ܡܙܡܘܪ̈ܐ 143 (ܩܡܓ)

143 (ܩܡܓ)

ܡܲܙܡܘܿܪܵܐ ܕܕܵܘܝܼܕ.

1ܝܵܐ ܡܵܪܝܵܐ، ܫܡܸܥ ܨܠܘܿܬܝܼ، ܗܲܒ݂݇ܠ ܢܵܬܵܐ ܠܢܵܘܢܵܝܬܝܼ،

ܒܡܗܘܼܡܢܘܼܬܘܼܟ݂ ܓ̰ܲܘܸܒ ܠܝܼ، ܒܙܲܕܝܼܩܘܼܬܘܼܟ݂.

2ܘܠܵܐ ܡܲܥܒܸܪܸܬ ܠܹܗ ܪܹܓܘܼܟ݂ ܠܕܝܵܢܬܵܐ،

ܣܵܒܵܒ ܠܹܐ ܝܠܹܗ ܙܲܕܝܼܩܵܐ ܩܵܕ݇ܡܘܼܟ݂ ܟܠ ܐ݇ܢܵܫܵܐ ܚܵܝܵܐ.

3ܣܵܒܵܒ ܢܦܝܼܠ ܠܹܗ ܕܸܫܡܸܢ ܒܵܬ݇ܪ ܓܵܢܝܼ،

ܛܒ݂ܝܼܚ ܠܹܗ ܠܐܲܪܥܵܐ ܚܲܝܝܼ̈،

ܩܲܡ ܡܲܬܸܒ݂ ܠܝܼ ܒܕܘܼܟܵܢܹ̈ܐ ܚܸܫܟܵܢܹ̈ܐ ܐܲܝܟ݂ ܡܝܼܬܹ̈ܐ ܕܠܥܵܠܲܡ.

4ܘܕܘܼܪܕܸܫ̃ܬܵܐ ܝܠܵܗ̇ ܒܓܵܘܝܼ ܪܘܼܚܝܼ،

ܒܓܵܘܝܼ ܫܓ݂ܝܼܫܵܐ ܝܠܹܗ ܠܸܒܝܼ.

5ܕܟ݂ܝܼܪܝܼ ܠܝܵܘܡܵܢܹ̈ܐ ܩܲܕܝܼܡܵܝܹ̈ܐ،

ܗܘܼܓܹܐ ܠܝܼ ܒܘܼܬ ܟܠܲܝܗܝ ܦܘܼܠܚܵܢܘܼ̈ܟ݂،

ܒܘܼܬ ܥܒ݂ܵܕܵܐ ܕܐܝܼܕܵܬܘܼ̈ܟ݂ ܬܘܼܚܡܸܢܝܼ.

6ܦܘܼܫܸܛ ܠܝܼ ܐܝܼܕܵܬܝܼ̈ ܠܟܸܣ ܠܘܼܟ݂،

ܓܵܢܝܼ ܨܗܝܼܬܵܐ ܝܠܵܗ̇ ܐܸܠܘܼܟ݂ ܐܲܝܟ݂ ܐܲܪܥܵܐ ܒܪܝܼܙܬܵܐ. ܣܹܠܵܗ

7ܡܲܠܝܸܙ ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܬܝܼܡ ܠܵܗ̇ ܪܘܼܚܝܼ،

ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ،

ܐܸܠܵܐ ܒܸܬ ܗܵܘܹܝܢ ܕܘܼܡܝܵܐ ܠܨܵܠܝܵܢܹ̈ܐ ܕܓܘܼܒܵܐ.

8ܡܲܫܡܸܥ ܠܝܼ ܒܨܲܦܪܵܐ ܫܵܦܵܩܲܬܘܼܟ݂،

ܣܵܒܵܒ ܒܝܼܘܼܟ݂ ܦܝܼܫ ܠܝܼ ܒܣܲܒ݂ܪܵܐ،

ܡܲܕܸܥ ܠܝܼ ܐܘܼܪܚܵܐ ܕܐܵܙܹܠ݇ܢ،

ܣܵܒܵܒ ܐܸܠܘܼܟ݂ ܡܘܼܪܡܵܐ ܠܝܼ ܓܵܢܝܼ.

9ܦܲܨܝܼ ܠܝܼ ܡ̣ܢ ܕܸܫܡܸܢܝܼ̈، ܝܵܐ ܡܵܪܝܵܐ،

ܠܟܸܣ ܠܘܼܟ݂ ܛܘܼܫܝܘܼܗ̇ ܝܘܸܢ ܓܵܢܝܼ.

10ܡܲܠܸܦ ܠܝܼ ܠܸܥܒ݂ܵܕܵܐ ܨܸܒ݂ܝܵܢܘܼܟ݂، ܣܵܒܵܒ ܐܲܢ݇ܬ ܝܼܘܸܬ ܐܲܠܵܗܝܼ،

ܪܘܼܚܘܼܟ݂ ܛܵܒ݂ܵܐ ܡܗܲܕܹܐ ܠܝܼ ܒܐܲܪܥܵܐ ܬܪܘܼܨܬܵܐ.

11ܒܘܼܬ ܫܸܡܘܼܟ݂ ܡܲܚܹܝܬ ܠܝܼ، ܝܵܐ ܡܵܪܝܵܐ،

ܒܙܲܕܝܼܩܘܼܬܘܼܟ݂ ܦܲܠܛܸܬ ܓܵܢܝܼ ܡ̣ܢ ܐܘܼܠܨܵܢܵܐ.

12ܘܒܫܵܦܵܩܲܬܘܼܟ݂ ܡܲܫܬܸܩܸܬ ܠܕܸܫܡܸܢܝܼ̈،

ܘܛܲܠܩܸܬ ܠܟܠܲܝܗܝ ܡܲܠܝܸܨܵܢܹ̈ܐ ܕܓܵܢܝܼ،

ܣܵܒܵܒ ܪܹܓܘܼܟ݂ ܝܼܘܸܢ ܐܵܢܵܐ.

လက္ရွိေရြးခ်ယ္ထားမွု

ܡܙܡܘܪ̈ܐ 143 (ܩܡܓ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။