှင့်​မဟာမိတ်ဖွဲ့​သော​သူ​ကို လိမ်လည်လှည့်စား​မည်​။ စစ်ချီတိုက်ခိုက်​မည်​။ လူ​နည်းစု​ဖြင့် အားကြီး​လာ​လိမ့်မည်​။ ငြိမ်းချမ်း​သော​ကာလ​တွင် သူ​သည် ချမ်းသာကြွယ်ဝ​သော​နိုင်ငံ​ကြီး​ကို ဝင်တိုက်​လိမ့်မည်​။ သူ​၏​ဘိုးဘေး​များ​နှင့် ဘိုးဘေး​တို့​၏​ဘိုးဘေး​များ​ပင် မ​ပြု​သော​အမှု​ကို သူ​ပြု​လိမ့်မည်​။ တိုက်ခိုက်​သိမ်းပိုက်​ထား​သော​ဥစ္စာပစ္စည်း​တို့​ကို ခွဲဝေ​ပေး​လိမ့်မည်​။ ခံတပ်​မြို့​တို့​ကို လုပ်ကြံ​သိမ်းယူ​လိမ့်မည်​။ သို့သော် တစ်ခဏသာ ဖြစ်​လိမ့်မည်​။ ထို့ပြင် သူ​သည် စစ်အင်အား​အလုံးအရင်း​နှင့်တကွ အားမာန်တင်း​လျက် တောင်​ဘုရင်​ကို တိုက်ခိုက်​လိမ့်မည်​။ တောင်​ဘုရင်​သည် အင်အားကြီး​သော​စစ်တပ်​ကြီး​ကို ပြင်ဆင်​၍​တိုက်ခိုက်​ရန် ကြိုးပမ်း​သော်လည်း ခုခံ​နိုင်​မည်​မ​ဟုတ်​။ အကြောင်းမှာ သူ့​အပေါ် လျှို့ဝှက်​ကြံစည်​ကြ​သောကြောင့် ဖြစ်​၏​။ သူ​ကျွေးမွေး​ထား​သော​သူ​များ​ကပင် သူ့​ကို​ဖျက်ဆီး​လိမ့်မည်​။ သူ့​စစ်သည်​တို့​သည်​လည်း ချေမှုန်း​ဖျက်ဆီး​ခြင်း​ခံရ​၍ လူ​အမြောက်အမြား​သေကျေ​ကျဆုံး​ကြ​လိမ့်မည်​။