ဢွၵ်ႇၵႂႃႇ 10:21-23

ထႃႇဝရႃႉ​ၽြႃး၊ သမ်ႉ​မီး​ဢမိင်ႉ​တီႈ​ မူဝ်းသေႇ၊ လႄႈ​ဝႃႈ၊ “ဢဝ်​မိုဝ်း​မႂ်း​ယိုၼ်း​ၶိုၼ်ႈ​ၽႃႉၵၢင်ႁၢဝ်​တႃႉ။ လပ်းသိင်ႇ​ဢၼ်​ၼႃ​တၼ်​ၼႃႇ​ထၢၼ်ႈပေႃး​လုပ်ႈ​ၵမ်း​လႆႈ​ၼၼ်ႉ​တၵ်း​ႁူမ်ႇ​သုမ်ႇ​ၵႃႈၼိူဝ်​လိၼ်မိူင်း​ ဢေးၵျိပ်ႉ၊ ၵႂႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- မူဝ်းသေႇ၊ ယိုၼ်း​မိုဝ်း​မၼ်း​ၶိုၼ်ႈ​ၽႃႉ​လႄႈ​တၢင်း​ဢၼ်​လပ်းသိင်ႇ​ဢၼ်​ၼႃ​တၼ်​ၼႃႇ​လူင်လၢင်​ၼၼ်ႉ​ပဵၼ်​မႃး​ၵႃႈၼႂ်း​မိူင်း​ ဢေးၵျိပ်ႉ၊ သၢမ်​ဝၼ်း​တဵမ်တဵမ်​ဢေႃႈ။- ၵူၼ်း​မဵဝ်း​ ဢေးၵျိပ်ႉ၊ ၶဝ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢမ်ႇ​ႁၼ်​ၵၼ်​လႆႈ​လႄႈ၊ၼႂ်း​ၸူဝ်ႈ​ၶၢဝ်း​ၼၼ်ႉ​ဢမ်ႇ​မီး​သေၵေႃႉ​ဢၼ်​ၸၢင်ႈ​ဢွၵ်ႇ​ႁိူၼ်း​တူဝ်ၸဝ်ႈၵဝ်ႇ​လႄႈ​ယူႇ​ဢေႃႈ။ ၵူၺ်းၵႃႈ၊ၵူၼ်း​မဵဝ်း​ ဢိသရေး၊ ၶဝ်​သမ်ႉ​လႆႈ​ဢၼ်​လႅင်း​ၵႃႈတီႈ​ဢၼ်​ၶဝ်​ယူႇသဝ်း​ၼၼ်ႉ​ဢေႃႈ။