ܡܙܡܘܪ̈ܐ 140 (ܩܡ)

140 (ܩܡ)

ܠܪܹܫ ܓܘܼܕܵܐ ܕܙܲܡܵܪܹ̈ܐ. ܡܲܙܡܘܿܪܵܐ ܕܕܵܘܝܼܕ.

1ܦܲܨܝܼ ܠܝܼ، ܝܵܐ ܡܵܪܝܵܐ، ܡ̣ܢ ܒܲܪܢܵܫܵܐ ܒܝܼܫܵܐ،

ܡ̣ܢ ܐ݇ܢܵܫܹ̈ܐ ܛܵܠܘܿܡܹ̈ܐ ܢܵܛܪܹܬ ܠܝܼ.

2ܐܵܢܝܼ ܕܚܫܝܼܒ݂ ܠܗܘܿܢ ܒܝܼܫܵܬܹ̈ܐ ܒܠܸܒܲܝܗܝ،

ܒܟܠܹܗ ܝܵܘܡܵܐ ܟܹܐ ܚܲܦܛܝܼ ܦܠܵܫܹ̈ܐ.

3ܡܘܼܚܪܸܦ ܠܗܘܿܢ ܠܸܫܵܢܲܝܗܝ ܐܲܝܟ݂ ܚܘܼܘܹܐ،

ܣܲܡܵܐ ܕܐܸܣܦܸܣ ܬܚܘܿܬ ܣܸܦܘܵܬܲܝ̈ܗܝ. ܣܹܠܵܗ

4ܢܛܘܿܪܝܼ، ܝܵܐ ܡܵܪܝܵܐ، ܡ̣ܢ ܐܝܼܕܵܬܹ̈ܐ ܕܪ̈ܲܫܝܼܥܹܐ،

ܡ̣ܢ ܐ݇ܢܵܫܹ̈ܐ ܛܵܠܘܿܡܹ̈ܐ ܢܵܛܪܹܬ ܠܝܼ،

ܐܵܢܝܼ ܕܚܫܝܼܒ݂ ܠܗܘܿܢ ܠܬܲܪܩܘܼܠܹܐ ܦܵܣܘܿܥܝܵܬܝܼ̈.

5ܛܘܼܡܸܪܗܘܿܢ ܫܲܒ݂ܗܸܪ̈ܵܢܹܐ ܢܸܫܒ݂ܵܐ ܐܸܠܝܼ،

ܘܒܚܲܒ݂ܠܹ̈ܐ ܦܪܝܼܣ ܠܗܘܿܢ ܓܲܪܕܵܐ ܥܲܠ ܐܘܼܪܚܝܼ،

ܦܲܚܹ̈ܐ ܨܘܼܠܹܐ ܠܗܘܿܢ ܐܸܠܝܼ. ܣܹܠܵܗ

6ܐ݇ܡܝܼܪܝܼ ܠܡܵܪܝܵܐ، ”ܐܲܠܵܗܝܼ ܝܘܸܬ ܐܲܢ݇ܬ،

ܗܲܒ݂݇ܠ ܢܵܬܵܐ، ܝܵܐ ܡܵܪܝܵܐ، ܠܩܵܠܵܐ ܕܢܵܘܢܵܝܬܝܼ.

7”ܡܵܪܝܵܐ ܐܲܠܵܗܵܐ، ܚܲܝܠܵܐ ܕܦܘܼܪܩܵܢܝܼ،

ܟܘܼܣܹܐ ܠܘܼܟ݂ ܪܹܫܝܼ ܒܝܵܘܡܵܐ ܕܦܠܵܫܵܐ.

8”ܠܵܐ ܝܵܗ݇ܒܹܬ، ܝܵܐ ܡܵܪܝܵܐ، ܫܲܗܘܲܬܝܵܬܹ̈ܐ ܕܪ̈ܲܫܝܼܥܹܐ،

ܢܝܼܫܲܝܗܝ ܠܵܐ ܫܵܒ݂ܩܹܬ ܦܵܠܹܛ ܒܪܹܫܵܐ ܕܠܵܐ ܪܵܝܡܝܼ. ܣܹܠܵܗ

9”ܪܹܫܵܐ ܕܚܲܪ̈ܕܝܼܵܢܝܼ

ܦܵܐܹܫ ܟܘܼܣܝܵܐ ܒܦܸܠܡܵܐ ܕܣܸܦܘܵܬܲܝ̈ܗܝ.

10”ܫܒ݂ܘܿܩ ܨܵܠܝܼ ܥܲܠܲܝܗܝ ܓܘܼܡܪܹ̈ܐ،

ܓܵܘ ܢܘܼܪܵܐ ܦܵܝܫܝܼ ܡܘܼܢܦܸܠ ܠܹܗ،

ܓܵܘ ܥܘܼܡܩܹ̈ܐ، ܕܠܵܐ ܩܵܝܡܝܼ.

11”ܕܵܪܝܵܢܵܐ ܕܒܘܼܚܬܵܢ ܠܹܐ ܡܩܵܘܹܐ ܒܐܲܪܥܵܐ،

ܐ݇ܢܵܫܵܐ ܛܵܠܘܿܡܵܐ ܒܝܼܫܬܵܐ ܒܸܬ ܨܵܝܕܵܐ ܠܹܗ ܒܓ̰ܲܠܕܘܼܬܵܐ.“

12ܟܹܐ ܝܵܕܥܹܢ ܕܒܸܬ ܥܵܒܹܕ ܡܵܪܝܵܐ ܕܝܼܢܵܐ ܕܡܘܼܠܝܸܨܹ̈ܐ،

ܕܝܼܘܵܢ ܕܡܸܣܟܹܢܹ̈ܐ.

13ܒܫܪܵܪܵܐ، ܙܲܕܝܼܩܹ̈ܐ ܒܸܬ ܫܲܟܪܝܼ ܠܫܸܡܘܼܟ݂،

ܒܸܬ ܝܵܬܒ݂ܝܼ ܬܪ̈ܘܼܨܹܐ ܩܵܕ݇ܡ ܦܵܬܘܼܟ݂.

လက္ရွိေရြးခ်ယ္ထားမွု

ܡܙܡܘܪ̈ܐ 140 (ܩܡ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။