ရာဇဝင်ချုပ်ဒုတိယစောင် 14:1-8

အဘိယ​မင်းကြီး​သည် ဘိုးဘေး​တို့​နှင့်အတူ​အိပ်ပျော်​၍ ဒါဝိဒ်​မြို့​တွင် သူ့​ကို သင်္ဂြိုဟ်​ကြ​၏​။ သူ​၏​သား​တော်​အာသ​သည် သူ့​အရိုက်အရာ​ကို ဆက်ခံ​၏​။ အာသ​မင်းကြီး​လက်ထက်​တွင် ဆယ်​နှစ်​ပတ်လုံး တိုင်းပြည်​အေးချမ်းသာယာ​လေ​၏​။ အာသ​မင်းကြီး​သည် မိမိ​ဘုရားသခင်​ထာဝရဘုရား​ရှေ့​တော်​၌ ကောင်းမွန်​မှန်ကန်​စွာ ပြုကျင့်​၏​။ သူ​သည် တိုင်းတစ်ပါး​ဘုရား​များ​၏​ယဇ်ပလ္လင်​များ​နှင့် အထွတ်အမြတ်​ထား​ရာ​နေရာ​များ​ကို ဖယ်ရှား​ပစ်​၏​။ ကျောက်တိုင်​များ​ကို ချိုးဖျက်​ပြီး အာရှရ​နတ်ဘုရားမ​တံခွန်တိုင်​များ​ကို​လည်း ခုတ်လှဲ​ပစ်​၏​။ သူ​သည် ဘိုးဘေး​တို့​၏​ဘုရားသခင်​ထာဝရဘုရား​ကို ရှာ​၍ ကိုယ်တော်​မိန့်​တော်မူ​ခဲ့​သော​ပညတ်ချက်​များ​ကို လိုက်လျှောက်​ရန် ယုဒ​လူမျိုး​တို့​အား မိန့်မှာ​၏​။ ယုဒ​မြို့ရွာ​တို့​တွင် အထွတ်အမြတ်​ထား​ရာ​နေရာ​များ​၊ နံ့သာပေါင်း​မီးရှို့​ရာ​ယဇ်ပလ္လင်​များ​ကို​လည်း ဖယ်ရှား​ပစ်​၏​။ သူ့​လက်ထက်​တွင် နိုင်ငံ​တော်​အေးချမ်းသာယာ​လျက် ရှိ​၏​။ ယုဒ​ပြည်​တွင် ခံတပ်​မြို့​များ​ကို တည်ဆောက်​၏​။ ထာဝရဘုရား​သည် သူ့​ကို ငြိမ်းချမ်း​ခြင်း​ပေး​သောကြောင့် ထို​ကာလ​အတွင်း မည်သည့်​စစ်ပွဲ​မှ​မ​ရှိ​ဘဲ တိုင်းပြည် အေးချမ်းသာယာ​လေ​၏​။ အာသ​မင်းကြီး​က ယုဒ​လူမျိုး​တို့​အား “​ဤ​မြို့​တို့​ကို ငါ​တို့ တည်ဆောက်​ကြ​စို့​။ မြို့​ကို​ဝိုင်းရံ​ထား​သော​မြို့ရိုး​၊ ရဲတိုက်​များ​၊ တံခါး​များ​နှင့် ကန့်လန့်ကျင်​များ​ကို ဆောက်လုပ်​ကြ​စို့​။ ငါ​တို့​သည် ငါ​တို့​၏​ဘုရားသခင်​ထာဝရဘုရား​ကို​ရှာ​သောကြောင့် တိုင်းပြည်​သည် ငါ​တို့ လက်​ထဲ၌​ရှိ​လေ​ပြီ​။ ကိုယ်တော်​ကို ရှာ​သောကြောင့် ငါ​တို့​ဝန်းကျင်​၌ ငြိမ်းချမ်း​ခြင်း​ကို ပေး​တော်မူ​ပြီ​”​ဟု မိန့်ဆို​၏​။ ဤသို့ဖြင့် မြို့​များ​ကို​တည်ဆောက်​အောင်မြင်​လေ​၏​။ အာသ​မင်းကြီး​၌ ယုဒ​အမျိုး​တွင် ဒိုင်းလွှားကြီး​နှင့်​လှံ​ကိုင်စွဲ​သူ စစ်သည်​သုံးသိန်း​၊ ဗင်္ယာမိန်​အမျိုး​တွင် ဒိုင်းလွှားငယ်​ကိုင်စွဲ​သူ​နှင့် လေးသည်တော် နှစ်သိန်း​ရှစ်သောင်း ရှိ​၏​။ သူ​တို့​အားလုံး​သည် ရဲစွမ်းသတ္တိ​ထက်မြက်​သော​စစ်သူရဲ​များ ဖြစ်​ကြ​၏​။