ဒံယေလအနာဂတ္တိကျမ်း 1:8-14

ဒံယေလ​သည် ဘုရင့်​အစားအစာ​နှင့် ဘုရင်​သောက်​သော​စပျစ်ဝိုင်​တို့​ဖြင့် မိမိကိုယ်ကို​မ​ညစ်ညူး​စေရန် စိတ်ပိုင်းဖြတ်​ထား​သဖြင့် ထို​အရာ​တို့​ဖြင့် မိမိကိုယ်ကို​ညစ်ညူး​အောင်​မ​ပြု​ပါရစေ​နှင့်​ဟု နန်းတော်အုပ်​ထံ အခွင့်တောင်း​လေ​၏​။ နန်းတော်အုပ်​သည် ဒံယေလ​အား ကျေးဇူးပြု​လို​သော​စိတ်​၊ သနား​လို​သော​စိတ်​ရှိ​အောင် ဘုရားသခင်​ပြု​ပေး​တော်မူ​၏​။ နန်းတော်အုပ်​က​လည်း ဒံယေလ​အား “​သင်​တို့​စား​သောက်​ရန် ကြီးကြပ်​စီမံ​ပေး​သော ငါ့​အရှင်​ဘုရင်​ကို ငါ​ကြောက်​၏​။ သင်​တို့​မျက်နှာ​သည် သင်​တို့​နှင့်​သက်တူရွယ်တူ​လူငယ်​တို့​၏​မျက်နှာ​နှင့်​မ​တူ ညှိုးငယ်​နေ​မည်​ကို အဘယ်ကြောင့် သူ့​ကို မြင်​စေ​မည်နည်း​။ သို့ဖြစ်လျှင် ငါ​သည် ဘုရင်​ထံမှ အပြစ်ဒဏ်​ခံရ​လိမ့်မည်​”​ဟု ပြန်ပြော​၏​။ ထိုအခါ ဒံယေလ​က မိမိ​အပါအဝင် ဟာနနိယ​၊ မိရှေလ​၊ အာဇရိ​တို့​ကို ကြည့်ရှု​ပေး​ရန် နန်းတော်အုပ်​ခန့်ထား​သော​စားတော်ကဲ​ထံ​သွား​၍ “​အသင့်​အစေအပါး​တို့​အား ဟင်းသီးဟင်းရွက်​ကို​သာ​ကျွေး​၍ ရေ​ကို​သာ​တိုက်​ခြင်း​ဖြင့် ဆယ်​ရက်​စမ်းသပ်​ကြည့်​ပါ​။ ထို့နောက် အကျွန်ုပ်​တို့​၏​ရုပ်ဆင်းသွင်ပြင်​နှင့် ဘုရင့်​အစားအစာ​ကို​စား​သော​လူငယ်​တို့​၏​ရုပ်ဆင်းသွင်ပြင်​ကို ယှဉ်ကြည့်​ပါ​။ သို့ပြီးမှ အသင်​မြင်​သည့်​အတိုင်း အသင့်​ကျွန်​တို့​ကို စီရင်​ပါ​”​ဟု ဆို​၏​။ စားတော်ကဲ​သည်​လည်း ဒံယေလ​စကား​ကို သဘောတူ​၍ ဆယ်​ရက်​စမ်းသပ်​လေ​၏​။