ကောရိန်သုဩဝါဒစာဒုတိယစောင် 7:1-7

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။ ငါ​တို့​ကို​လက်ခံ​ကြ​လော့။ ငါ​တို့​သည် မည်သူ့​ကို​မျှ မ​ပြစ်မှား​ခဲ့​ကြ။ မည်သူ့​ကို​မျှ မ​ဖျက်ဆီး​ခဲ့​ကြ။ မည်သူ့​အပေါ်၌​မျှ အမြတ်​မ​ထုတ်​ခဲ့​ကြ။ သင်​တို့​အား အပြစ်တင်​လို​၍ ဤသို့ ငါ​ပြော​သည်​မ​ဟုတ်။ အကြောင်းမူကား ယခင်​က ငါ​ပြော​ခဲ့​သည့်​အတိုင်း သင်​တို့​သည် ငါ​တို့​၏​စိတ်နှလုံး​ထဲ၌ သေ​အတူ​ရှင်​မ​ကွာ​ရှိ​နေ​ကြ​၏။ ငါ​သည် သင်​တို့​ကို အလွန်​ယုံကြည်​စိတ်ချ​၍ သင်​တို့​အတွက် များစွာ​ဂုဏ်ယူ​၏။ ငါ​သည် နှစ်သိမ့်​မှု​ကို အပြည့်အဝ​ခံစား​ရ​၍ ငါ​တို့​ခံရ​သော​ဆင်းရဲ​ဒုက္ခ​အပေါင်း​တို့​၌ ဝမ်းမြောက်​ခြင်း​နှင့်​ပြည့်ဝ​လျက်​ရှိ​၏။ မာကေဒေါနိ​ပြည်​သို့ ငါ​တို့​ရောက်​သောအခါ ငါ​တို့​၏​ကိုယ်ကာယ​သည် နား​နေ​ရန်​အခွင့်​မ​ရ​ဘဲ အပြင်​၌​တိုက်ခိုက်​ခြင်း​များ၊ အတွင်း​၌​ကြောက်ရွံ့​ခြင်း​များ​ရှိ​၍ အဘက်ဘက်​မှ​နှိပ်စက်​ခြင်း​ကို​ခံရ​ကြ​၏။ သို့သော် အားငယ်​သော​သူ​တို့​ကို​နှစ်သိမ့်​တော်မူ​သော​ဘုရားသခင်​သည် တိတု​ရောက်ရှိ​လာ​ခြင်း​အားဖြင့် ငါ​တို့​ကို​နှစ်သိမ့်​ပေး​တော်မူ​၏။ တိတု​ရောက်ရှိ​လာ​ခြင်း​အားဖြင့်​သာ​မက သင်​တို့​ထံမှ တိတု​ခံစား​ရ​သော​နှစ်သိမ့်မှု​အားဖြင့်​လည်း ငါ​တို့​ကို နှစ်သိမ့်​ပေး​တော်မူ​၏။ တစ်နည်းဆိုသော် သင်​တို့​သည် ငါ့​ကို​လွမ်းဆွတ်​နေ​ကြောင်း၊ အလွန်​ဝမ်းနည်း​နေ​ကြောင်း​နှင့် ငါ့​အပေါ်​စေတနာ​စိတ်​ထက်သန်​လျက်​ရှိ​ကြောင်း​ကို ငါ​တို့​အား တိတု​ပြောပြ​သောကြောင့် ငါ​သည် ပို၍​ဝမ်းမြောက်​၏။