Jonah-m Iḷitchuqqutit

Iḷitchuqqutit

Makpiġaaŋa Jonah-m allatun uqaqtit makpiġaaŋisitun Uqalugiksuani inŋitchuq quliaqtuaguvluni, uqautigivlugich suraġausiŋich anayanaqtuakkaluakun nalauttaŋich uqaqtauruam kamaksrisuŋitkaluaqtuam God-im piraksriutaanik. God-im uqallautiŋagaluaġniġaa Ninevah-muquvlugu, iniqpaŋanun nunaŋata Assyria-m, Israel-guruat iqsiñapiaġataqtuaq uumigiriŋat. Aglaan Jonah-m taavuŋautigisuŋiñŋagaa God-im kiliktuutaa, qanukkii isumavluni God-mun taŋŋiġñiaŋiññasugalugich anayasaaġutini suksraunġiġukługu ini. Qavsich qanutchich nalautitanigmata kisian, qapiŋaruatun illaġmi kamaksriḷġataŋaruq, aasii iviġaumaiqhuni kiliktuutigirani suksraunġiun nalautinŋiñman.

Makpiġaam qulialluataġaa God-im allaŋŋuqtauraŋitchuaq kamanautaa qulaatigun savaaġiraġmi. Aglaan suli nuimaruagułhaaqtuq quliaqtuaġimmagu God nakuaqqutautilaaŋanik suli nagliktauvluni, piyummatigivlugu suliqutigiŋaiqsiyumavluni suli annautilugich uumigirigigaluaqpatigik unnii ilaata iñugiraġmi, tatavsaġniksraŋiññiñ suli suksraunġiġñiŋiññiñ.

Avgutit

Jonah ququaqtaumman suli kamaksriŋiḷḷuni 1.1-17

Jonah isumalitqigman suli annaurrauvluni 2.1-10

Jonah-m kiliktuutaa akiḷḷiġivlugu Nineveh 3.1-10

God-im nagliktuutaa Nineveh-mun 4.1-11

လက္ရွိေရြးခ်ယ္ထားမွု

Jonah-m Iḷitchuqqutit: INUPIAQ

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Iñupiatun Mumiksat Uqalugiksuat အေၾကာင္းကို ပို၍ သင္ယူပါ။