Psalms 144

144

Umialgum Quyanaaġutaa God-mun Akimakamiŋ

Aglaaŋa David-gum.

1Nanġaġli Ataniq, annaksaġviga!

Iḷisautisuugaaŋa aŋuyagnikun

suli itqanaisimallasivḷuŋa aŋuyagniġmun.

2Ilaa piqpaksriruaq God-iga, uqqisimaaġvigigiga,

uqqisimaviga suli annaurriga,

ukpiqsimaaġviga anayanniuqama.

Aŋalatchiġiaqtittaġigaich iñuich atanniqsimaratka.

3 # Job 7.17, 18; Ps 8.4. Ataniiq, suuva una iñuk, ilvich qiñiqsimaviuŋ;

iñugruiññaugaluaqtillugu, isumagisuumagiñ?

4Iñuk uvva ittuq aniġniłhiñatun;

uvluŋich irrusiqaqtut nalautchaaġutisiññaqtuatun taġġaqtun.

5Atanġuruatiin, tapiglautilutin qiḷagniñ atqaġiñ;

aksikkich iġġich, avyuallakkumaut.

6Igniġuuqpatitaqtitchiiñ aasii siammayaaqtillugich akiḷḷiitin;

pisiksautikkich qaġrutin aasii qimaaratchiḷugich.

7Isaaġutin takpamaŋŋa,

nuqinŋa itiruamiñ immamiñ, aasii annautiluŋa;

annautiŋŋa suaŋŋataanniñ iñuich allaniñ nunaniŋŋaqtauruaniñ,

8qaniŋich siḷivinŋasuurut saglunik

saglusuurut unniqsuqłiigaluaqamiŋ-unnii.

9Atuutiniaġikpiñ nutauruamik atuunmik, God-auruatiin;

Atuqtuuraġluŋa nuqaqtiligmik atuġniaqtuŋa nanġautinik iliŋnun,

10akimapkaġuugitin umialiuruat

suli annaktiłługu kivgaġiran David.

11Annautiŋŋa aŋalatchimaqługuuruaniñ akiḷḷimniñ;

annautiluŋalu suaŋŋataanniñ iñuich allaniñ nunaniŋŋaqtauruaniñ,

iḷumun ittuanik uqalaitchuaniñ

sagluniaŋiññiqaaqłutik sagluuġuurut.

12Iġñiġiravuttuq nutaġaurauŋŋaġmiŋ

irrusiqaġumaut nautchiatun naulluataqtuatun payaŋaiḷḷutiŋ.

Panigiravuttuq iqirġani naparuatun

qiññaġiksipkaġlirruŋ igluqpak.

13Niqiqaġvivuttuq siḷivinŋayumaut

qanusipayaanik niqiksranik.

Imnaivuttuq nunaptinniittuat

iġñiuġumaut 1,000-tullu 10,000-tullu iñugiaktigiruanik nunaptinni.

14Pamiqsaavuttuq iñugiaksiqpakkumaut

piayaamignik tammairaġaġaluaġnatiŋ.

Qirruktuaqaŋiḷḷituq apqutiptigni.

15Quviasuutiqaġlich nunaqpauruat taapkunatun ittuat;

quviasuglich iñuich God-iqaqtuat Ataniġmik!

လက္ရွိေရြးခ်ယ္ထားမွု

Psalms 144: INUPIAQ

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Iñupiatun Mumiksat Uqalugiksuat အေၾကာင္းကို ပို၍ သင္ယူပါ။