Proverbs 13
13
1Isumaturuat miqłiqtut naalaġnisuurut aŋayuqaagmik natqiksruġmatik,
aglaan kipakłiqsuat quliayuitchut killukuaġniḷutik.
2Iluaqtuakun iñuuruat akiḷiusiaksraqaġniaqtut qanuq uqaġumik,
aglaan saglutaġuuruat kaaktuatun ittut pimaqłuktaunmun.
3Qaunakłaaġiñ uqalukkun aasii anayanniuġniaŋitchuq iñuusiñ.
Suaqłaaŋitchuaq uqaġami inmiñun maqutchuuruq.
4Suna pigisukpakkaluaġumiuŋ iqiasuaguruam iñuum, piññaktaaġiyumiñaitkaa.
Savakpaguuruam iñuum piññaktaaġiniaġaich supayaat pigisuktani.
5Pitqiksiġautaitchuakun iñuuruat piḷugigaich sagluuġutit,
aglaan uqaluŋich pigiiḷḷiqirauruat iñuich kanŋunaqtullu ukpiġnaitchullu.
6Nalaunŋasipkaqtauniġum qaunagigaa patchisaitchuaq;
pigiiḷḷiqiniq maqutchiruq piḷuusiqiruamik.
7Iḷaŋich iñuich umialguqpaktuatun itchuurut, aglaan suił̣ł̣utik.
Allalli suiḷḷiuqtuatun itchuurut, aglaan suġauttaukkaqpakłutik.
8Iñuum umialgutaata tasullagaa iñuggutini,
aglaan piiḷḷiuqtuat anayasaaqtiqayuitchut.
9Nalaunŋasipkaqtauniq ittut naniqtun qaummatittuatun;
pigiiḷḷiqirauruat ittut naniqtun qamiaqsiruatun.
10Arguaŋaaġniq patchisausuuruq siġġaqqutinun.
Nakuulhaaqtuq ikayuqtisiuqtuni.
11Umialguġuvich siġġaġnaitchuakun, qilamik tammaiñiaġiñ.
Siġġaqivluni piññaktaaġiruni nausuurut.
12Niġiukkun sukrauġigman, uumman sukraunġiġuummiuq,
aglaan pisuun taŋŋiġman quviasuun ittuq.
13Ayyaktuġupkich nakuuruat siḷġiqsuutit, iliŋnun siġġaġnaq piñiaqtuq;
maliġuaġupkich anayanniuġniaŋitchutin.
14Iḷisaurrutiŋich isumaturuam maqsraluktuagurut iñuggunmun;
ikayuutauniaqtut annaksaġuvich iñuggutin anayanniuqpan.
15Isumaturuaq iñuk qiksigirauniaqtuq,
aglaan ukpiġnaitchuat maqutauniġmun igliqtut.
16Isumaturuat isumalaaġiqqaaqługu kisian suliqisuurut,
aglaan isumatuitchuat iḷisimanaqtut.
17Isumatuitchuaq kiliksiyyaqti iluiḷiuqtitchuuruq,
aglaan iluaqtuakuaqtuat qaġġirrisuurut tutqiunmik.
18Iḷitchisuŋitchuaq piiḷḷiuġniaqtuġlu kanŋunaqtuamiinniaqtuġlu.
Kiñaliqaa naalaġniruaq natqiksruġmanni qiksigirauniaqtuq.
19Quvianaqtuq pigisuktaq pigiliutiruni!
Aglaan isumalluaġiitchuat tunutchuitkaat piḷuktuaq.
20Isumaturuaniitkuvich isumatusiñiaġmiutin.
Avilaitqasiutiguvich isumatuitchuanun, maqutauniaqtutin.
21Iluaŋitchuam maliġisuugaich piḷuusiqiruat sumupayaaġmata,
aglaan nalaunŋaruakuaqtuat akiññagniaqtut nakuuruanik.
22Iñulluatat unisaksraqaġniaqtut tutaaluumignun,
aglaan suġalliaŋich pigiiḷḷiqirauruat nalaunŋaruanugniaqtut.
23Nunaŋatunni iḷiappauruat naurrilluataġuuruq niqiġranik;
tigligaipkaġmirraqtut nautchirriamiġniñ.
24Tatavsayuitkupkich miqłiqtutin, nakuaġiŋitkitin.
Nakuaġigupkich qapiŋaiḷḷutin natqiksruġniaġitin.
25Nalaunŋaruaguruat niqaiḷḷiusuitchut,
aglaan piḷuusiqiruat kaaktuaqtut.
လက္ရွိေရြးခ်ယ္ထားမွု
Proverbs 13: INUPIAQ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 13
13
1Isumaturuat miqłiqtut naalaġnisuurut aŋayuqaagmik natqiksruġmatik,
aglaan kipakłiqsuat quliayuitchut killukuaġniḷutik.
2Iluaqtuakun iñuuruat akiḷiusiaksraqaġniaqtut qanuq uqaġumik,
aglaan saglutaġuuruat kaaktuatun ittut pimaqłuktaunmun.
3Qaunakłaaġiñ uqalukkun aasii anayanniuġniaŋitchuq iñuusiñ.
Suaqłaaŋitchuaq uqaġami inmiñun maqutchuuruq.
4Suna pigisukpakkaluaġumiuŋ iqiasuaguruam iñuum, piññaktaaġiyumiñaitkaa.
Savakpaguuruam iñuum piññaktaaġiniaġaich supayaat pigisuktani.
5Pitqiksiġautaitchuakun iñuuruat piḷugigaich sagluuġutit,
aglaan uqaluŋich pigiiḷḷiqirauruat iñuich kanŋunaqtullu ukpiġnaitchullu.
6Nalaunŋasipkaqtauniġum qaunagigaa patchisaitchuaq;
pigiiḷḷiqiniq maqutchiruq piḷuusiqiruamik.
7Iḷaŋich iñuich umialguqpaktuatun itchuurut, aglaan suił̣ł̣utik.
Allalli suiḷḷiuqtuatun itchuurut, aglaan suġauttaukkaqpakłutik.
8Iñuum umialgutaata tasullagaa iñuggutini,
aglaan piiḷḷiuqtuat anayasaaqtiqayuitchut.
9Nalaunŋasipkaqtauniq ittut naniqtun qaummatittuatun;
pigiiḷḷiqirauruat ittut naniqtun qamiaqsiruatun.
10Arguaŋaaġniq patchisausuuruq siġġaqqutinun.
Nakuulhaaqtuq ikayuqtisiuqtuni.
11Umialguġuvich siġġaġnaitchuakun, qilamik tammaiñiaġiñ.
Siġġaqivluni piññaktaaġiruni nausuurut.
12Niġiukkun sukrauġigman, uumman sukraunġiġuummiuq,
aglaan pisuun taŋŋiġman quviasuun ittuq.
13Ayyaktuġupkich nakuuruat siḷġiqsuutit, iliŋnun siġġaġnaq piñiaqtuq;
maliġuaġupkich anayanniuġniaŋitchutin.
14Iḷisaurrutiŋich isumaturuam maqsraluktuagurut iñuggunmun;
ikayuutauniaqtut annaksaġuvich iñuggutin anayanniuqpan.
15Isumaturuaq iñuk qiksigirauniaqtuq,
aglaan ukpiġnaitchuat maqutauniġmun igliqtut.
16Isumaturuat isumalaaġiqqaaqługu kisian suliqisuurut,
aglaan isumatuitchuat iḷisimanaqtut.
17Isumatuitchuaq kiliksiyyaqti iluiḷiuqtitchuuruq,
aglaan iluaqtuakuaqtuat qaġġirrisuurut tutqiunmik.
18Iḷitchisuŋitchuaq piiḷḷiuġniaqtuġlu kanŋunaqtuamiinniaqtuġlu.
Kiñaliqaa naalaġniruaq natqiksruġmanni qiksigirauniaqtuq.
19Quvianaqtuq pigisuktaq pigiliutiruni!
Aglaan isumalluaġiitchuat tunutchuitkaat piḷuktuaq.
20Isumaturuaniitkuvich isumatusiñiaġmiutin.
Avilaitqasiutiguvich isumatuitchuanun, maqutauniaqtutin.
21Iluaŋitchuam maliġisuugaich piḷuusiqiruat sumupayaaġmata,
aglaan nalaunŋaruakuaqtuat akiññagniaqtut nakuuruanik.
22Iñulluatat unisaksraqaġniaqtut tutaaluumignun,
aglaan suġalliaŋich pigiiḷḷiqirauruat nalaunŋaruanugniaqtut.
23Nunaŋatunni iḷiappauruat naurrilluataġuuruq niqiġranik;
tigligaipkaġmirraqtut nautchirriamiġniñ.
24Tatavsayuitkupkich miqłiqtutin, nakuaġiŋitkitin.
Nakuaġigupkich qapiŋaiḷḷutin natqiksruġniaġitin.
25Nalaunŋaruaguruat niqaiḷḷiusuitchut,
aglaan piḷuusiqiruat kaaktuaqtut.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)