တမန်တော်ဝတ္ထု 27:1-26

ငါ​တို့​သည် အီတလီ​ပြည်​သို့​ရွက်လွှင့်​ရ​မည်​ဟု သူ​တို့​ဆုံးဖြတ်​ကြ​သောအခါ သူ​တို့​သည် ပေါလု​နှင့်​အခြား​အကျဉ်းသား​အချို့​တို့​ကို ဧကရာဇ်​မင်း​၏​တပ်ဖွဲ့​မှ ယုလိ​အမည်​ရှိ​သော​တပ်မှူး​ထံ အပ်​ကြ​၏။ ငါ​တို့​သည် အာရှ​ပြည် ကမ်းခြေ​တစ်လျှောက်​ရှိ ဆိပ်ကမ်း​များ​သို့​ရွက်လွှင့်​သွား​မည့် အဒြာမုတ္တိ​သင်္ဘော​ကို​စီး​လျက် ရွက်လွှင့်​ကြ​၏။ မာကေဒေါနိ​ပြည်၊ သက်သာလောနိတ်​မြို့သား အာရိတ္တာခု​သည်​လည်း ငါ​တို့​နှင့်အတူ​ပါ​လာ​၏။ နောက်တစ်နေ့​တွင် ငါ​တို့​သည် ဆီဒုန်​မြို့​သို့​ဆိုက်ကပ်​ကြ​၏။ ယုလိ​သည် ပေါလု​ကို​ကြင်နာ​စွာ​ဆက်ဆံ​လျက် မိတ်ဆွေ​များ​ထံ​သွား​၍ လုပ်ကျွေး​ပြုစု​ခြင်း​ခံယူ​ခွင့်​ကို ပေး​လေ​၏။ ထို​မြို့​မှ​ရွက်လွှင့်​ကြ​သောအခါ လေ​ဆန်​ဖြစ်​နေ​သဖြင့် ဆိုက်ပရပ်​ကျွန်း​၏​လေကွယ်​ရာ​ဘက်​မှ ရွက်လွှင့်​သွား​ကြ​၏။ ထို့နောက် ဆီလီဆီးယား​ပြည်​နှင့်​ပံဖုလိ​ပြည်​၏​ပင်လယ်ပြင်​ကို ရွက်လွှင့်​ပြီး လုကိ​ပြည်၊ မုရ​မြို့​သို့​ရောက်​ကြ​၏။ ထို​မြို့​တွင် တပ်မှူး​သည် အီတလီ​ပြည်​သို့​ရွက်လွှင့်​မည့် အလက်ဇန္ဒြိယ​သင်္ဘော​ကို​တွေ့​၍ ငါ​တို့​အား ထို​သင်္ဘော​ပေါ်သို့​တက်​စေ​၏။ ရက်​ပေါင်း​များစွာ​တစ်ရွေ့ရွေ့​ရွက်လွှင့်​ကြ​ပြီးနောက် ကနိဒ်​မြို့​နား​သို့ ခက်ခဲ​စွာ​ဖြင့်​ရောက်ရှိ​ကြ​၏။ ငါ​တို့​သည် လေ​ကြောင့် ဆက်​မ​သွား​နိုင်​တော့​သဖြင့် သာလမုန်​အငူ​နား​မှ​ဖြတ်​၍ ကရေတေ​ကျွန်း​၏​လေကွယ်​ရာ​ဘက်​မှ ရွက်လွှင့်​သွား​ကြ​၏။ ကမ်းရိုးတန်း​တစ်လျှောက် ခက်ခဲ​စွာ​ရွက်လွှင့်​သွား​ပြီးနောက် လာသဲ​မြို့​အနီး​ရှိ ဆိပ်ကမ်း​သာ​ဟု​ခေါ်​သော​အရပ်​သို့​ရောက်​ကြ​၏။ အချိန်​များစွာ​ကြာ​လာ​၍ အစာရှောင်​ရာ​နေ့​သည်​လည်း လွန်​ခဲ့​ပြီ​ဖြစ်​သောကြောင့် ပင်လယ်​ခရီး​သည် ဘေးအန္တရာယ်​ရှိ​လာ​သဖြင့် ပေါလု​သည် သူ​တို့​အား သတိပေး​ကာ “မိတ်ဆွေ​တို့၊ ဤ​ပင်လယ်​ခရီး​တွင် သင်္ဘော​နှင့်​ကုန်ပစ္စည်း​သာမက အကျွန်ုပ်​တို့​၏​အသက်​အပေါ်၌​ပင် ဘေးအန္တရာယ်​နှင့်​များစွာ​သော​ဆုံးရှုံး​မှု ကျရောက်​လာ​လိမ့်မည်​ဟု အကျွန်ုပ်​တွေ့မြင်​ရ​သည်”​ဟူ၍ ဆို​လေ​၏။ သို့သော် တပ်မှူး​သည် ပေါလု​ပြောဆို​သော​စကား​ထက် ရေယာဉ်မှူး​နှင့်​သင်္ဘော​ပိုင်ရှင်​တို့​ကို ပို၍​ယုံ​၏။ ထို​ဆိပ်ကမ်း​သည်​လည်း ဆောင်း​ခို​ရန်​မ​သင့်လျော်​သော​ဆိပ်ကမ်း​ဖြစ်​သောကြောင့် အများစု​က ထို​ဆိပ်ကမ်း​မှ​ရွက်လွှင့်​ပြီး ဖြစ်နိုင်​လျှင် အနောက်​တောင်​နှင့် အနောက်​မြောက်​သို့​မျက်နှာမူ​သည့် ကရေတေ​ကျွန်း​၏​ဖိနိတ်​ဆိပ်ကမ်း​သို့ တစ်နည်းနည်း​ဖြင့်​သွား​၍ ဆောင်းခို​မည်​ဟု ဆုံးဖြတ်​ကြ​၏။ တောင်​လေ​ဖြည်းညင်း​စွာ​တိုက်ခတ်​လာ​သောအခါ သူ​တို့​သည် အကြံအစည်​အောင်မြင်​ပြီ​ဟု​ထင်မှတ်​လျက် ကျောက်ဆူး​ကို​နုတ်​ပြီးလျှင် ကရေတေ​ကျွန်း​၏​ကမ်းခြေ​ကို​ကပ်​၍ ရွက်လွှင့်​ကြ​၏။ သို့သော် မကြာမီ​အတွင်း ဥရုကလုဒုန်​ဟု​ခေါ်​သည့် လေ​မုန်တိုင်း​သည် ကုန်းတွင်းပိုင်း​မှ တိုက်ခတ်​လာ​လေ​၏။ သင်္ဘော​သည် လေ​မုန်တိုင်း​မိ​သဖြင့် လေ​ကို​ဆန်​၍​မ​သွား​နိုင်​သောကြောင့် ငါ​တို့​သည် လက်လျှော့​၍ လေ​တိုက်​ရာ​သို့ မျော​ပါ​သွား​ကြ​၏။ ကလောဒေ​ဟု​ခေါ်​သော ကျွန်း​ငယ်​တစ်​ကျွန်း​၏​လေကွယ်​ရာ​သို့ ရောက်​ကြ​သောအခါ အသက်ကယ်လှေ​ကို ခက်ခဲ​စွာ​ဖြင့် ပြန်လည်​ထိန်းသိမ်း​နိုင်​ခဲ့​ကြ​၏။ သူ​တို့​သည် ထို​လှေ​ကို သင်္ဘော​ပေါ်​တင်​ပြီးလျှင် သင်္ဘော​ကို​ခိုင်ခံ့​စေရန် ကြိုး​ဖြင့်​ပတ်စည်း​ကြ​၏။ ဆိတစ်​သဲသောင်​ပေါ်၌ သောင်တင်​မည်​ကို စိုးရိမ်​သောကြောင့် ရွက်​ကို​လျှောချ​လျက် လေတိုက်​ရာ​သို့ မျော​ပါ​သွား​ကြ​၏။ ငါ​တို့​သည် လေ​မုန်တိုင်း​ဒဏ်​ကို ပြင်း​စွာ​ခံရ​သဖြင့် နောက်တစ်နေ့​တွင် လူ​တို့​သည် ကုန်ပစ္စည်း​များ​ကို သင်္ဘော​ပေါ်မှ ပစ်ချ​ကြ​၏။ သုံး​ရက်​မြောက်​သော​နေ့​တွင် သင်္ဘော​၏​ကုန်​တင်​ကုန်​ချ​ပစ္စည်း​များ​ကို​ပင် မိမိ​တို့​လက်​ဖြင့်​ယူ​၍ ပစ်ချ​ကြ​၏။ ရက်​ပေါင်း​များစွာ နေ​နှင့်​ကြယ်​များ​ကို​မ​တွေ့​ရ​ချေ။ မုန်တိုင်း​သည်​လည်း အရှိန်​မ​လျော့​ဘဲ တိုက်ခတ်​လျက်​ရှိ​သဖြင့် နောက်ဆုံး​တွင် ငါ​တို့​လွတ်မြောက်​မည်​ဟူသော​မျှော်လင့်​ချက်​ရှိသမျှ​သည် ပျောက်ကွယ်​သွား​ခဲ့​လေ​၏။ လူ​တို့​သည် ကြာမြင့်​စွာ​အစာ​မ​စား​ဘဲ​နေ​ကြ​သောအခါ ပေါလု​သည် သူ​တို့​အလယ်​၌​ရပ်​လျက် “အို မိတ်ဆွေ​တို့၊ သင်​တို့​သည် အကျွန်ုပ်​၏​စကား​ကို​နားထောင်​၍ ကရေတေ​ကျွန်း​မှ​မ​ထွက်ခွာ​ဘဲ နေ​သင့်​ပေ​သည်။ သို့ပြုလျှင် ဤ​ဘေးအန္တရာယ်​နှင့်​ဆုံးရှုံး​မှု​တို့​မှ ကင်းလွတ်​ခဲ့​ရ​ကြ​ပေ​လိမ့်မည်။ သို့သော် အားမငယ်​ကြ​ရန် သင်​တို့​အား အကျွန်ုပ်​တိုက်တွန်း​ပါ​သည်။ အကြောင်းမူကား သင်​တို့​ထဲမှ တစ်စုံတစ်ဦး​မျှ အသက်​ဆုံးရှုံး​ရ​မည်​မ​ဟုတ်။ သင်္ဘော​ကို​သာ ဆုံးရှုံး​ရ​လိမ့်မည်။ အဘယ်ကြောင့်​ဆိုသော် အကျွန်ုပ်​ကို​ပိုင်သ​တော်မူ​သည့် အကျွန်ုပ်​ဝတ်ပြု​သော​ဘုရားသခင်​၏​ကောင်းကင်​တမန်​သည် လွန်​ခဲ့​သော​ည​က အကျွန်ုပ်​အနီး၌​ရပ်​လျက် ‘ပေါလု၊ မ​စိုးရိမ်​နှင့်။ သင်​သည် ဆီဇာ​ဧကရာဇ်​ရှေ့သို့​ရောက်​ရ​မည်။ ဘုရားသခင်​သည် သင်​နှင့်အတူ​ရွက်လွှင့်​နေ​သူ​အပေါင်း​တို့​ကို​လည်း သင့်​အား ပေးအပ်​တော်မူ​ပြီ’​ဟု မြွက်ဆို​ခဲ့​ပါ​သည်။ သို့ဖြစ်၍ မိတ်ဆွေ​တို့၊ အားမငယ်​ကြ​နှင့်။ အကြောင်းမူကား အကျွန်ုပ်​အား​မိန့်​တော်မူ​သည့်​အတိုင်း​ပင် ဖြစ်​လိမ့်မည်​ဟု ဘုရားသခင်​ကို​အမှီပြု၍ အကျွန်ုပ်​ယုံကြည်​ပါ​သည်။ အကျွန်ုပ်​တို့​သည် ကျွန်း​တစ်​ခု​တွင် သောင်တင်​ရ​လိမ့်မည်”​ဟု ဆို​လေ​၏။