ܩܘܗܠܬ 11

ܕܪܝܼ ܠܲܚܡܘܼܟ݂ ܥܲܠ ܦܵܬܵܐ ܕܡ̈ܝܼܵܐ

1ܕܪܝܼ ܠܲܚܡܘܼܟ݂ ܥܲܠ ܦܵܬܵܐ ܕܡ̈ܝܼܵܐ، ܣܵܒܵܒ ܡܒܵܬ݇ܪ ܪܵܒܵܐ ܝܵܘܡܵܢܹ̈ܐ ܒܸܬ ܡܲܫ݇ܟ̰ܚܸܬ ܠܹܗ. 2ܗܲܒ݂݇ܠ ܣܵܗܡܘܼܟ݂ ܠܫܲܒ݂ܥܵܐ، ܘܐܘܼܦ ܠܬܡܵܢܝܵܐ، ܣܵܒܵܒ ܠܹܐ ܝܵܕܥܹܬ ܡܘܿܕܝܼ ܒܝܼܫܬܵܐ ܒܸܬ ܗܵܘܝܵܐ ܥܲܠ ܐܲܪܥܵܐ. 3ܐܸܢ ܗܵܘܝܼ ܡܸܠܝܹܐ ܥܲܝܒܹ̈ܐ ܡܸܛܪܵܐ، ܥܲܠ ܐܲܪܥܵܐ ܟܹܐ ܣܵܦܩܝܼ؛ ܘܐܸܢ ܢܵܦܹܠ ܐܝܼܠܵܢܵܐ ܒܬܲܝܡܢܵܐ ܝܲܢ ܒܓܲܪܒܝܵܐ، ܐܲܝܟܵܐ ܕܢܵܦܹܠ ܐܝܼܠܵܢܵܐ ܬܵܡܵܐ ܟܹܐ ܗܵܘܹܐ. 4ܗ̇ܘ ܕܢܵܛܹܪ ܦܵܘܚܵܐ ܠܹܐ ܙܵܪܹܥ، ܘܗ̇ܘ ܕܩܲܙܸܕ ܒܥܲܝܒܹ̈ܐ ܠܹܐ ܚܵܨܹܕ. 5ܐܲܝܟ݂ ܕܠܹܐ ܝܵܕܥܹܬ ܡܘܿܕܝܼ ܝܠܵܗ̇ ܐܘܼܪܚܵܐ ܕܦܵܘܚܵܐ، ܝܲܢ ܕܵܐܟ݂ܝܼ ܓܲܪ̈ܡܹܐ ܦܵܝܫܝܼ ܓܒ݂ܝܼܠܹܐ ܒܡܲܪܒܥܵܐ، ܗܲܕܟ݂ܵܐ ܠܹܐ ܝܵܕܥܹܬ ܦܘܼܠܚܵܢܵܐ ܕܐܲܠܵܗܵܐ، ܗ̇ܘ ܕܟܹܐ ܥܵܒܹܕ ܠܟܠ ܡܸܢܕܝܼ. 6ܒܨܲܦܪܵܐ ܙܪܹܥ ܒܲܪܙܲܪܥܘܼܟ݂، ܘܒܪܲܡܫܵܐ ܠܵܐ ܡܲܢܝܸܚܸܬ ܐܝܼܕܘܼܟ݂، ܣܵܒܵܒ ܠܹܐ ܝܵܕܥܹܬ ܐܲܝܢܝܼ ܒܸܬ ܡܲܢܬܹܐ، ܐܵܗܵܐ ܝܲܢ ܐܵܗܵܐ، ܝܲܢ ܒܲܠܟܵܐ ܬܸܪܘܲܝܗܝ ܒܸܬ ܗܵܘܝܼ ܨܦܵܝܝܼ.

ܕܟ݂ܘܿܪ ܠܒܵܪܝܵܢܘܼܟ݂ ܘܡܲܒܣܸܡ ܒܥܠܲܝܡܘܼܬܘܼܟ݂

7ܘܚܸܠܝܵܐ ܝܠܹܗ ܒܲܗܪܵܐ، ܘܨܦܵܝܝܼ ܝܠܵܗ̇ ܠܥܲܝܢܹ̈ܐ ܠܸܚܙܵܝܵܐ ܫܸܡܫܵܐ. 8ܣܵܒܵܒ ܐܸܢ ܫܸܢܹ̈ܐ ܪܵܒܵܐ ܚܵܝܹܐ ܒܲܪܢܵܫܵܐ، ܒܟܠܲܝܗܝ ܚܵܕܹܐ، ܘܕܵܟܹܪ ܝܵܘܡܵܢܹ̈ܐ ܕܚܸܫܟܵܐ، ܣܵܒܵܒ ܪܵܒܵܐ ܒܸܬ ܗܵܘܝܼ، ܟܠ ܕܐܵܬܹܐ ܣܪܝܼܩܘܼܬܵܐ ܝܠܹܗ.

9ܚܕܝܼ ܥܠܲܝܡܵܐ ܒܝܵܠܕ݇ܘܼܬܘܼܟ݂، ܘܡܲܒܣܸܡ ܠܘܼܟ݂ ܠܸܒܘܼܟ݂ ܒܝܵܘܡܵܢܹ̈ܐ ܕܥܠܲܝܡܘܼܬܘܼܟ݂، ܘܚܕܘܿܪ ܒܐܘܼܪ̈ܚܵܬܹܐ ܕܠܸܒܘܼܟ݂، ܘܒܚܸܙܘܵܐ ܕܥܲܝܢܘܼ̈ܟ݂، ܐܝܼܢܵܐ ܝ݇ܕܸܥ ܕܒܘܼܬ ܟܠܲܝܗܝ ܐܲܢܹܐ ܒܸܬ ܡܲܥܒܸܪܘܼܟ݂ ܐܲܠܵܗܵܐ ܒܕܝܵܢܬܵܐ. 10ܘܡܲܦܪܸܩ ܟܲܪܒܵܐ ܡ̣ܢ ܠܸܒܘܼܟ݂، ܘܡܲܥܒܸܪ ܒܝܼܫܬܵܐ ܡ̣ܢ ܒܸܣܪܘܼܟ݂، ܣܵܒܵܒ ܝܵܠܕ݇ܘܼܬܵܐ ܘܥܠܲܝܡܘܼܬܵܐ ܣܪܝܼܩܘܼܬܵܐ ܝܢܵܐ.

လက္ရွိေရြးခ်ယ္ထားမွု

ܩܘܗܠܬ 11: ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။