Sekaliya 11
11
Kugwa kwa wawele na mong'ho
1Uchumule lwizi ja hegwe, gwa Lebanoni,
leka chiluli chilakaze mielezi ja hegwe!
2Mlomboleze, hemwe migodi ja misonobali,
kwa vila mielezi najilakala.
Migodi ajo ja lutogo najiwifigwa!
Hemwe mialoni ja Bashani mlombocheze,
kwa vila chihulo chikulu nachitemigwa!
3Uhuliche kulombocheza kwa vilongozi!
Lutogo lwa hewo naluwifigwa!
Uhuliche lizi lya lyana isimba!
Chisosolo cha lwanda lwa Yolodani nachiwifigwa!
Wadimi weli
4Mkulu Nguluwi, Nguluwi wa heni, nakalonga hino, “Chilolele chilundo cha ming'holo jilinguganigwa kudumuligwa singo. 5Walingugula wangujidumulaga singo ila hawalingugazigwa na walinguguza wangulonga, ‘Yatogoligwe Mkulu Nguluwi! Lelo tuna lufufu.’ Mbaka wadimi wawo hawalingujonela isungu. 6Heni Mkulu Nguluwi ndangulonga kota siwonela isungu kahi wanhu wa isi. Ndomleka chila munhu mmoko mwa myage na chila munhu mmoko mwa mndewa wa heye. Nawo woidumya isi, nani simlohola yoneche mmoko mwa hewo.”
7Lelo, nandiwa mdimi wa ming'holo jiwele najali jiluta kudumuligwa singo, kwa vila namhegwa mijito na wala walingugula na kuguza ming'holo. Nanyhola ng'hweku mbili, imwe nandiichema Uganililo na iyage nandiichema Uhamwe, hamba nanduta kudima ming'holo. 8Nandemwela kuwemilila wadimi wanji wadatu kwa vila nawanzudiza, ahyo nandiwakopola kwa mhela wa mwezi umwe. 9Lelo, nandijilonjela ming'holo, “Siwa mdimi wa hemwe kahi. Yawele kobagama, yabagame! Yawele kodumigwa, yadumigwe! Na wala wawele wosigala, wedakule.”
10Nandiihola yila ng'hweku ya heni yondiichemile Uganililo, nandiibena leka kulajila kota ilagano lyoyaliditile Mkulu Nguluwi na wanhu wa heye nalibenigwa. 11Ilagano alyo nalibenigwa zuwa lilyo. Wala walingugula na kuguza ming'holo wawele nawali wondola, nawavizela kota ulonzi wa Mkulu Nguluwi nayali yolonga kwa kukolela madito ga heni. 12Hamba nandiwalonjela, “Wone mwangona ndo goya, mumhe heni sendi yondilinguganigwa kupegwa kwa chiwalo cha mijito jong'holile, ila wone mwangona haiwele goya, mleche kumha heni.” Lelo, nawamha heni migwala makumi gadatu ja sendi. 13Lelo Mkulu Nguluwi nakandonjela, “Ujiwiche kuli ng'hano ya ng'handa ya Nguluwi.” Sendi azo zomhegwe nazali kwa chiwalo cha mijito ja heni. Ahyo nandijihola jila migwala makumi gadatu ja sendi, nandijiwika kuli ng'hano ya ng'handa ya Mkulu Nguluwi. 14Hamba nandiibena yila ng'hweku ya keli ilinguchemigwa Uhamwe, ahyo nandiubena wula uhamwe wa Yuda na Isilaeli.
15Mkulu Nguluwi nakandonjela kahi, “Widite kahi mdimi, ila mhela awu uwe kota mdimi mpoka!” 16Kwa vila ndomigala kuli isi mdimi yohambe yalilolele goya ing'holo ama kulipala ing'holo lilingulubaluba ama kuliteleka mikwandi lilumile ne kulipa chilyo ing'holo likomu. Ila kolya miwunde ja ming'holo jinonile mbaka uzayo.
17“Kochona mdimi mpoka,
yalingujileka ming'holo ja heye!
Ipanga liudumule moko wa heye,
na iziho lya heye lya kudilo lyusigwe!
Moko wake uwe ng'hochele,
iziho lya heye lya kudilo lileche kulola.”
လက္ရွိေရြးခ်ယ္ထားမွု
Sekaliya 11: Chividunda
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
Sekaliya 11
11
Kugwa kwa wawele na mong'ho
1Uchumule lwizi ja hegwe, gwa Lebanoni,
leka chiluli chilakaze mielezi ja hegwe!
2Mlomboleze, hemwe migodi ja misonobali,
kwa vila mielezi najilakala.
Migodi ajo ja lutogo najiwifigwa!
Hemwe mialoni ja Bashani mlombocheze,
kwa vila chihulo chikulu nachitemigwa!
3Uhuliche kulombocheza kwa vilongozi!
Lutogo lwa hewo naluwifigwa!
Uhuliche lizi lya lyana isimba!
Chisosolo cha lwanda lwa Yolodani nachiwifigwa!
Wadimi weli
4Mkulu Nguluwi, Nguluwi wa heni, nakalonga hino, “Chilolele chilundo cha ming'holo jilinguganigwa kudumuligwa singo. 5Walingugula wangujidumulaga singo ila hawalingugazigwa na walinguguza wangulonga, ‘Yatogoligwe Mkulu Nguluwi! Lelo tuna lufufu.’ Mbaka wadimi wawo hawalingujonela isungu. 6Heni Mkulu Nguluwi ndangulonga kota siwonela isungu kahi wanhu wa isi. Ndomleka chila munhu mmoko mwa myage na chila munhu mmoko mwa mndewa wa heye. Nawo woidumya isi, nani simlohola yoneche mmoko mwa hewo.”
7Lelo, nandiwa mdimi wa ming'holo jiwele najali jiluta kudumuligwa singo, kwa vila namhegwa mijito na wala walingugula na kuguza ming'holo. Nanyhola ng'hweku mbili, imwe nandiichema Uganililo na iyage nandiichema Uhamwe, hamba nanduta kudima ming'holo. 8Nandemwela kuwemilila wadimi wanji wadatu kwa vila nawanzudiza, ahyo nandiwakopola kwa mhela wa mwezi umwe. 9Lelo, nandijilonjela ming'holo, “Siwa mdimi wa hemwe kahi. Yawele kobagama, yabagame! Yawele kodumigwa, yadumigwe! Na wala wawele wosigala, wedakule.”
10Nandiihola yila ng'hweku ya heni yondiichemile Uganililo, nandiibena leka kulajila kota ilagano lyoyaliditile Mkulu Nguluwi na wanhu wa heye nalibenigwa. 11Ilagano alyo nalibenigwa zuwa lilyo. Wala walingugula na kuguza ming'holo wawele nawali wondola, nawavizela kota ulonzi wa Mkulu Nguluwi nayali yolonga kwa kukolela madito ga heni. 12Hamba nandiwalonjela, “Wone mwangona ndo goya, mumhe heni sendi yondilinguganigwa kupegwa kwa chiwalo cha mijito jong'holile, ila wone mwangona haiwele goya, mleche kumha heni.” Lelo, nawamha heni migwala makumi gadatu ja sendi. 13Lelo Mkulu Nguluwi nakandonjela, “Ujiwiche kuli ng'hano ya ng'handa ya Nguluwi.” Sendi azo zomhegwe nazali kwa chiwalo cha mijito ja heni. Ahyo nandijihola jila migwala makumi gadatu ja sendi, nandijiwika kuli ng'hano ya ng'handa ya Mkulu Nguluwi. 14Hamba nandiibena yila ng'hweku ya keli ilinguchemigwa Uhamwe, ahyo nandiubena wula uhamwe wa Yuda na Isilaeli.
15Mkulu Nguluwi nakandonjela kahi, “Widite kahi mdimi, ila mhela awu uwe kota mdimi mpoka!” 16Kwa vila ndomigala kuli isi mdimi yohambe yalilolele goya ing'holo ama kulipala ing'holo lilingulubaluba ama kuliteleka mikwandi lilumile ne kulipa chilyo ing'holo likomu. Ila kolya miwunde ja ming'holo jinonile mbaka uzayo.
17“Kochona mdimi mpoka,
yalingujileka ming'holo ja heye!
Ipanga liudumule moko wa heye,
na iziho lya heye lya kudilo lyusigwe!
Moko wake uwe ng'hochele,
iziho lya heye lya kudilo lileche kulola.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators