ဓမ္မရာဇဝင်စတုတ္ထစောင် 25:1-21

ဇေဒကိ​မင်းကြီး နန်းစံ​ကိုး​နှစ်​၊ ဒသမ​လ​၊ ဆယ်​ရက်​နေ့​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး​သည် မိမိ​စစ်သည်​အပေါင်း​တို့​နှင့်တကွ ဂျေရုဆလင်​မြို့​သို့​စစ်ချီလာ​၍ မြို့ပြင်​၌​စခန်းချ​ကြ​၏​။ မြို့​ပတ်ပတ်လည်​၌ မြေကတုတ်​ကို​ဆောက်​ကြ​၏​။ ဇေဒကိ​မင်းကြီး​နန်းစံ တစ်ဆယ့်တစ်​နှစ်​တိုင်အောင် မြို့​ကို​ဝိုင်း​ထား​ကြ​၏​။ ထို​နှစ် စတုတ္ထ​လ​၊ ကိုး​ရက်​နေ့​တွင် မြို့​ထဲ၌ ငတ်မွတ်ခေါင်းပါး​ခြင်း​ဘေး ဆိုးရွား​စွာ​ဖြစ်​သဖြင့် မြို့သူမြို့သား​တို့ စားစရာ​အလျှင်း​မ​ရှိ​တော့ပေ​။ နောက်ဆုံး​၌ မြို့ရိုး​ကျိုးပေါက်​သွား​ပြီး ခါလဒဲ​စစ်သည်​တို့​က မြို့​ကို​ဝိုင်းရံ​ထား​ကြ​သော်လည်း ရှင်ဘုရင်​နှင့်တကွ စစ်သူရဲ​အပေါင်း​တို့​သည် ညအချိန်​တွင် ဘုရင့်​ဥယျာဉ်​တော်​အနီး မြို့ရိုး​နှစ်​ခု​ကြား​ရှိ​တံခါး​မှ​ထွက်​၍ အရာဗ​လွင်ပြင်​သွား​ရာ​လမ်း​အတိုင်း ထွက်ပြေး​ကြ​၏​။ ခါလဒဲ​စစ်သည်​တို့​သည်​လည်း ရှင်ဘုရင်​နောက်သို့​လိုက်​ကြ​ရာ ဇေဒကိ​မင်းကြီး​ကို ဂျေရိခေါ​လွင်ပြင်​၌ မီ​လေ​၏​။ သူ​၏​စစ်သည်​အပေါင်း​တို့​သည်​လည်း တကွဲတပြား​ထွက်ပြေး​ကြ​၏​။ ခါလဒဲ​စစ်သည်​တို့​သည် ဇေဒကိ​မင်းကြီး​ကို​ဖမ်းဆီး​ပြီး ဘေဘီလုံ​ဘုရင်​ရှိ​ရာ ရိဗလ​မြို့​သို့ ခေါ်ဆောင်​သွား​ကြ​၍ သူ့​ကို စီရင်ချက်ချ​လေ​၏​။ ဇေဒကိ​မင်းကြီး​၏​သား​တို့​ကို ဇေဒကိ​မင်းကြီး​ရှေ့မှောက်​တွင်​ပင် သတ်​၏​။ ဇေဒကိ​မင်းကြီး​၏​မျက်စိ​ကို​လည်း​ဖောက်ထုတ်​ပြီး သူ့​ကို ကြေးနီကြိုး​ဖြင့်​ချည်နှောင်​ကာ ဘေဘီလုံ​မြို့​သို့ ခေါ်ဆောင်​သွား​၏​။ ဘေဘီလုံ​ဘုရင်​နေဗုခဒ်နေဇာ​မင်းကြီး နန်းစံ​တစ်ဆယ့်ကိုး​နှစ်​၊ ပဉ္စမ​လ​၊ ခုနစ်​ရက်​နေ့​၌ ဘေဘီလုံ​ဘုရင်​၏​အမှုထမ်း ကိုယ်ရံတော်မှူး​နေဗုဇာရဒန်​သည် ဂျေရုဆလင်​မြို့​သို့​ရောက်လာ​၏​။ သူ​သည် ထာဝရဘုရား​၏​အိမ်​တော်​မှစ၍ ဘုရင့်​နန်းတော်​နှင့် ဂျေရုဆလင်​မြို့​ရှိ အိမ်​အားလုံး​ကို မီးရှို့​၏​။ မှူးကြီးမတ်ရာ​တို့​၏​အိမ်​အားလုံး​ကို​လည်း မီးရှို့​လေ​၏​။ ကိုယ်ရံတော်မှူး​နှင့်​ပါလာ​သော ခါလဒဲ​စစ်သည်​အပေါင်း​တို့​သည် ဂျေရုဆလင်​မြို့​ပတ်ပတ်လည်​ရှိ မြို့ရိုး​ကို ဖြိုဖျက်​ကြ​၏​။ ထို့နောက် ကိုယ်ရံတော်မှူး​နေဗုဇာရဒန်​သည် မြို့​ထဲ၌​ကြွင်းကျန်​သော​သူ​များ​၊ ဘေဘီလုံ​ဘုရင်​ထံ ခိုလှုံလာ​သူ​များ​နှင့် ကျန်ရှိ​သော​ပြည်သူပြည်သား​တို့​ကို ဖမ်းခေါ်​သွား​လေ​၏​။ သို့သော် ကိုယ်ရံတော်မှူး​သည် ဆင်းရဲ​သော​ပြည်သား​အချို့​ကို ချန်ထား​၍ စပျစ်ခြံ​များ​၊ လယ်​များ​တွင် အလုပ်လုပ်​စေ​၏​။ ခါလဒဲ​စစ်သည်​တို့​သည် ထာဝရဘုရား​၏​အိမ်​တော်​၌​ရှိ​သော​ကြေးနီ​တိုင်​များ​၊ ထာဝရဘုရား​၏​အိမ်​တော်​၌​ရှိ​သော​ကြေးနီ​ရေကန်​နှင့်​တွန်းလှည်း တို့​ကို​ချိုးဖဲ့​၍ ကြေးနီ​ရှိသမျှ​ကို ဘေဘီလုံ​မြို့​သို့ ယူဆောင်​သွား​ကြ​၏​။ အိုး​များ​၊ ဂေါ်ပြား​များ​၊ မီးညှပ်​များ​၊ ဇွန်း​များ​မှစ၍ အမှု​တော်​ဆောင်ရွက်​ရာ​တွင်​အသုံးပြု​သည့် ကြေးနီ​တန်ဆာပလာ​ရှိသမျှ​တို့​ကို​လည်း ယူဆောင်​သွား​ကြ​၏​။ ကိုယ်ရံတော်မှူး​သည် ရွှေစင်​၊ ငွေစင်​ဖြင့်​လုပ်​ထား​သော မီးကျီးခံဗန်း​များ​၊ ဇလုံ​များ​ကို​လည်း သိမ်းယူ​သွား​လေ​၏​။ ထာဝရဘုရား​၏​အိမ်​တော်​၌ ရှောလမုန်​မင်းကြီး​ပြုလုပ်​ထား​သော တိုင်​နှစ်​တိုင်​၊ ရေကန်​တစ်​ကန်​နှင့် တွန်းလှည်း​များ​စသည့် ကြေးနီ​တန်ဆာပလာ​အားလုံး​၏​အလေးချိန်​မှာ ချိန်တွယ်​၍​ပင်​မ​ရ​နိုင်​ချေ​။ တိုင်​တစ်​တိုင်​စီ​၏​အမြင့်​မှာ တစ်ဆယ့်ရှစ်​တောင်​ရှိ​ပြီး တိုင်ထိပ်​တွင် ကြေးနီ​တိုင်အုပ် ပါရှိ​၏​။ ထို​တိုင်အုပ်​သည်​လည်း အမြင့်​သုံး​တောင်​ရှိ​ပြီး တိုင်အုပ်​ပတ်ပတ်လည်​တွင်​လည်း ကြေးနီ​အတိပြီး​သော​ရာဇမတ်ကွက်​နှင့်​သလဲသီးပုံ​များ​လည်း ပါရှိ​၏​။ ထိုနည်းတူ ဒုတိယ​တိုင်​တွင်​လည်း ရာဇမတ်ကွက်​များ ပါရှိ​၏​။ ကိုယ်ရံတော်မှူး​သည် ယဇ်ပုရောဟိတ်​မင်း​စရာယ​၊ လက်ထောက်​ယဇ်ပုရောဟိတ်​ဇေဖနိ​နှင့် တံခါးစောင့်​သုံး​ယောက်​တို့​ကို ခေါ်ဆောင်​သွား​၏​။ စစ်သူရဲ​တို့​ကို ကြီးကြပ်အုပ်ချုပ်​ရ​သူ​စစ်သူကြီး​တစ်​ဦး​၊ မြို့​ထဲ၌​တွေ့​မိ​သော ဘုရင့်​အတိုင်ပင်ခံအမတ်​ငါး​ဦး​၊ ပြည်သား​တို့​ထဲမှ စစ်သား​ရှာဖွေ​စုဆောင်း​ပေး​ရ​သူ စစ်စာရေးတော်ကြီး​တစ်ဦး​၊ မြို့​ထဲ၌​တွေ့​မိ​သော​ပြည်သူပြည်သား​အယောက်​ခြောက်ဆယ်​တို့​ကို​လည်း မြို့​ထဲမှ ခေါ်ယူ​သွား​လေ​၏​။ ကိုယ်ရံတော်မှူး​နေဗုဇာရဒန်​သည် ထို​သူ​တို့​ကို ရိဗလ​မြို့​ရှိ ဘေဘီလုံ​ဘုရင်​ထံသို့ ခေါ်ဆောင်​လာ​၏​။ ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်း​ပြည်​မှ ဖမ်းခေါ်​သွား​ခြင်း​ခံရ​လေ​၏​။