ܡܙܡܘܪ̈ܐ 132 (ܩܠܒ)

132 (ܩܠܒ)

ܙܡܵܪܬܵܐ ܕܐ݇ܣܵܩܬܵܐ.

1ܕܟ݂ܘܿܪ، ܝܵܐ ܡܵܪܝܵܐ، ܠܕܵܘܝܼܕ،

ܠܟܠܲܝܗܝ ܐܘܼܠܨܵܢܘܼ̈ܗܝ،

2ܕܵܐܟ݂ܝܼ ܕܝ݇ܡܹܐ ܠܹܗ ܠܡܵܪܝܵܐ،

ܢܕܝܼܪܹܗ ܠܙܲܪܒܵܢܵܐ ܕܝܲܥܩܘܿܒ݂:

3”ܠܹܐ ܥܵܒ݂ܪܹܢ ܬܚܘܿܬ ܫܟܘܼܪܹܐ ܕܒܲܝܬܝܼ،

ܠܹܐ ܐܵܣܩܹܢ ܥܲܠ ܫܘܝܼܬܵܐ ܕܕܡܵܟ݂ܬܝܼ،

4”ܠܹܐ ܝܵܗ݇ܒܹܢ ܫܸܢܬܵܐ ܠܥܲܝܢܝܼ̈،

ܢܵܘܡܵܐ ܠܛܸܠܦܵܦܝܼ̈،

5”ܗܲܠ ܕܡܲܫ݇ܟ̰ܚܸܢ ܕܘܼܟܬܵܐ ܩܵܐ ܡܵܪܝܵܐ،

ܡܲܫܟܢܵܐ ܩܵܐ ܙܲܪܒܵܢܵܐ ܕܝܲܥܩܘܿܒ݂.“

6ܗܵܐ، ܫܡܝܼܥ ܠܲܢ ܒܘܼܬ ܕܝܼܘܼܗ̇ ܓܵܘ ܐܵܦܲܪܬܵܐ،

ܡܘܼܫ݇ܟ̰ܚܵܐ ܠܲܢ ܓܵܘ ܚܲܩܠܵܢܹ̈ܐ ܕܡܲܝܫܵܐ،

7ܥܵܒ݂ܪܲܚ ܠܡܲܫܟܢܘܼ̈ܗܝ،

ܣܵܓ݂ܕܲܚ ܠܓܹܒܵܐ ܕܟܘܼܒ݂ܫܵܐ ܕܐܲܩܠܘܼ̈ܗܝ،

8ܒܹܐܡܵܪܵܐ، ”ܩܘܼܡ، ܝܵܐ ܡܵܪܝܵܐ، ܠܢܝܵܚܬܘܼܟ݂،

ܐܲܢ݇ܬ ܘܩܹܒ݂ܘܼܬܵܐ ܕܙܲܪܒܘܼܟ݂.

9”ܟܵܗܢܘܼ̈ܟ݂ ܠܵܒ݂ܫܝܼ ܙܲܕܝܼܩܘܼܬܵܐ،

ܘܙܲܕܝܼܩܘܼ̈ܟ݂ ܫܲܒܚܝܼ.“

10ܒܘܼܬ ܕܵܘܝܼܕ ܪܹܓܘܼܟ݂،

ܠܵܐ ܡܲܕܸܪܸܬ ܦܵܬܵܐ ܕܡܫܝܼܚܘܼܟ݂.

11ܝ݇ܡܹܐ ܠܹܗ ܡܵܪܝܵܐ ܠܕܵܘܝܼܕ ܒܫܲܪܝܼܪܘܼܬܵܐ،

ܘܠܹܐ ܕܵܐܹܪ ܡܸܢܘܼܗ̇،

”ܡ̣ܢ ܛܥܘܼܢܝܵܬܹ̈ܐ ܕܟܹܪ݇ܣܘܼܟ݂ ܒܸܬ ܡܲܬܒܸܢ ܥܲܠ ܟܘܼܪܣܝܘܼܟ݂.

12”ܐܸܢ ܢܵܛܪܝܼ ܒܢܘܿܢܘܼ̈ܟ݂ ܘܲܥܕܝܼ،

ܘܣܵܗܕܘܵܬܝܼ̈ ܕܡܲܠܦܸܢܗܘܿܢ،

ܐܘܼܦ ܒܢܘܿܢܲܝ̈ܗܝ ܠܥܵܠܲܡ ܒܸܬ ܝܵܬܒ݂ܝܼ ܥܲܠ ܟܘܼܪܣܝܘܼܟ݂.“

13ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܨܸܗܝܘܿܢ،

ܫܘܼܗܘܸܬ ܠܹܗ ܕܗܵܘܝܵܐ ܒܹܝܬ ܡܲܥܡܪܹܗ، ܒܹܐܡܵܪܵܐ:

14”ܐܵܗܵܐ ܝܠܵܗ̇ ܢܝܵܚܬܝܼ ܗܲܠ ܥܵܠܲܡ،

ܠܐܲܟ݂ܵܐ ܒܸܬ ܝܵܬܒܹܢ ܣܵܒܵܒ ܫܘܼܗܘܸܬ ܠܝܼ ܐܸܠܘܼܗ̇.

15”ܡܹܐܟ݂ܘܼܠܬܘܼܗ̇ ܒܲܪܘܼܟܹܐ ܒܸܬ ܒܲܪܟܸܢ،

ܣܢܝܼܩܘܼ̈ܗ̇ ܒܸܬ ܡܲܣܒܸܥܸܢ ܒܠܲܚܡܵܐ.

16”ܘܠܟܵܗܢܘܼ̈ܗ̇ ܒܸܬ ܡܲܠܒܸܫܸܢ ܦܘܼܪܩܵܢܵܐ،

ܘܙܲܕܝܼܩܘܼ̈ܗ̇ ܫܵܒܲܚܬܵܐ ܒܸܬ ܫܲܒܚܝܼ.

17”ܬܵܡܵܐ ܒܸܬ ܡܲܩܸܡܸܢ ܚܲܝܠܵܐ ܠܕܵܘܝܼܕ،

ܡܘܼܪܝܸܙ ܠܝܼ ܫܪܵܓ݂݇ܝܵܐ ܩܵܐ ܡܫܝܼܚܝܼ.

18”ܠܕܸܫܡܸܢܘܼ̈ܗܝ ܒܸܬ ܡܲܠܒܸܫܸܢ ܢܟ݂ܝܼܦܬܵܐ،

ܐܝܼܢܵܐ ܥܲܠܘܼܗܝ ܒܸܬ ܦܵܩܹܚ ܬܵܓܹܗ.“

လက္ရွိေရြးခ်ယ္ထားမွု

ܡܙܡܘܪ̈ܐ 132 (ܩܠܒ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။