Acts 25
25
Paul Apiqsriruq Isivġiqsausukłuni Rome-miut Umialganni
1Tavra Festus piŋasunik uvlianikami nunamiñi, aullaŋaruq Caesarea-miñ Jerusalem-mun. 2Tavrani aŋaiyyuliqsiqpaiḷḷu Jew-guruallu aullarriŋisa uqautigirraqsiŋagaich pasikkutitiŋ Paul-kun. 3Apiġiŋagaat Festus iviġallaglutiŋ Paul Jerusalem-muktitquvlugu, sivunniuŋavlutiŋ tuqutchukługu apqunmi. 4Festus kiuŋagai, Paul tigutaaqtauniaqtuq suli Caesarea-mi, ilaalu sivuniqaġnivḷuni taamuŋa utiġnasuaġniaġnivḷuni. 5Tavraasii uqallautiŋagai, Iñuich aullarrisi Caesarea-muglich maligluŋa, aasii pasiḷugu Paul taamani sumik pigiitchuanik piŋakpan.
6Tavra Festus uvliuvsaaŋaruq tallimat piŋasuniḷuunnii naagga qulini uvluni piqatigivlugich, aasii utiqłuni Caesarea-mun. Aasii uvlaakumman, isivġiirraqsiŋaruq aasii piraksriivḷuni Paul qaġġisitquvlugu. 7Tavra Paul qaimman, Jew-guruat Jerusalem-miŋŋaqtuat makitaŋarut avataani, pasiñiapiaġataqługu iñugiaktuatigun sutigun ukpiġnaqsiyumiñaiḷḷaisa pasikkutitiŋ. 8Paul uqallaŋaruq patchisaiññiaġunmiñi, Suuramikunnii pimaqłuŋaitchuŋa kipuqłaglugich Jew-guruat pitquraŋich aŋaiyyuvikpauvlu, naaggaunnii Rome-miut umialgata. 9Tavra Festus, iviġallakkumavlugich Jew-guruat, apiġiŋagaa Paul, Utiġukpich Jerusalem-mun, aasii taamani qanuqitilaaqtaulutin sivuqqamni pasikkutiŋisigun iliŋnun? 10Tavra Paul-gum kiuŋagaa, Makitaruŋa isivġiqsauruksrauvluŋa sivuġaani Rome umialgata piriŋisa. Pigiitchuamik sumik piŋaitchuŋa Jew-guruanun, ilivitchauq iḷisimalluataġmiutin. 11Tavraasii uvaŋa kipuqłaŋagupkich pitqurat sumiglu piŋaguma tuqurrutauyumiñaqtuamik, apiqsriŋitchuŋa naŋaġuglugu. Aglaan taŋiġitpan pasikkutaat uvamnun, kialiqaa aitchuutigiyumiñaitkaaŋa iliŋiññun. Isivġiqsauyyaġuktuŋa Rome-miut umialgannun. 12Tavra Festus uqaaqatigiqqaaqługich ikayuqtini isivġiikami, kiuŋagaa, Rome-miut umialganun isivġiqsauyyaġukavich ilaanun aullaġniaqtutin.
Paul Qaġġisigaat Agrippa-mullu Bernice-mullu
13Tavra qavsiñik uvlianiŋmata, umialik Agrippa Bernice-lu tikiñŋaruk Caesarea-mun tautugiaqługu Festus. 14Tavra uvliuġaniŋmaŋnik, Festus quliaqtuaġiŋagaa Paul pasikkusiaŋa umialiŋmun, uqaqłuni, Iñuk amma tigutaaqtauvlugu qimaŋakkaŋa Felix-gum. 15Jerusalem-mukama, aŋaiyyuliqsiqpaiḷḷu umialiŋnallu Jew-guruani uqautigiŋagaat pasivḷugu tuqutaullasiñiaqługu apiġivluŋa. 16Aglaalli kiuŋagitka piḷġusiġiŋiññivḷugu Rome-miunun iñuk pasirauruaq tatavsaġumiñaġlugu kasuutiŋaiñŋaan tavruŋa pasiriŋiñun, aasii uqaġviksraqaqtitauluni patchisaisilaamiñik taavrumuuna pasikkusiamigun. 17Tavra iluqaġmiŋ qaimmata uvuŋa, piñatchiaŋaitchuŋa, uvlaakugiññaġman isivġiirraqsiŋaruŋa, aasii piraksriivḷuŋa Paul itqutitquvlugu. 18Ilaan akiḷḷiŋi makinnamiŋ pasikkutiksraitkaqsiŋarut sumik pigiitchuamik ilaagun niġiugusivsun. 19Aglaan uqavaaqatigiŋaniġaat Paul ukpiġikkaġmikkun iñukullu tuquŋaruakun atiqaqtuakun Jesus-mik, Paul-gum iñuupiaġataġnikkaŋagun. 20Sivunniqsausiiñŋaruŋa qanuġluŋa iḷitchuġimmaġiksiyumiñaqtilaamnik tamatkunuuna pasikkutitigun, aasii apiġiŋagaluaġiga Paul Jerusalem-mugugmagaan taamani isivġiqsautquvlugu tamatkunuuna pasikkusiaŋigun. 21Aglaan Paul apiqsrimman Caesar-mun umialganun Rome isivġiquvluni, uvaŋa uqallaŋaruŋa tigutaaqsimatquvlugu aullaqtitchumiñaqsiaġilugu Caesar-mun. 22Tavra Agrippa uqallaŋaruq Festus-mun, Tusaasukkaluaġiga iñuk uvamnik. Festus-gum kiuŋagaa, Uvlaakun naalaktuaġisigiñ.
23Tavra uvlaakumman Agrippa-lu Bernice-lu qaiŋaruk kamanaqsisapiaqłutiŋ qiññamiŋni. Isiqtuk kasimaruanun iñuŋnun piqatiqaqłutiŋ aŋuyaktit qaukłiŋiññik naumaruaniglu iñuŋiñik iniqpaum. Festus piraksriutaagun Paul itqutiŋagaat. 24Tavra Festus uqallaŋaruq, Umialiik Agrippa iluqapayauravsiḷu uvaniittuasii piqatigivluta, tautukkiksi uvva iñuk iluqaġmiŋ Jew-guruat maaniḷu Jerusalem-miḷu uqautigiŋakkaŋat uvamnun pasivḷugu. Saqłaŋarut iñuuruksrauŋaiġñivḷugu. 25Aasii iḷitchuġiŋaitchuŋa sumik ilaan savaaŋanik tuqqutauyumiñaqtuamik. Aasii isivġiqumman Caesar-mun umialiŋmun, sivunniutiŋagiga taamuŋaqtitchukługu. 26Aglaan uvva sumik nalupqinaitchuamik pasikkunmik Paul-kun tuyuutiksraitchuŋa umialimñun. Taamna pisigivlugu qaġġisiŋagiga sivuqqavsiññun, iliŋnułhaaq ami Umialiik Agrippa, qanuqitilaaganikkuptigu tuyuutiksranikkasugaluŋa. 27Qanuq qiññaqaqtuq uvamnun iruġnaġmatun aullaqtitchiñiq tigutaaqtamik Rome-mun nalupqinaisuŋaġnagu pasikkutauruaq ilaanun.
လက္ရွိေရြးခ်ယ္ထားမွု
Acts 25: INUPIAQ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Acts 25
25
Paul Apiqsriruq Isivġiqsausukłuni Rome-miut Umialganni
1Tavra Festus piŋasunik uvlianikami nunamiñi, aullaŋaruq Caesarea-miñ Jerusalem-mun. 2Tavrani aŋaiyyuliqsiqpaiḷḷu Jew-guruallu aullarriŋisa uqautigirraqsiŋagaich pasikkutitiŋ Paul-kun. 3Apiġiŋagaat Festus iviġallaglutiŋ Paul Jerusalem-muktitquvlugu, sivunniuŋavlutiŋ tuqutchukługu apqunmi. 4Festus kiuŋagai, Paul tigutaaqtauniaqtuq suli Caesarea-mi, ilaalu sivuniqaġnivḷuni taamuŋa utiġnasuaġniaġnivḷuni. 5Tavraasii uqallautiŋagai, Iñuich aullarrisi Caesarea-muglich maligluŋa, aasii pasiḷugu Paul taamani sumik pigiitchuanik piŋakpan.
6Tavra Festus uvliuvsaaŋaruq tallimat piŋasuniḷuunnii naagga qulini uvluni piqatigivlugich, aasii utiqłuni Caesarea-mun. Aasii uvlaakumman, isivġiirraqsiŋaruq aasii piraksriivḷuni Paul qaġġisitquvlugu. 7Tavra Paul qaimman, Jew-guruat Jerusalem-miŋŋaqtuat makitaŋarut avataani, pasiñiapiaġataqługu iñugiaktuatigun sutigun ukpiġnaqsiyumiñaiḷḷaisa pasikkutitiŋ. 8Paul uqallaŋaruq patchisaiññiaġunmiñi, Suuramikunnii pimaqłuŋaitchuŋa kipuqłaglugich Jew-guruat pitquraŋich aŋaiyyuvikpauvlu, naaggaunnii Rome-miut umialgata. 9Tavra Festus, iviġallakkumavlugich Jew-guruat, apiġiŋagaa Paul, Utiġukpich Jerusalem-mun, aasii taamani qanuqitilaaqtaulutin sivuqqamni pasikkutiŋisigun iliŋnun? 10Tavra Paul-gum kiuŋagaa, Makitaruŋa isivġiqsauruksrauvluŋa sivuġaani Rome umialgata piriŋisa. Pigiitchuamik sumik piŋaitchuŋa Jew-guruanun, ilivitchauq iḷisimalluataġmiutin. 11Tavraasii uvaŋa kipuqłaŋagupkich pitqurat sumiglu piŋaguma tuqurrutauyumiñaqtuamik, apiqsriŋitchuŋa naŋaġuglugu. Aglaan taŋiġitpan pasikkutaat uvamnun, kialiqaa aitchuutigiyumiñaitkaaŋa iliŋiññun. Isivġiqsauyyaġuktuŋa Rome-miut umialgannun. 12Tavra Festus uqaaqatigiqqaaqługich ikayuqtini isivġiikami, kiuŋagaa, Rome-miut umialganun isivġiqsauyyaġukavich ilaanun aullaġniaqtutin.
Paul Qaġġisigaat Agrippa-mullu Bernice-mullu
13Tavra qavsiñik uvlianiŋmata, umialik Agrippa Bernice-lu tikiñŋaruk Caesarea-mun tautugiaqługu Festus. 14Tavra uvliuġaniŋmaŋnik, Festus quliaqtuaġiŋagaa Paul pasikkusiaŋa umialiŋmun, uqaqłuni, Iñuk amma tigutaaqtauvlugu qimaŋakkaŋa Felix-gum. 15Jerusalem-mukama, aŋaiyyuliqsiqpaiḷḷu umialiŋnallu Jew-guruani uqautigiŋagaat pasivḷugu tuqutaullasiñiaqługu apiġivluŋa. 16Aglaalli kiuŋagitka piḷġusiġiŋiññivḷugu Rome-miunun iñuk pasirauruaq tatavsaġumiñaġlugu kasuutiŋaiñŋaan tavruŋa pasiriŋiñun, aasii uqaġviksraqaqtitauluni patchisaisilaamiñik taavrumuuna pasikkusiamigun. 17Tavra iluqaġmiŋ qaimmata uvuŋa, piñatchiaŋaitchuŋa, uvlaakugiññaġman isivġiirraqsiŋaruŋa, aasii piraksriivḷuŋa Paul itqutitquvlugu. 18Ilaan akiḷḷiŋi makinnamiŋ pasikkutiksraitkaqsiŋarut sumik pigiitchuamik ilaagun niġiugusivsun. 19Aglaan uqavaaqatigiŋaniġaat Paul ukpiġikkaġmikkun iñukullu tuquŋaruakun atiqaqtuakun Jesus-mik, Paul-gum iñuupiaġataġnikkaŋagun. 20Sivunniqsausiiñŋaruŋa qanuġluŋa iḷitchuġimmaġiksiyumiñaqtilaamnik tamatkunuuna pasikkutitigun, aasii apiġiŋagaluaġiga Paul Jerusalem-mugugmagaan taamani isivġiqsautquvlugu tamatkunuuna pasikkusiaŋigun. 21Aglaan Paul apiqsrimman Caesar-mun umialganun Rome isivġiquvluni, uvaŋa uqallaŋaruŋa tigutaaqsimatquvlugu aullaqtitchumiñaqsiaġilugu Caesar-mun. 22Tavra Agrippa uqallaŋaruq Festus-mun, Tusaasukkaluaġiga iñuk uvamnik. Festus-gum kiuŋagaa, Uvlaakun naalaktuaġisigiñ.
23Tavra uvlaakumman Agrippa-lu Bernice-lu qaiŋaruk kamanaqsisapiaqłutiŋ qiññamiŋni. Isiqtuk kasimaruanun iñuŋnun piqatiqaqłutiŋ aŋuyaktit qaukłiŋiññik naumaruaniglu iñuŋiñik iniqpaum. Festus piraksriutaagun Paul itqutiŋagaat. 24Tavra Festus uqallaŋaruq, Umialiik Agrippa iluqapayauravsiḷu uvaniittuasii piqatigivluta, tautukkiksi uvva iñuk iluqaġmiŋ Jew-guruat maaniḷu Jerusalem-miḷu uqautigiŋakkaŋat uvamnun pasivḷugu. Saqłaŋarut iñuuruksrauŋaiġñivḷugu. 25Aasii iḷitchuġiŋaitchuŋa sumik ilaan savaaŋanik tuqqutauyumiñaqtuamik. Aasii isivġiqumman Caesar-mun umialiŋmun, sivunniutiŋagiga taamuŋaqtitchukługu. 26Aglaan uvva sumik nalupqinaitchuamik pasikkunmik Paul-kun tuyuutiksraitchuŋa umialimñun. Taamna pisigivlugu qaġġisiŋagiga sivuqqavsiññun, iliŋnułhaaq ami Umialiik Agrippa, qanuqitilaaganikkuptigu tuyuutiksranikkasugaluŋa. 27Qanuq qiññaqaqtuq uvamnun iruġnaġmatun aullaqtitchiñiq tigutaaqtamik Rome-mun nalupqinaisuŋaġnagu pasikkutauruaq ilaanun.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)