ဓမ္မရာဇဝင်ဒုတိယစောင် 24:4-15

သို့ရာတွင် ရှင်ဘုရင်​၏​အမိန့်​တော်​သည် ယွာဘ​နှင့် စစ်သူကြီး​တို့​ကို လွှမ်းမိုး​နိုင်​သဖြင့် ယွာဘ​နှင့် စစ်သူကြီး​တို့​သည် အစ္စရေး​လူမျိုး​တို့​ကို စာရင်းယူ​ရန် ရှင်ဘုရင်​ထံ​မှ ထွက်သွား​ကြ​လေ​၏​။ သူ​တို့​သည် ဂျော်ဒန်​မြစ်​ကို​ကူး​၍ ဂဒ်​ချိုင့်ဝှမ်း​အလယ် အာရော်​မြို့​တောင်ဘက်​တွင် စခန်းချ​ကြ​ပြီးနောက် ယာဇာ​မြို့​သို့​ဆက်သွား​ကြ​၏​။ ထိုမှ ဂိလဒ်​ပြည်​၊ တက်တိမ်ဟော​ရှိ​ပြည်​တို့​သို့ သွား​ပြီး ဒန်ယန်​ပြည်​နှင့် ဆီဒုန်​ပြည်​ဘက်​သို့ ပတ်သွား​ကြ​၏​။ ထိုမှ တိုင်ရာ​ခံတပ်​မြို့​၊ ဟိဝိ​လူမျိုး​နှင့် ခါနာန်​လူမျိုး​တို့ နေထိုင်​ရာ​မြို့​ရှိသမျှ​တို့​သို့ သွား​၏​။ ယုဒ​ပြည်​၊ နေဂေ့​အရပ်​ရှိ​ဗေရရှေဘ​မြို့​သို့​လည်း သွား​ကြ​၏​။ သူ​တို့​သည် ကိုး​လ​နှင့် ရက်​နှစ်ဆယ်​ကြာ​အောင် တစ်ပြည်လုံး​သို့ လှည့်လည်​သွားလာ​ပြီးနောက် ဂျေရုဆလင်​မြို့​သို့ ပြန်လာ​၏​။ ယွာဘ​သည် လူ​အရေအတွက်​စာရင်း​ကို ရှင်ဘုရင်​ထံ ပေးအပ်​၏​။ စာရင်း​အရ​ဓား​ကိုင်​စစ်သူရဲ​များ​မှာ အစ္စရေး​အမျိုးသား​တွင် ရှစ်သိန်း​၊ ယုဒ​အမျိုးသား​တွင် ငါးသိန်း ရှိ​၏​။ ဒါဝိဒ်​မင်းကြီး​သည် ထိုသို့ လူ​အရေအတွက်​စာရင်း​ကို ကောက်ယူ​ပြီးမှ နောင်တရ​သဖြင့် ထာဝရဘုရား​အား “​အကျွန်ုပ်​သည် ကြီးမား​သော​အပြစ်​ကို​ကျူးလွန်​မိ​ပါ​ပြီ​။ အို ထာဝရဘုရား​၊ ကိုယ်တော့်​အစေအပါး​၏​အပြစ်​ကို ဖြေလွှတ်​တော်မူ​ပါ​။ အကျွန်ုပ်​သည် အလွန်​မိုက်မဲ​သော​အမှု​ကို ပြု​မိ​ပါ​ပြီ​”​ဟု လျှောက်ဆို​လေ​၏​။ ဒါဝိဒ်​မင်းကြီး နံနက်​အိပ်ရာ​ထ​ချိန်​တွင် ဒါဝိဒ်​မင်းကြီး​၏​ဗျာဒိတ်ဆရာ ပရောဖက်​ဂဒ်​ထံသို့ ထာဝရဘုရား​၏​နှုတ်ကပတ်တော်​ရောက်လာ​၍ “​သင်​သည် ဒါဝိဒ်​မင်းကြီး​ထံသို့​သွား​ပြီး ‘​သင့်​အား ရွေးချယ်စရာ​သုံး​ခု​ကို ပေး​ထား​ပြီ​။ ထို​သုံး​ခု​ထဲမှ တစ်​ခု​ကို ရွေး​လော့​။ သင်​ရွေး​သည့်​အချက်​အတိုင်း သင့်​ကို ပြု​မည်​’​ဟူ၍ ထာဝရဘုရား​မိန့်​တော်မူ​၏”​ဟု ဆင့်ဆို​လော့​။ ထို့ကြောင့် ဂဒ်​သည် ဒါဝိဒ်​မင်းကြီး​ထံသို့​သွား​၍ “​အရှင်မင်းကြီး​၏​တိုင်းပြည်​တွင် ငတ်မွတ်ခေါင်းပါး​ခြင်း​ဘေး ခုနစ်​နှစ် ဖြစ်​စေ​ရ​မည်လော​။ သို့မဟုတ် ရန်သူ​လိုက်​သဖြင့် အရှင်မင်းကြီး​ကို သုံး​လ​ပတ်လုံး​ထွက်ပြေး​စေ​ရ​မည်လော​။ သို့မဟုတ် တိုင်းပြည်​တွင် သုံး​ရက်​ပတ်လုံး​ကပ်ရောဂါဘေး ကျရောက်​စေ​ရ​မည်လော​။ အကျွန်ုပ်​ကို စေလွှတ်​သော​အရှင်​အား မည်သည့်​အဖြေ​ပြန်ပေး​ရ​မည်​ကို ယခု စဉ်းစား​ဆုံးဖြတ်​ပါ​လော့​”​ဟု လျှောက်တင်​၏​။ ထိုအခါ ဒါဝိဒ်​မင်းကြီး​က ဂဒ်​အား “​ငါ​သည် အကျဉ်းအကျပ်​ထဲသို့ ရောက်​ပါ​ပြီ​တကား​။ ထာဝရဘုရား​သည် သနား​ခြင်း​ကရုဏာ​ကြီးမား​သည်​ဖြစ်၍ ထာဝရဘုရား​လက်​တော်​ထဲသို့​သာ ငါ​တို့​ကျရောက်​ပါစေ​၊ လူ့​လက်​ထဲသို့ မ​ကျရောက်​ပါစေ​နှင့်​”​ဟု မိန့်ဆို​၏​။ ထို့ကြောင့် ထာဝရဘုရား​သည် ထို​နေ့​နံနက်အချိန်​မှစ၍ သတ်မှတ်​ထား​သော​အချိန်​ထိ အစ္စရေး​လူမျိုး​တို့​ထဲသို့ ကပ်ရောဂါ​ဘေး​ကျရောက်​စေ​သဖြင့် ဒန်​မြို့​မှစ၍ ဗေရရှေဘ​မြို့​တိုင်အောင် လူ​ခုနစ်သောင်း သေ​ကြ​ရ​၏​။