ܙܟ݂ܪܝܐ 2

ܚܸܙܘܵܐ ܬܠܝܼܬܵܝܵܐ: ܐ݇ܢܵܫܵܐ ܒܐܝܼܕܹܗ ܚܲܒ݂ܠܵܐ ܕܡܫܘܼܚܬܵܐ

1ܘܡܘܼܪܸܡ ܠܝܼ ܥܲܝܢܝܼ̈ ܘܚܙܹܐ ܠܝܼ، ܘܗܵܐ، ܐ݇ܢܵܫܵܐ، ܘܒܐܝܼܕܹܗ ܚܲܒ݂ܠܵܐ ܕܡܫܘܼܚܬܵܐ. 2ܘܐ݇ܡܝܼܪܝܼ، ”ܠܐܲܝܟܵܐ ܒܹܐܙܵܠܵܐ ܝܘܸܬ؟“ ܘܐ݇ܡܝܼܪܹܗ ܐܸܠܝܼ، ”ܠܸܡܫܵܚܵܐ ܠܐܘܿܪܸܫܠܸܡ، ܠܸܚܙܵܝܵܐ ܟܡܵܐ ܝܼܠܹܗ ܝܘܼܪܟ݂ܘܼܗ̇ ܘܟܡܵܐ ܝܼܠܹܗ ܦܸܬܘܘܼܗ̇.“

3ܘܗܵܐ، ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ ܦܠܝܼܛ ܠܹܗ، ܘܡܲܠܲܐܟ݂ܵܐ ܐ݇ܚܹܪ݇ܢܵܐ ܐ݇ܬܹܐ ܠܹܗ ܠܸܬܦܵܩܵܐ ܒܝܼܹܗ. 4ܘܐ݇ܡܝܼܪܹܗ ܐܸܠܹܗ، ”ܪܚܘܿܛ ܘܐ݇ܡܘܿܪ ܠܕܐܵܗܵܐ ܥܠܲܝܡܵܐ، ’ܐܲܝܟ݂ ܡܵܬܘܵܬܹ̈ܐ ܕܕܸܫܬܵܐ ܒܠܵܐ ܫܘܼܪܵܐ ܒܸܬ ܝܵܬܒ݂ܵܐ ܐܘܿܪܸܫܠܸܡ، ܡ̣ܢ ܦܸܪܝܘܼܬܵܐ ܕܒܢܲܝ̈ܢܵܫܵܐ ܘܒܥܝܼܪܵܐ ܒܓܵܘܘܼܗ̇. 5ܘܐܵܢܵܐ ܒܸܬ ܗܵܘܹܝܢ ܐܸܠܘܼܗ̇،‘ ܒܹܐܡܵܪܵܐ ܝܠܹܗ ܡܵܪܝܵܐ، ’ܫܘܼܪܵܐ ܕܢܘܼܪܵܐ ܒܚܵܕܸܪ̈ܘܵܢܹܐ، ܘܠܐܝܼܩܵܪܵܐ ܒܸܬ ܗܵܘܹܝܢ ܒܓܵܘܘܼܗ̇.‘

6ܗܘܿܝ! ܗܘܿܝ! ܥܪܘܿܩܘܼܢ ܡ̣ܢ ܐܲܪܥܵܐ ܕܓܲܪܒܝܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܣܵܒܵܒ ܐܲܝܟ݂ ܐܲܪܒܥܵܐ ܦܵܘܚܹ̈ܐ ܕܫܡܲܝܵܐ ܩܲܡ ܒܲܪܒܸܙܸܢܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ. 7”ܗܘܿܝ ܨܸܗܝܘܿܢ! ܦܨܝܼ ܠܵܟ݂ܝ، ܥܵܡܪܵܢܬܵܐ ܕܒܪܵܬ ܒܵܒܹܠܔ. 8ܣܵܒܵܒ ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ܒܵܬ݇ܪ ܐܝܼܩܵܪܵܐ ܫܘܼܕܪܸܢܹܗ ܥܲܠܔ ܐܸܡܘܵܬܹ̈ܐ ܣܵܠܒܵܢܵܘ̈ܟ݂ܘܿܢ، ܣܵܒܵܒ ܗ̇ܘ ܕܕܵܩܹܪ ܒܝܼܵܘܟ݂ܘܿܢ ܟܹܐ ܕܵܩܹܪ ܒܒܹܒܸܠܬܵܐ ܕܥܲܝܢܝܼ. 9ܣܵܒܵܒ ܗܵܐ، ܐܵܢܵܐ ܡܲܪܘܼܡܹܐ ܝܘܸܢ ܐܝܼܕܝܼ ܥܲܠܲܝܗܝ، ܘܒܸܬ ܗܵܘܝܼ ܣܠܵܒܵܐ ܠܪܹ̈ܓܵܘܵܬܲܝܗܝ، ܘܒܸܬ ܝܵܕܥܝܼܬܘܿܢ ܕܡܵܪܝܵܐ ܚܲܝܠܬܵܢܵܐ ܫܘܼܕܪܸܢܹܗ.

10ܩܲܘܸܚܝ ܘܚܕܝܼ، ܒܪܵܬ ܨܸܗܝܘܿܢ، ܣܵܒܵܒ ܗܵܐ، ܐܵܢܵܐ ܒܹܐܬܵܝܵܐ ܝܘܸܢ، ܘܒܸܬ ܫܵܪܹܝܢ ܒܓܵܘܵܟ݂ܝ،“ ܒܹܐܡܵܪܵܐ ܝܠܹܗ ܡܵܪܝܵܐ. 11”ܘܒܸܬ ܬܵܒܥܝܼ ܐܸܡܘܵܬܹ̈ܐ ܪܵܒܵܐ ܠܡܵܪܝܵܐ ܒܗ̇ܘ ܝܵܘܡܵܐ، ܘܒܸܬ ܗܵܘܝܼ ܐܸܠܝܼ ܥܲܡܵܐ، ܘܒܸܬ ܫܵܪܹܝܢ ܒܓܵܘܵܟ݂ܝ، ܘܒܸܬ ܝܵܕܥܲܬܝ ܕܡܵܪܝܵܐ ܚܲܝܠܬܵܢܵܐ ܫܘܼܕܪܸܢܹܗ ܠܟܸܣ ܠܵܟ݂ܝ. 12ܘܒܸܬ ܗܵܘܹܐ ܝܼܗܘܼܕܵܐ ܣܵܗܡܵܐ ܕܝܵܪܬܘܼܬܵܐ ܕܡܵܪܝܵܐ ܥܲܠܔ ܐܲܪܥܵܐ، ܘܒܸܬ ܓܲܒܹܐ ܡܸܢܕܪܸܫ ܠܐܘܿܪܸܫܠܸܡ. 13ܫܵܬܹܩ ܟܠܔ ܐ݇ܢܵܫܵܐ ܡܩܵܕ݇ܡ ܡܵܪܝܵܐ، ܣܵܒܵܒ ܪܥܝܼܫ ܠܹܗ ܡ̣ܢ ܡܲܥܡܪܵܐ ܕܩܘܼܕܫܹܗ.“

လက္ရွိေရြးခ်ယ္ထားမွု

ܙܟ݂ܪܝܐ 2: ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။