ရာဇဝင်ချုပ်ပထမစောင် 13:1-14

ထို့နောက်တွင် ဒါဝိဒ်​မင်းကြီး​သည် လူ​တစ်ထောင်​အုပ်​များ​၊ လူ​တစ်ရာ​အုပ်​များ​၊ ခေါင်းဆောင်​များ​အားလုံး​တို့​နှင့် တိုင်ပင်​ပြီး အစ္စရေး​လူထု​တစ်ရပ်လုံး​အား “​သင်​တို့​သဘောတူ​မည်​၊ ငါ​တို့​၏​ဘုရားသခင်​ထာဝရဘုရား​လည်း အခွင့်ပေး​မည်​ဆို​လျှင် အစ္စရေး​ပြည်​တစ်ပြည်လုံး​မှ ကျန်​နေ​သော​ညီအစ်ကို​တို့​မှစ၍ မြို့​များ​နှင့်​ဝန်းကျင်​ရှိ​စားကျက်မြေ​တို့​တွင်​နေထိုင်​ကြ​သော ယဇ်ပုရောဟိတ်​များ​၊ လေဝိ​လူ​များ​ရှိ​ရာ​နေရာ​အနှံ့အပြား​သို့ လူ​ကို​စေလွှတ်​၍ အကျွန်ုပ်​တို့​နှင့် လာရောက်​ပူးပေါင်း​စေ​မည်​။ ထို့နောက် ရှောလု​မင်းကြီး​လက်ထက်​က မေးမြန်း​ခြင်း​မ​ရှိ​ခဲ့​သော ငါ​တို့​ဘုရားသခင်​ထာဝရဘုရား​၏​သေတ္တာ​တော်​ကို ငါ​တို့​ထံ ပြန်လည်​သယ်ဆောင်​လာ​ကြ​မည်​”​ဟု ဆို​၏​။ ပြည်သူပြည်သား​အားလုံး သဘောတူ​နှစ်သက်​ကြ​သောကြောင့် လူထု​တစ်ရပ်လုံး​က ထိုသို့​ပြု​မည်​ဟု ဆို​ကြ​၏​။ ဤသို့ဖြင့် ဒါဝိဒ်​မင်းကြီး​သည် ကိရယတ်ယာရိမ်​မြို့​ရှိ ထာဝရဘုရား​၏​သေတ္တာ​တော်​ကို ပြန်လည်​သယ်ဆောင်​လာ​ရန် အီဂျစ်​ပြည်​၊ ရှိဟောရ​အရပ်​မှ လီဘိုဟာမတ်​အရပ်​တိုင်အောင် အစ္စရေး​လူမျိုး​အားလုံး​ကို စုဝေး​စေ​၏​။ ထာဝရဘုရား​၏​နာမ​တော်​ဖြင့် ခေါ်ဝေါ်သမုတ်​သော​၊ ခေရုဗိမ်​တို့​အထက်​တွင် စံနေ​တော်မူ​သော ဘုရားသခင်​၏​သေတ္တာ​တော်​ကို သယ်ဆောင်​လာ​ရန် ဒါဝိဒ်​မင်းကြီး​သည် အစ္စရေး​လူမျိုး​အပေါင်း​တို့​နှင့်တကွ ယုဒ​ပြည်​၊ ကိရယတ်ယာရိမ် ခေါ် ဗာလာ​မြို့​သို့ သွား​လေ​၏​။ ဘုရားသခင်​၏​သေတ္တာ​တော်​ကို လှည်း​အသစ်​ပေါ်တွင်​တင်​ပြီး အဘိနဒပ်​၏​အိမ်​မှ သယ်ဆောင်​လာ​ကြ​၏​။ ဩဇ​နှင့်​အဟိဩ​တို့​သည် လှည်း​ကို​မောင်းနှင်​ပေး​ကြ​၏​။ ဒါဝိဒ်​မင်းကြီး​နှင့် အစ္စရေး​လူမျိုး​အပေါင်း​တို့​သည် ဘုရားသခင်​ရှေ့​တော်​တွင် စောင်းကောက်​၊ စောင်းပြား​၊ ပတ်သာ​၊ လင်းကွင်း​၊ တံပိုးခရာ​တို့​ကို တီးမှုတ်​လျက် အားရ​ပျော်မြူး​စွာ​သီချင်းဆို​ကြ​၏​။ ခိဒုန်​ကောက်နယ်တလင်း​သို့ ရောက်လာ​သောအခါ နွား​ခြေချော်​သွား​၍ ဩဇ​သည် သေတ္တာ​တော်​ကို လက်​နှင့်​လှမ်းထိန်း​လိုက်​မိ​၏​။ ဤသို့ ဩဇ​သည် သေတ္တာ​တော်​ကို လှမ်းထိန်း​လိုက်​မိ​ရာ ထာဝရဘုရား​သည် သူ့​အား​အမျက်ထွက်​တော်မူ​ပြီး ဒဏ်ခတ်​တော်မူ​သောကြောင့် သူ​သည် ဘုရားသခင်​ရှေ့​တွင်​ပင် သေ​လေ​၏​။ ဤသို့ ဩဇ​အား ထာဝရဘုရား​ဒဏ်ခတ်​တော်မူ​သောကြောင့် ဒါဝိဒ်​မင်းကြီး​သည် စိတ်ဆိုး​လေ​၏​။ ထို့ကြောင့် ယနေ့​တိုင် ထို​နေရာ​ကို ပေရဩဇ ဟု​ခေါ်ဆို​လေ​၏​။ ထို​နေ့​တွင် ဒါဝိဒ်​မင်းကြီး​သည် ဘုရားသခင်​ကို ကြောက်ရွံ့​သောကြောင့် “​ဘုရားသခင်​၏​သေတ္တာ​တော်​သည် ငါ့​ထံ မည်သို့​ရောက်လာ​နိုင်​မည်နည်း​”​ဟု တွေးတော​လေ​၏​။ ဒါဝိဒ်​မင်းကြီး​သည် သေတ္တာ​တော်​ကို မိမိ​နှင့်အတူ ဒါဝိဒ်​မြို့​သို့ မ​သယ်ဆောင်​သွား​ဘဲ ဂိတ္တိ​လူမျိုး ဩဗဒေဒုံ​၏​အိမ်​သို့ သယ်ဆောင်​သွား​၏​။ ဤသို့ဖြင့် ဘုရားသခင်​၏​သေတ္တာ​တော်​သည် ဩဗဒေဒုံ​၏​အိမ်​၌ အိမ်သား​တို့​နှင့်အတူ သုံး​လ​မျှ​ကိန်းဝပ်​တော်မူ​ပြီး ထာဝရဘုရား​သည် ဩဗဒေဒုံ​၏​အိမ်သူအိမ်သား​များ​နှင့် သူ​ပိုင်ဆိုင်​သမျှ​တို့​ကို ကောင်းချီးပေး​တော်မူ​၏​။