Hoseya 14
14
Kumhiluchila Mkulu Nguluwi
1Hemwe Waisilaeli, mhiluche kwa Mkulu Nguluwi, Nguluwi wa hemwe,
namikwang'hwala kwa chiwalo cha gehile ga hemwe.
2Mumhiluchile Mkulu Nguluwi na kumlonjela,
“Utulechele gehile geng'ha, ubochele ndolendole za hetwe za lutogo,
kota ndolendole za milogota milume.
3Ashulu howeza kutulohola,
hatuweza kitumbila kahi kuli falasi wa ngondo.
Hambe tujicheme kahi, ‘Milungu ja hetwe,’
ajo ndo jimalukolo jotuhongole twetwe.
Kwa hegwe walekwa wangupataga isungu.”
4Mkulu Nguluwi kangulonga,
“Ndowalohola kulawa kuli wihe wa hemwe, siwaleka,
ila ndowagana kahi kwa kunuwila kwa heni,
kwa vila ng'halazi ya heni ya haduhu kwa hemwe.
5Ndowa kota nungwi kwa Isilaeli, kobahula kota uluwa wa yunjiyunji,
kota mielezi ja Lebanoni, kodulisa mizabi jake hasi.
6Nhagala zake zokwenela chila honhu,
kunoga kwake kowa kota migodi ja mzeituni,
kunhunyhilila kwake kunojile ndo kota mielezi ja Lebanoni.
7Wanhu wochikala kahi kuli lubehelo lwake,
yodedemka kota nyhule inojile,
yobahula kota mizabibu,
kuzeleka kwake kowa kota divai ya Lebanoni.
8Gwa Isilaeli, ndina choni kahi na jimalukolo?
Ndowedichila hemwe na kuwalolela,
Heni ndo kota msonobali uwele na mahamba madodi
kulela mafuza kwa hemwe kwangulawa kwa heni.”
9Whaani yawele na luhala? Kozizela mbuli azi.
Whaani yalinguvizela? Ayu kozizela.
Nzila za Mkulu Nguluwi ndo zigoloka,
watanganiche ndo wangujendaga kuli nzila azo,
ila walingubelenhuka wochikwang'hwala amo.
လက္ရွိေရြးခ်ယ္ထားမွု
Hoseya 14: Chividunda
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators