ܕܢܝܐܝܠ 9
9
ܨܠܘܿܬܵܐ ܕܕܵܢܝܼܐܹܝܠ
1ܒܫܹܢ݇ܬܵܐ ܕܚܕܵܐ ܠܕܲܪܝܵܘܵܫ ܒܪܘܿܢܵܐ ܕܐܲܚܫܝܼܪܲܫ، ܡ̣ܢ ܙܲܪܥܵܐ ܕܡܵܕܵܝ، ܕܗܘܹܐ ܠܹܗ ܡܲܠܟܵܐ ܥܲܠ ܡܲܠܟܘܼܬܵܐ ܕܟܲܠܕܵܝܹ̈ܐ، 2ܒܫܹܢ݇ܬܵܐ ܕܚܕܵܐ ܠܡܲܠܟܘܼܬܹܗ، ܐܵܢܵܐ ܕܵܢܝܼܐܹܝܠ ܦܘܼܪܡܹܐ ܠܝܼ ܡ̣ܢ ܟܬܵܒܹ̈ܐ ܩܲܕܝܼܫܹ̈ܐ، ܕܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܐܹܪܲܡܝܵܐ ܢܒ݂ܝܼܵܐ، ܡܸܢܝܵܢܵܐ ܕܫܸܢܹ̈ܐ ܕܐܘܿܪܸܫܠܸܡ ܒܸܬ ܦܵܝܫܵܐ ܚܵܪܵܒܵܐ، ܫܲܒ݂ܥܝܼ ܫܸܢܹ̈ܐ. 3ܘܡܘܼܪܸܡ ܠܝܼ ܦܵܬܝܼ ܠܡܵܪܝܵܐ ܐܲܠܵܗܵܐ، ܠܸܒܥܵܝܵܐ ܒܨܠܘܿܬܵܐ ܘܒܢܵܘܢܵܝܵܬܹ̈ܐ، ܒܨܵܘܡܵܐ، ܘܒܣܲܩܵܐ، ܘܒܩܸܛܡܵܐ. 4ܘܨܘܼܠܹܐ ܠܝܼ ܠܡܵܪܝܵܐ ܐܲܠܵܗܝܼ، ܘܡܘܼܕܹܐ ܠܝܼ، ܘܐ݇ܡܝܼܪܝܼ، ”ܝܵܐ ܡܵܪܝܵܐ، ܐܲܠܵܗܵܐ ܓܘܼܪܵܐ ܘܣܲܗܡܵܢܵܐ، ܢܵܛܪܵܢܵܐ ܕܩܵܘܠܵܐ ܘܫܵܦܵܩܲܬ ܠܡܲܚܸܒܵܢܘܼ̈ܗܝ ܘܠܢܵܛܪ̈ܵܢܹܐ ܕܦܘܼܩܕܵܢܘܼ̈ܗܝ، 5ܚܛܹܐ ܠܲܢ، ܘܥܒ݂ܝܼܕ ܠܲܢ ܥܵܘܠܵܐ، ܘܥܒ݂ܝܼܕ ܠܲܢ ܪܲܫܝܼܥܘܼܬܵܐ، ܘܗܘܹܐ ܠܲܢ ܡܵܪ̈ܘܿܕܹܐ، ܒܸܩܠܵܒܵܐ ܡ̣ܢ ܦܘܼܩܕܵܢܘܼ̈ܟ݂ ܘܡ̣ܢ ܕܝܼܘܵܢܘܼ̈ܟ݂، 6ܘܠܵܐ ܫܡܝܼܥ ܠܲܢ ܠܪܹ̈ܓܵܘܵܬܘܼܟ݂ ܢܒ݂ܝܼܹ̈ܐ، ܕܗܘܼܡܙܸܡ ܠܗܘܿܢ ܒܫܸܡܘܼܟ݂ ܥܲܡ ܡܲܠܟܲܢ̈، ܘܓܘܼܪ̈ܵܢܲܢ، ܘܐܲܒ݂ܵܗܵܬܲܢ̈، ܘܥܲܡ ܟܠܹܗ ܥܲܡܵܐ ܕܐܲܪܥܵܐ. 7ܐܸܠܘܼܟ݂ ܝܼܠܵܗ̇، ܝܵܐ ܡܵܪܝܵܐ، ܙܲܕܝܼܩܘܼܬܵܐ، ܘܐܸܠܲܢ ܢܟ݂ܝܼܦܬܵܐ ܕܦܵܬܵܐ، ܐܲܝܟ݂ ܕܐܸܕܝܘܿܡ–ܠܐ݇ܢܵܫܹ̈ܐ ܕܝܼܗܘܼܕܵܐ، ܘܠܥܵܡܪ̈ܵܢܹܐ ܕܐܘܿܪܸܫܠܸܡ، ܘܠܟܠܹܗ ܝܼܣܪܵܝܹܠ، ܕܩܘܼܪܒܵܐ ܘܪܸܚܩܵܐ، ܒܟܠܲܝܗܝ ܐܲܪ̈ܥܵܬܹܐ ܕܪܘܼܦܝܲܝ ܠܘܼܟ݂ ܬܵܡܵܐ، ܒܘܼܬ ܚܵܝܝܼܢܘܼܬܲܝܗܝ ܕܥܒ݂ܝܼܕ ܠܗܘܿܢ ܥܲܠܘܼܟ݂. 8ܝܵܐ ܡܵܪܝܵܐ، ܐܸܠܲܢ ܝܼܠܵܗ̇ ܢܟ݂ܝܼܦܬܵܐ ܕܦܵܬܵܐ، ܠܡܲܠܟܲܢ̈، ܘܠܓܘܼܪ̈ܵܢܲܢ، ܘܠܐܲܒ݂ܵܗܵܬܲܢ̈، ܣܵܒܵܒ ܚܛܹܐ ܠܲܢ ܥܲܠܘܼܟ݂. 9ܠܡܵܪܝܵܐ ܐܲܠܵܗܲܢ ܝܼܢܵܐ ܪ̈ܲܚܡܹܐ ܘܦܘܼܚܵܠܹ̈ܐ، ܣܵܒܵܒ ܥܒ݂ܝܼܕ ܠܲܢ ܡܵܪܘܿܕܘܼܬܵܐ ܥܲܠܘܼܗܝ. 10ܘܠܵܐ ܫܡܝܼܥ ܠܲܢ ܒܩܵܠܵܐ ܕܡܵܪܝܵܐ ܐܲܠܵܗܲܢ، ܠܸܚܕܵܪܵܐ ܒܢܵܡܘܿܣܹܗ ܕܡܘܼܬܸܒ݂ ܠܹܗ ܩܵܕ݇ܡܲܢ ܒܝܲܕ ܪܹ̈ܓܵܘܵܬܹܗ ܢܒ݂ܝܼܹ̈ܐ. 11ܘܟܠܹܗ ܝܼܣܪܵܝܹܠ ܫܡܝܼܛ ܠܗܘܿܢ ܠܢܵܡܘܿܣܘܼܟ݂، ܘܩܠܝܼܒ ܠܗܘܿܢ ܟܲܕ ܠܵܐ ܫܡܝܼܥ ܠܗܘܿܢ ܒܩܵܠܘܼܟ݂. ܘܦܝܼܫ ܠܵܗ̇ ܫܘܼܦܸܟ݂ܬܵܐ ܥܲܠܲܢ ܠܵܘܛܬܵܐ ܘܡܵܘܡܵܬܵܐ ܕܟܬܝܼܒ݂ܬܵܐ ܝܠܵܗ̇ ܒܢܵܡܘܿܣܵܐ ܕܡܘܼܫܹܐ ܪܹܓܵܐ ܕܐܲܠܵܗܵܐ، ܣܵܒܵܒ ܚܛܹܐ ܠܲܢ ܥܲܠܘܼܗܝ. 12ܘܡܘܼܩܸܡ ܠܹܗ ܚܲܒܪ̈ܵܢܘܼܗܝ ܕܗܘܼܡܙܸܡ ܠܹܗ ܥܲܠܲܢ ܘܥܲܠ ܕܲܝܵܢܲܢ̈ ܕܕܝܼܢܲܚ ܠܗܘܿܢ، ܠܡܲܝܬܘܼܝܹܐ ܥܲܠܲܢ ܓܘܼܢܚܵܐ ܓܘܼܪܵܐ ܕܠܵܐ ܦܝܼܫ ܠܹܗ ܥܒ݂ܝܼܕܵܐ ܬܚܘܿܬ ܟܠܵܗ̇ ܫܡܲܝܵܐ ܕܵܐܟ݂ܝܼ ܕܦܝܼܫ ܠܹܗ ܥܒ݂ܝܼܕܵܐ ܓܵܘ ܐܘܿܪܸܫܠܸܡ. 13ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ ܒܢܵܡܘܿܣܵܐ ܕܡܘܼܫܹܐ، ܗܲܕܟ݂ܵܐ ܟܠܹܗ ܐܵܗܵܐ ܓܘܼܢܚܵܐ ܐ݇ܬܹܐ ܠܹܗ ܥܲܠܲܢ، ܘܗܹܫ ܠܵܐ ܦܘܼܪܦܸܠ ܠܲܢ ܩܵܕ݇ܡ ܡܵܪܝܵܐ ܐܲܠܵܗܲܢ، ܠܸܕܝܵܪܵܐ ܡ̣ܢ ܥܵܘܠܲܢ̈، ܘܠܦܲܪܡܘܼܝܹܐ ܫܲܪܝܼܪܘܼܬܘܼܟ݂ 14ܚܘܼܡܝܹܗ ܝܗ݇ܘܵܐ ܡܵܪܝܵܐ ܓܘܼܢܚܵܐ ܘܡܘܼܐܬܹܐ ܠܹܗ ܥܲܠܲܢ، ܣܵܒܵܒ ܙܲܕܝܼܩܵܐ ܝܠܹܗ ܡܵܪܝܵܐ ܐܲܠܵܗܲܢ، ܒܘܼܬ ܟܠܲܝܗܝ ܦܘܼܠܚܵܢܘܼ̈ܗܝ ܕܥܒ݂ܝܼܕ ܠܹܗ، ܘܐܲܚܢܲܢ ܠܵܐ ܫܡܝܼܥ ܠܲܢ ܒܩܵܠܹܗ.
15ܘܐܵܕܝܼܵܐ، ܝܵܐ ܡܵܪܝܵܐ ܐܲܠܵܗܲܢ، ܕܦܘܼܠܸܛ ܠܘܼܟ݂ ܠܥܲܡܘܼܟ݂ ܡ̣ܢ ܐܲܪܥܵܐ ܕܡܸܨܪܹܝܢ ܒܐܝܼܕܵܐ ܙܲܪܒܵܢܬܵܐ، ܘܥܒ݂ܝܼܕ ܠܘܼܟ݂ ܐܸܠܘܼܟ݂ ܫܸܡܵܐ ܐܲܝܟ݂ ܕܐܸܕܝܘܿܡ–ܚܛܹܐ ܠܲܢ ܘܥܒ݂ܝܼܕ ܠܲܢ ܒܝܼܫܘܼܬܵܐ. 16ܝܵܐ ܡܵܪܝܵܐ، ܐܲܝܟ݂ ܟܠܵܗ̇ ܙܲܕܝܼܩܘܼܬܘܼܟ݂، ܦܲܪܦܘܼܠܹܐ ܝܘܸܢ، ܕܵܝܪܵܐ ܟܲܪܒܘܼܟ݂ ܘܚܸܡܬܘܼܟ݂ ܡ̣ܢ ܐܘܿܪܸܫܠܸܡ ܡܕܝܼܢ݇ܬܘܼܟ݂، ܕܝܼܠܵܗ̇ ܛܘܼܪܵܐ ܕܩܘܼܕܫܘܼܟ݂، ܣܵܒܵܒ ܒܘܼܬ ܚܛܝܼܵܬܲܢ̈ ܘܒܘܼܬ ܥܵܘܠܹ̈ܐ ܕܒܵܒܵܘܵܬܲܢ̈ ܐܘܿܪܸܫܠܸܡ ܘܥܲܡܘܼܟ݂ ܗܘܹܐ ܠܗܘܿܢ ܠܠܵܘܡܵܐ ܠܟܠܲܝܗܝ ܚܵܕܸܪ̈ܘܵܢܲܢ. 17ܘܐܵܕܝܼܵܐ ܫܡܸܥ، ܝܵܐ ܐܲܠܵܗܲܢ، ܠܨܠܘܿܬܵܐ ܕܪܹܓܘܼܟ݂ ܘܠܢܵܘܢܵܝܵܬܹ̈ܗ، ܘܒܲܗܪܸܢ ܦܵܬܘܼܟ݂ ܥܲܠ ܡܲܩܕܫܘܼܟ݂ ܕܝܼܠܹܗ ܚܵܪܵܒܵܐ، ܒܘܼܬ ܚܵܬܸܪ ܕܫܸܡܘܼܟ݂، ܝܵܐ ܡܵܪܝܵܐ. 18ܗܲܒ݂݇ܠ، ܝܵܐ ܐܲܠܵܗܝܼ، ܢܵܬܘܼܟ݂ ܘܫܡܸܥ، ܦܬܘܿܚ ܥܲܝܢܘܼ̈ܟ݂ ܘܚܙܝܼ ܘܲܝܪ̈ܵܢܲܢ، ܘܡܕܝܼܢ݇ܬܵܐ ܕܦܝܼܫ ܠܹܗ ܩܸܪܝܵܐ ܫܸܡܘܼܟ݂ ܥܲܠܘܼܗ̇، ܣܵܒܵܒ ܠܵܐ ܒܘܼܬ ܙܲܕܝܼܩܘܼܝܵܬܲܢ̈ ܐܲܚܢܲܢ ܒܸܕܪܵܝܵܐ ܝܘܲܚ ܢܵܘܢܵܝܵܬܲܢ̈ ܩܵܕ݇ܡܘܼܟ݂، ܐܝܼܢܵܐ ܒܘܼܬ ܪ̈ܲܚܡܘܼܟ݂ ܪܵܒܵܐ. 19ܝܵܐ ܡܵܪܝܵܐ، ܫܡܸܥ؛ ܝܵܐ ܡܵܪܝܵܐ، ܫܒ݂ܘܿܩ؛ ܝܵܐ ܡܵܪܝܵܐ، ܡܲܨܝܸܬ ܘܥܒ݂ܘܿܕ؛ ܠܵܐ ܥܲܪܩܸܠܸܬ، ܒܘܼܬ ܚܵܬܸܪ ܕܫܸܡܘܼܟ݂، ܝܵܐ ܐܲܠܵܗܝܼ؛ ܣܵܒܵܒ ܫܸܡܘܼܟ݂ ܦܝܼܫ ܠܹܗ ܩܸܪܝܵܐ ܥܲܠ ܡܕܝܼܢ݇ܬܘܼܟ݂ ܘܥܲܠ ܥܲܡܘܼܟ݂.“
ܫܲܒ݂ܥܝܼ ܫܵܒ݂ܘܿܥܹ̈ܐ
20ܘܗܹܫ ܐܵܢܵܐ ܗܲܡܙܘܼܡܹܐ، ܘܦܲܪܦܘܼܠܹܐ، ܘܡܵܘܕܘܼܝܹܐ ܚܛܝܼܬܝܼ، ܘܚܛܝܼܬܵܐ ܕܥܲܡܝܼ ܝܼܣܪܵܝܹܠ، ܘܒܸܕܪܵܝܵܐ ܢܵܘܢܵܝܬܝܼ ܩܵܕ݇ܡ ܡܵܪܝܵܐ ܐܲܠܵܗܝܼ ܒܘܼܬ ܛܘܼܪܵܐ ܩܲܕܝܼܫܵܐ ܕܐܲܠܵܗܝܼ، 21ܘܗܹܫ ܐܵܢܵܐ ܗܲܡܙܘܼܡܹܐ ܒܨܠܘܿܬܵܐ، ܐ݇ܢܵܫܵܐ ܓܲܒ݂ܪܝܼܹܠ ܕܚܙܹܐ ܠܝܼ ܒܚܸܙܘܵܐ ܒܩܵܕ݇ܡܵܝܬܵܐ ܦܪܵܚܵܐ ܦܪܝܼܚ ܠܹܗ ܘܡܛܹܐ ܠܹܗ ܠܟܸܣ ܠܝܼ ܐܲܝܟ݂ ܥܕܵܢܵܐ ܕܩܘܼܪܒܵܢܵܐ ܕܪܲܡܫܵܐ. 22ܘܡܘܼܦܪܸܡ ܠܹܗ ܐܸܠܝܼ ܘܗܘܼܡܙܸܡ ܠܹܗ ܥܲܡܝܼ، ܘܐ݇ܡܝܼܪܹܗ، ”ܝܵܐ ܕܵܢܝܼܐܹܝܠ، ܐܵܕܝܼܵܐ ܦܠܝܼܛ ܠܝܼ ܕܡܲܦܪܸܡܸܢܘܼܟ݂. 23ܒܫܲܪܵܝܬܵܐ ܕܢܵܘܢܵܝܵܬܘܼ̈ܟ݂ ܦܠܝܼܛ ܠܹܗ ܚܲܒܪܵܐ، ܘܐܵܢܵܐ ܐ݇ܬܹܐ ܠܝܼ ܠܡܲܕܘܼܥܘܼܟ݂، ܣܵܒܵܒ ܡܘܼܚܸܒܵܐ ܝܘܸܬ ܐܲܢ݇ܬ. ܒܘܼܬ ܐܵܗܵܐ، ܦܲܪܡܝܼ ܠܚܲܒܪܵܐ ܘܬܲܚܡܸܢ ܥܲܠ ܚܸܙܘܵܐ:
24ܫܲܒ݂ܥܝܼ ܫܵܒ݂ܘܿܥܹ̈ܐ ܦܝܼܫ ܠܗܘܿܢ ܪܫܝܼܡܹܐ ܥܲܠ ܥܲܡܘܼܟ݂ ܘܥܲܠ ܡܕܝܼܢ݇ܬܵܐ ܕܩܘܼܕܫܘܼܟ݂، ܠܬܲܡܘܼܡܹܐ ܓܢܵܗܵܐ، ܘܠܸܚܬܵܡܵܐ ܚܛܝܼܵܬܹ̈ܐ، ܘܠܦܲܚܘܼܠܹܐ ܥܵܘܠܵܐ، ܘܠܡܲܝܬܘܼܝܹܐ ܙܲܕܝܼܩܘܼܬܵܐ ܕܥܵܠܡܝܼܢ، ܘܠܸܚܬܵܡܵܐ ܚܸܙܘܵܐ ܕܢܒ݂ܝܼܵܐ، ܘܠܸܡܫܵܚܵܐ ܩܕܘܿܫ ܩܘܼܕܫܹ̈ܐ.
25ܘܝܵܕܥܹܬ ܘܦܲܪܡܹܝܬ ܡ̣ܢ ܦܠܵܛܵܐ ܕܚܲܒܪܵܐ ܠܚܲܕܘܼܬܹܐ ܘܠܸܒܢܵܝܵܐ ܠܐܘܿܪܸܫܠܸܡ ܗܲܠ ܡܫܝܼܚܵܐ، ܬܲܓܒܸܪܵܢܵܐ، ܒܸܬ ܗܵܘܝܼ ܫܲܒ݂ܥܵܐ ܫܵܒ݂ܘܿܥܹ̈ܐ ܘܐܸܫܬܝܼ ܘܬܪܹܝ ܫܵܒ݂ܘܿܥܹ̈ܐ، ܒܸܬ ܦܵܝܫܝܼ ܚܘܼܕܸܬܹܐ ܘܒܸܢܝܹܐ ܥܵܠܘܿܠܵܐ ܘܚܲܢܕܵܩ، ܐܝܼܢܵܐ ܒܙܲܒ݂ܢܹ̈ܐ ܕܐܘܼܠܨܵܢܵܐ. 26ܘܒܵܬ݇ܪ ܐܸܫܬܝܼ ܘܬܪܹܝ ܫܵܒ݂ܘܿܥܹ̈ܐ، ܒܸܬ ܦܵܐܹܫ ܩܛܝܼܥܵܐ ܡܫܝܼܚܵܐ، ܘܠܲܝܬ ܩܵܐ ܕܝܼܹܗ ܡܸܢܕܝܼ. ܘܠܡܕܝܼܢ݇ܬܵܐ ܘܠܩܘܼܕܫܵܐ ܒܸܬ ܡܲܚܪܸܒ݂ ܥܲܡܵܐ ܕܬܲܓܒܸܪܵܢܵܐ ܕܐܵܬܹܐ. ܘܚܲܪܬܹܗ ܒܫܦܵܟ݂ܬܵܐ، ܘܗܲܠ ܚܲܪܬܵܐ ܒܸܬ ܗܵܘܹܐ ܦܠܵܫܵܐ، ܦܝܼܫ ܠܵܗ̇ ܩܛܝܼܥܬܵܐ ܕܒܸܬ ܗܵܘܝܼ ܘܲܝܪ̈ܵܢܹܐ. 27ܘܒܸܬ ܥܵܒܹܕ ܘܲܥܕܵܐ ܥܲܫܝܼܢܵܐ ܠܪܵܒܵܐ ܚܲܕ ܫܵܒ݂ܘܿܥܵܐ، ܘܦܲܠܓܵܐ ܕܫܵܒ݂ܘܿܥܵܐ ܒܸܬ ܡܲܫܠܹܐ ܕܸܒ݂ܚܵܐ ܘܩܘܼܪܒܵܢܵܐ،#ܕܢܝܐܝܠ 11:31؛ ܡܬܝ 24:15؛ ܡܪܩܘܣ 13:14 ܘܥܲܠ ܓܘܼܠܦܵܐ ܕܛܲܢܦܘܼܝܵܬܹ̈ܐ ܒܸܬ ܐܵܬܹܐ ܡܲܚܪܸܒ݂ܵܢܵܐ، ܘܗܲܠ ܬܝܵܡܬܵܐ، ܘܗ̇ܝ ܩܛܝܼܥܬܵܐ ܒܸܬ ܦܵܝܫܵܐ ܫܘܼܦܸܟ݂ܬܵܐ ܥܲܠ ܡܲܚܪܸܒ݂ܵܢܵܐ.“
လက္ရွိေရြးခ်ယ္ထားမွု
ܕܢܝܐܝܠ 9: ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 9
9
ܨܠܘܿܬܵܐ ܕܕܵܢܝܼܐܹܝܠ
1ܒܫܹܢ݇ܬܵܐ ܕܚܕܵܐ ܠܕܲܪܝܵܘܵܫ ܒܪܘܿܢܵܐ ܕܐܲܚܫܝܼܪܲܫ، ܡ̣ܢ ܙܲܪܥܵܐ ܕܡܵܕܵܝ، ܕܗܘܹܐ ܠܹܗ ܡܲܠܟܵܐ ܥܲܠ ܡܲܠܟܘܼܬܵܐ ܕܟܲܠܕܵܝܹ̈ܐ، 2ܒܫܹܢ݇ܬܵܐ ܕܚܕܵܐ ܠܡܲܠܟܘܼܬܹܗ، ܐܵܢܵܐ ܕܵܢܝܼܐܹܝܠ ܦܘܼܪܡܹܐ ܠܝܼ ܡ̣ܢ ܟܬܵܒܹ̈ܐ ܩܲܕܝܼܫܹ̈ܐ، ܕܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܐܹܪܲܡܝܵܐ ܢܒ݂ܝܼܵܐ، ܡܸܢܝܵܢܵܐ ܕܫܸܢܹ̈ܐ ܕܐܘܿܪܸܫܠܸܡ ܒܸܬ ܦܵܝܫܵܐ ܚܵܪܵܒܵܐ، ܫܲܒ݂ܥܝܼ ܫܸܢܹ̈ܐ. 3ܘܡܘܼܪܸܡ ܠܝܼ ܦܵܬܝܼ ܠܡܵܪܝܵܐ ܐܲܠܵܗܵܐ، ܠܸܒܥܵܝܵܐ ܒܨܠܘܿܬܵܐ ܘܒܢܵܘܢܵܝܵܬܹ̈ܐ، ܒܨܵܘܡܵܐ، ܘܒܣܲܩܵܐ، ܘܒܩܸܛܡܵܐ. 4ܘܨܘܼܠܹܐ ܠܝܼ ܠܡܵܪܝܵܐ ܐܲܠܵܗܝܼ، ܘܡܘܼܕܹܐ ܠܝܼ، ܘܐ݇ܡܝܼܪܝܼ، ”ܝܵܐ ܡܵܪܝܵܐ، ܐܲܠܵܗܵܐ ܓܘܼܪܵܐ ܘܣܲܗܡܵܢܵܐ، ܢܵܛܪܵܢܵܐ ܕܩܵܘܠܵܐ ܘܫܵܦܵܩܲܬ ܠܡܲܚܸܒܵܢܘܼ̈ܗܝ ܘܠܢܵܛܪ̈ܵܢܹܐ ܕܦܘܼܩܕܵܢܘܼ̈ܗܝ، 5ܚܛܹܐ ܠܲܢ، ܘܥܒ݂ܝܼܕ ܠܲܢ ܥܵܘܠܵܐ، ܘܥܒ݂ܝܼܕ ܠܲܢ ܪܲܫܝܼܥܘܼܬܵܐ، ܘܗܘܹܐ ܠܲܢ ܡܵܪ̈ܘܿܕܹܐ، ܒܸܩܠܵܒܵܐ ܡ̣ܢ ܦܘܼܩܕܵܢܘܼ̈ܟ݂ ܘܡ̣ܢ ܕܝܼܘܵܢܘܼ̈ܟ݂، 6ܘܠܵܐ ܫܡܝܼܥ ܠܲܢ ܠܪܹ̈ܓܵܘܵܬܘܼܟ݂ ܢܒ݂ܝܼܹ̈ܐ، ܕܗܘܼܡܙܸܡ ܠܗܘܿܢ ܒܫܸܡܘܼܟ݂ ܥܲܡ ܡܲܠܟܲܢ̈، ܘܓܘܼܪ̈ܵܢܲܢ، ܘܐܲܒ݂ܵܗܵܬܲܢ̈، ܘܥܲܡ ܟܠܹܗ ܥܲܡܵܐ ܕܐܲܪܥܵܐ. 7ܐܸܠܘܼܟ݂ ܝܼܠܵܗ̇، ܝܵܐ ܡܵܪܝܵܐ، ܙܲܕܝܼܩܘܼܬܵܐ، ܘܐܸܠܲܢ ܢܟ݂ܝܼܦܬܵܐ ܕܦܵܬܵܐ، ܐܲܝܟ݂ ܕܐܸܕܝܘܿܡ–ܠܐ݇ܢܵܫܹ̈ܐ ܕܝܼܗܘܼܕܵܐ، ܘܠܥܵܡܪ̈ܵܢܹܐ ܕܐܘܿܪܸܫܠܸܡ، ܘܠܟܠܹܗ ܝܼܣܪܵܝܹܠ، ܕܩܘܼܪܒܵܐ ܘܪܸܚܩܵܐ، ܒܟܠܲܝܗܝ ܐܲܪ̈ܥܵܬܹܐ ܕܪܘܼܦܝܲܝ ܠܘܼܟ݂ ܬܵܡܵܐ، ܒܘܼܬ ܚܵܝܝܼܢܘܼܬܲܝܗܝ ܕܥܒ݂ܝܼܕ ܠܗܘܿܢ ܥܲܠܘܼܟ݂. 8ܝܵܐ ܡܵܪܝܵܐ، ܐܸܠܲܢ ܝܼܠܵܗ̇ ܢܟ݂ܝܼܦܬܵܐ ܕܦܵܬܵܐ، ܠܡܲܠܟܲܢ̈، ܘܠܓܘܼܪ̈ܵܢܲܢ، ܘܠܐܲܒ݂ܵܗܵܬܲܢ̈، ܣܵܒܵܒ ܚܛܹܐ ܠܲܢ ܥܲܠܘܼܟ݂. 9ܠܡܵܪܝܵܐ ܐܲܠܵܗܲܢ ܝܼܢܵܐ ܪ̈ܲܚܡܹܐ ܘܦܘܼܚܵܠܹ̈ܐ، ܣܵܒܵܒ ܥܒ݂ܝܼܕ ܠܲܢ ܡܵܪܘܿܕܘܼܬܵܐ ܥܲܠܘܼܗܝ. 10ܘܠܵܐ ܫܡܝܼܥ ܠܲܢ ܒܩܵܠܵܐ ܕܡܵܪܝܵܐ ܐܲܠܵܗܲܢ، ܠܸܚܕܵܪܵܐ ܒܢܵܡܘܿܣܹܗ ܕܡܘܼܬܸܒ݂ ܠܹܗ ܩܵܕ݇ܡܲܢ ܒܝܲܕ ܪܹ̈ܓܵܘܵܬܹܗ ܢܒ݂ܝܼܹ̈ܐ. 11ܘܟܠܹܗ ܝܼܣܪܵܝܹܠ ܫܡܝܼܛ ܠܗܘܿܢ ܠܢܵܡܘܿܣܘܼܟ݂، ܘܩܠܝܼܒ ܠܗܘܿܢ ܟܲܕ ܠܵܐ ܫܡܝܼܥ ܠܗܘܿܢ ܒܩܵܠܘܼܟ݂. ܘܦܝܼܫ ܠܵܗ̇ ܫܘܼܦܸܟ݂ܬܵܐ ܥܲܠܲܢ ܠܵܘܛܬܵܐ ܘܡܵܘܡܵܬܵܐ ܕܟܬܝܼܒ݂ܬܵܐ ܝܠܵܗ̇ ܒܢܵܡܘܿܣܵܐ ܕܡܘܼܫܹܐ ܪܹܓܵܐ ܕܐܲܠܵܗܵܐ، ܣܵܒܵܒ ܚܛܹܐ ܠܲܢ ܥܲܠܘܼܗܝ. 12ܘܡܘܼܩܸܡ ܠܹܗ ܚܲܒܪ̈ܵܢܘܼܗܝ ܕܗܘܼܡܙܸܡ ܠܹܗ ܥܲܠܲܢ ܘܥܲܠ ܕܲܝܵܢܲܢ̈ ܕܕܝܼܢܲܚ ܠܗܘܿܢ، ܠܡܲܝܬܘܼܝܹܐ ܥܲܠܲܢ ܓܘܼܢܚܵܐ ܓܘܼܪܵܐ ܕܠܵܐ ܦܝܼܫ ܠܹܗ ܥܒ݂ܝܼܕܵܐ ܬܚܘܿܬ ܟܠܵܗ̇ ܫܡܲܝܵܐ ܕܵܐܟ݂ܝܼ ܕܦܝܼܫ ܠܹܗ ܥܒ݂ܝܼܕܵܐ ܓܵܘ ܐܘܿܪܸܫܠܸܡ. 13ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ ܒܢܵܡܘܿܣܵܐ ܕܡܘܼܫܹܐ، ܗܲܕܟ݂ܵܐ ܟܠܹܗ ܐܵܗܵܐ ܓܘܼܢܚܵܐ ܐ݇ܬܹܐ ܠܹܗ ܥܲܠܲܢ، ܘܗܹܫ ܠܵܐ ܦܘܼܪܦܸܠ ܠܲܢ ܩܵܕ݇ܡ ܡܵܪܝܵܐ ܐܲܠܵܗܲܢ، ܠܸܕܝܵܪܵܐ ܡ̣ܢ ܥܵܘܠܲܢ̈، ܘܠܦܲܪܡܘܼܝܹܐ ܫܲܪܝܼܪܘܼܬܘܼܟ݂ 14ܚܘܼܡܝܹܗ ܝܗ݇ܘܵܐ ܡܵܪܝܵܐ ܓܘܼܢܚܵܐ ܘܡܘܼܐܬܹܐ ܠܹܗ ܥܲܠܲܢ، ܣܵܒܵܒ ܙܲܕܝܼܩܵܐ ܝܠܹܗ ܡܵܪܝܵܐ ܐܲܠܵܗܲܢ، ܒܘܼܬ ܟܠܲܝܗܝ ܦܘܼܠܚܵܢܘܼ̈ܗܝ ܕܥܒ݂ܝܼܕ ܠܹܗ، ܘܐܲܚܢܲܢ ܠܵܐ ܫܡܝܼܥ ܠܲܢ ܒܩܵܠܹܗ.
15ܘܐܵܕܝܼܵܐ، ܝܵܐ ܡܵܪܝܵܐ ܐܲܠܵܗܲܢ، ܕܦܘܼܠܸܛ ܠܘܼܟ݂ ܠܥܲܡܘܼܟ݂ ܡ̣ܢ ܐܲܪܥܵܐ ܕܡܸܨܪܹܝܢ ܒܐܝܼܕܵܐ ܙܲܪܒܵܢܬܵܐ، ܘܥܒ݂ܝܼܕ ܠܘܼܟ݂ ܐܸܠܘܼܟ݂ ܫܸܡܵܐ ܐܲܝܟ݂ ܕܐܸܕܝܘܿܡ–ܚܛܹܐ ܠܲܢ ܘܥܒ݂ܝܼܕ ܠܲܢ ܒܝܼܫܘܼܬܵܐ. 16ܝܵܐ ܡܵܪܝܵܐ، ܐܲܝܟ݂ ܟܠܵܗ̇ ܙܲܕܝܼܩܘܼܬܘܼܟ݂، ܦܲܪܦܘܼܠܹܐ ܝܘܸܢ، ܕܵܝܪܵܐ ܟܲܪܒܘܼܟ݂ ܘܚܸܡܬܘܼܟ݂ ܡ̣ܢ ܐܘܿܪܸܫܠܸܡ ܡܕܝܼܢ݇ܬܘܼܟ݂، ܕܝܼܠܵܗ̇ ܛܘܼܪܵܐ ܕܩܘܼܕܫܘܼܟ݂، ܣܵܒܵܒ ܒܘܼܬ ܚܛܝܼܵܬܲܢ̈ ܘܒܘܼܬ ܥܵܘܠܹ̈ܐ ܕܒܵܒܵܘܵܬܲܢ̈ ܐܘܿܪܸܫܠܸܡ ܘܥܲܡܘܼܟ݂ ܗܘܹܐ ܠܗܘܿܢ ܠܠܵܘܡܵܐ ܠܟܠܲܝܗܝ ܚܵܕܸܪ̈ܘܵܢܲܢ. 17ܘܐܵܕܝܼܵܐ ܫܡܸܥ، ܝܵܐ ܐܲܠܵܗܲܢ، ܠܨܠܘܿܬܵܐ ܕܪܹܓܘܼܟ݂ ܘܠܢܵܘܢܵܝܵܬܹ̈ܗ، ܘܒܲܗܪܸܢ ܦܵܬܘܼܟ݂ ܥܲܠ ܡܲܩܕܫܘܼܟ݂ ܕܝܼܠܹܗ ܚܵܪܵܒܵܐ، ܒܘܼܬ ܚܵܬܸܪ ܕܫܸܡܘܼܟ݂، ܝܵܐ ܡܵܪܝܵܐ. 18ܗܲܒ݂݇ܠ، ܝܵܐ ܐܲܠܵܗܝܼ، ܢܵܬܘܼܟ݂ ܘܫܡܸܥ، ܦܬܘܿܚ ܥܲܝܢܘܼ̈ܟ݂ ܘܚܙܝܼ ܘܲܝܪ̈ܵܢܲܢ، ܘܡܕܝܼܢ݇ܬܵܐ ܕܦܝܼܫ ܠܹܗ ܩܸܪܝܵܐ ܫܸܡܘܼܟ݂ ܥܲܠܘܼܗ̇، ܣܵܒܵܒ ܠܵܐ ܒܘܼܬ ܙܲܕܝܼܩܘܼܝܵܬܲܢ̈ ܐܲܚܢܲܢ ܒܸܕܪܵܝܵܐ ܝܘܲܚ ܢܵܘܢܵܝܵܬܲܢ̈ ܩܵܕ݇ܡܘܼܟ݂، ܐܝܼܢܵܐ ܒܘܼܬ ܪ̈ܲܚܡܘܼܟ݂ ܪܵܒܵܐ. 19ܝܵܐ ܡܵܪܝܵܐ، ܫܡܸܥ؛ ܝܵܐ ܡܵܪܝܵܐ، ܫܒ݂ܘܿܩ؛ ܝܵܐ ܡܵܪܝܵܐ، ܡܲܨܝܸܬ ܘܥܒ݂ܘܿܕ؛ ܠܵܐ ܥܲܪܩܸܠܸܬ، ܒܘܼܬ ܚܵܬܸܪ ܕܫܸܡܘܼܟ݂، ܝܵܐ ܐܲܠܵܗܝܼ؛ ܣܵܒܵܒ ܫܸܡܘܼܟ݂ ܦܝܼܫ ܠܹܗ ܩܸܪܝܵܐ ܥܲܠ ܡܕܝܼܢ݇ܬܘܼܟ݂ ܘܥܲܠ ܥܲܡܘܼܟ݂.“
ܫܲܒ݂ܥܝܼ ܫܵܒ݂ܘܿܥܹ̈ܐ
20ܘܗܹܫ ܐܵܢܵܐ ܗܲܡܙܘܼܡܹܐ، ܘܦܲܪܦܘܼܠܹܐ، ܘܡܵܘܕܘܼܝܹܐ ܚܛܝܼܬܝܼ، ܘܚܛܝܼܬܵܐ ܕܥܲܡܝܼ ܝܼܣܪܵܝܹܠ، ܘܒܸܕܪܵܝܵܐ ܢܵܘܢܵܝܬܝܼ ܩܵܕ݇ܡ ܡܵܪܝܵܐ ܐܲܠܵܗܝܼ ܒܘܼܬ ܛܘܼܪܵܐ ܩܲܕܝܼܫܵܐ ܕܐܲܠܵܗܝܼ، 21ܘܗܹܫ ܐܵܢܵܐ ܗܲܡܙܘܼܡܹܐ ܒܨܠܘܿܬܵܐ، ܐ݇ܢܵܫܵܐ ܓܲܒ݂ܪܝܼܹܠ ܕܚܙܹܐ ܠܝܼ ܒܚܸܙܘܵܐ ܒܩܵܕ݇ܡܵܝܬܵܐ ܦܪܵܚܵܐ ܦܪܝܼܚ ܠܹܗ ܘܡܛܹܐ ܠܹܗ ܠܟܸܣ ܠܝܼ ܐܲܝܟ݂ ܥܕܵܢܵܐ ܕܩܘܼܪܒܵܢܵܐ ܕܪܲܡܫܵܐ. 22ܘܡܘܼܦܪܸܡ ܠܹܗ ܐܸܠܝܼ ܘܗܘܼܡܙܸܡ ܠܹܗ ܥܲܡܝܼ، ܘܐ݇ܡܝܼܪܹܗ، ”ܝܵܐ ܕܵܢܝܼܐܹܝܠ، ܐܵܕܝܼܵܐ ܦܠܝܼܛ ܠܝܼ ܕܡܲܦܪܸܡܸܢܘܼܟ݂. 23ܒܫܲܪܵܝܬܵܐ ܕܢܵܘܢܵܝܵܬܘܼ̈ܟ݂ ܦܠܝܼܛ ܠܹܗ ܚܲܒܪܵܐ، ܘܐܵܢܵܐ ܐ݇ܬܹܐ ܠܝܼ ܠܡܲܕܘܼܥܘܼܟ݂، ܣܵܒܵܒ ܡܘܼܚܸܒܵܐ ܝܘܸܬ ܐܲܢ݇ܬ. ܒܘܼܬ ܐܵܗܵܐ، ܦܲܪܡܝܼ ܠܚܲܒܪܵܐ ܘܬܲܚܡܸܢ ܥܲܠ ܚܸܙܘܵܐ:
24ܫܲܒ݂ܥܝܼ ܫܵܒ݂ܘܿܥܹ̈ܐ ܦܝܼܫ ܠܗܘܿܢ ܪܫܝܼܡܹܐ ܥܲܠ ܥܲܡܘܼܟ݂ ܘܥܲܠ ܡܕܝܼܢ݇ܬܵܐ ܕܩܘܼܕܫܘܼܟ݂، ܠܬܲܡܘܼܡܹܐ ܓܢܵܗܵܐ، ܘܠܸܚܬܵܡܵܐ ܚܛܝܼܵܬܹ̈ܐ، ܘܠܦܲܚܘܼܠܹܐ ܥܵܘܠܵܐ، ܘܠܡܲܝܬܘܼܝܹܐ ܙܲܕܝܼܩܘܼܬܵܐ ܕܥܵܠܡܝܼܢ، ܘܠܸܚܬܵܡܵܐ ܚܸܙܘܵܐ ܕܢܒ݂ܝܼܵܐ، ܘܠܸܡܫܵܚܵܐ ܩܕܘܿܫ ܩܘܼܕܫܹ̈ܐ.
25ܘܝܵܕܥܹܬ ܘܦܲܪܡܹܝܬ ܡ̣ܢ ܦܠܵܛܵܐ ܕܚܲܒܪܵܐ ܠܚܲܕܘܼܬܹܐ ܘܠܸܒܢܵܝܵܐ ܠܐܘܿܪܸܫܠܸܡ ܗܲܠ ܡܫܝܼܚܵܐ، ܬܲܓܒܸܪܵܢܵܐ، ܒܸܬ ܗܵܘܝܼ ܫܲܒ݂ܥܵܐ ܫܵܒ݂ܘܿܥܹ̈ܐ ܘܐܸܫܬܝܼ ܘܬܪܹܝ ܫܵܒ݂ܘܿܥܹ̈ܐ، ܒܸܬ ܦܵܝܫܝܼ ܚܘܼܕܸܬܹܐ ܘܒܸܢܝܹܐ ܥܵܠܘܿܠܵܐ ܘܚܲܢܕܵܩ، ܐܝܼܢܵܐ ܒܙܲܒ݂ܢܹ̈ܐ ܕܐܘܼܠܨܵܢܵܐ. 26ܘܒܵܬ݇ܪ ܐܸܫܬܝܼ ܘܬܪܹܝ ܫܵܒ݂ܘܿܥܹ̈ܐ، ܒܸܬ ܦܵܐܹܫ ܩܛܝܼܥܵܐ ܡܫܝܼܚܵܐ، ܘܠܲܝܬ ܩܵܐ ܕܝܼܹܗ ܡܸܢܕܝܼ. ܘܠܡܕܝܼܢ݇ܬܵܐ ܘܠܩܘܼܕܫܵܐ ܒܸܬ ܡܲܚܪܸܒ݂ ܥܲܡܵܐ ܕܬܲܓܒܸܪܵܢܵܐ ܕܐܵܬܹܐ. ܘܚܲܪܬܹܗ ܒܫܦܵܟ݂ܬܵܐ، ܘܗܲܠ ܚܲܪܬܵܐ ܒܸܬ ܗܵܘܹܐ ܦܠܵܫܵܐ، ܦܝܼܫ ܠܵܗ̇ ܩܛܝܼܥܬܵܐ ܕܒܸܬ ܗܵܘܝܼ ܘܲܝܪ̈ܵܢܹܐ. 27ܘܒܸܬ ܥܵܒܹܕ ܘܲܥܕܵܐ ܥܲܫܝܼܢܵܐ ܠܪܵܒܵܐ ܚܲܕ ܫܵܒ݂ܘܿܥܵܐ، ܘܦܲܠܓܵܐ ܕܫܵܒ݂ܘܿܥܵܐ ܒܸܬ ܡܲܫܠܹܐ ܕܸܒ݂ܚܵܐ ܘܩܘܼܪܒܵܢܵܐ،#ܕܢܝܐܝܠ 11:31؛ ܡܬܝ 24:15؛ ܡܪܩܘܣ 13:14 ܘܥܲܠ ܓܘܼܠܦܵܐ ܕܛܲܢܦܘܼܝܵܬܹ̈ܐ ܒܸܬ ܐܵܬܹܐ ܡܲܚܪܸܒ݂ܵܢܵܐ، ܘܗܲܠ ܬܝܵܡܬܵܐ، ܘܗ̇ܝ ܩܛܝܼܥܬܵܐ ܒܸܬ ܦܵܝܫܵܐ ܫܘܼܦܸܟ݂ܬܵܐ ܥܲܠ ܡܲܚܪܸܒ݂ܵܢܵܐ.“
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation