ܕܢܝܐܝܠ 4
4
ܢܒ݂ܘܼܟܲܕܢܵܨܲܪ ܒܸܚܙܵܝܵܐ ܚܸܠܡܵܐ ܕܐܝܼܠܵܢܵܐ
1ܢܒ݂ܘܼܟܲܕܢܵܨܲܪ ܡܲܠܟܵܐ ܠܟܠܲܝܗܝ ܥܲܡܡܹ̈ܐ، ܐܸܡܘܵܬܹ̈ܐ، ܘܠܸܫܵܢܹ̈ܐ، ܕܟܹܐ ܥܵܡܪܝܼ ܒܟܠܵܗ̇ ܐܲܪܥܵܐ: ܫܠܵܡܵܘܟ݂ܘܿܢ ܙܵܐܹܕ. 2ܢܝܼܫܲܢܩܹ̈ܐ ܘܥܵܓ̰ܸܒܘܵܬܹ̈ܐ ܕܥܒ݂ܝܼܕ ܠܹܗ ܥܲܡܝܼ ܐܲܠܵܗܵܐ ܥܸܠܵܝܵܐ، ܫܦܝܼܪܵܗ̇ ܩܵܕ݇ܡܝܼ ܠܡܲܕܘܼܥܹܐ.
3ܢܝܼܫܲܢܩܘܼ̈ܗܝ ܟܡܵܐ ܓܘܼܪܹ̈ܐ،
ܘܥܵܓ̰ܸܒܘܵܬܹ̈ܗ ܟܡܵܐ ܥܲܫܝܼܢܹ̈ܐ،
ܡܲܠܟܘܼܬܹܗ ܡܲܠܟܘܼܬܵܐ ܕܥܵܠܲܡ،
ܘܫܘܼܠܛܵܢܹܗ ܡ̣ܢ ܕܵܘܪܵܐ ܠܕܵܘܪܵܐ.
4ܐܵܢܵܐ ܢܒ݂ܘܼܟܲܕܢܵܨܲܪ ܗܘܹܐ ܠܝܼ ܫܸܠܝܵܐ ܓܵܘ ܒܲܝܬܝܼ، ܘܒܸܦܩܵܚܵܐ ܓܵܘ ܩܲܨܪܝܼ. 5ܚܸܠܡܵܐ ܚܙܹܐ ܠܝܼ، ܘܡܘܼܙܕܸܥܸܢܹܗ، ܘܚܘܼܫܵܒ݂ܝܼ̈ ܟܲܕ ܥܲܠ ܫܘܝܼܬܝܼ ܘܚܸܙܘܹ̈ܐ ܕܪܹ̈ܫܝܼ ܚܒ݂ܝܼܛܸܢܗܘܿܢ. 6ܘܐܵܢܵܐ ܦܩܝܼܕ ܠܝܼ ܠܡܲܥܒ݂ܘܼܪܹܐ ܩܵܕ݇ܡܝܼ ܠܟܠܲܝܗܝ ܚܲܟܝܼܡܹ̈ܐ ܕܒܵܒܹܠ، ܕܦܘܼܫܵܩܵܐ ܕܚܸܠܡܵܐ ܡܲܕܥܝܼ ܠܝܼ. 7ܗ̇ܝܓܵܗ ܥܒ݂ܝܼܪܗܘܿܢ ܚܲܪ̈ܵܫܹܐ، ܘܐܵܫܘܿܦܹ̈ܐ، ܘܟܲܠܕܵܝܹ̈ܐ، ܘܩܵܨܘܿܡܹ̈ܐ، ܘܚܸܠܡܵܐ ܐ݇ܡܝܼܪܝܼ ܐܵܢܵܐ ܩܵܕ݇ܡܲܝܗܝ، ܐܝܼܢܵܐ ܦܘܼܫܵܩܹܗ ܠܵܐ ܡܨܹܐ ܠܗܘܿܢ ܕܡܲܕܥܝܼ ܐܸܠܝܼ. 8ܗܲܠ ܒܚܲܪܬܵܐ ܥܒ݂ܝܼܪܹܗ ܩܵܕ݇ܡܝܼ ܕܵܢܝܼܐܹܝܠ، ܕܫܸܡܹܗ ܒܸܠܛܫܵܨܲܪ ܝܼܠܹܗ، ܐܲܝܟ݂ ܫܸܡܵܐ ܕܐܲܠܵܗܝܼ، ܘܕܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܒܝܼܹܗ ܝܠܵܗ̇، ܘܚܸܠܡܵܐ ܩܵܕ݇ܡܘܼܗܝ ܐ݇ܡܝܼܪܝܼ، 9”ܝܵܐ ܒܸܠܛܫܵܨܲܪ، ܓܘܼܪܵܐ ܕܚܲܪ̈ܵܫܹܐ، ܣܵܒܵܒ ܐܵܢܵܐ ܟܹܐ ܝܵܕܥܹܢ ܕܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܐܝܼܬ ܒܝܼܘܼܟ݂، ܘܟܠ ܐ݇ܪܵܙܵܐ ܠܹܐ ܦܵܐܹܫ ܟܘܼܣܝܵܐ ܡܸܢܘܼܟ݂، ܚܸܙܘܹ̈ܐ ܕܚܸܠܡܝܼ ܕܚܙܹܐ ܠܝܼ، ܦܘܼܫܵܩܹܗ ܐ݇ܡܘܿܪ. 10ܚܸܙܘܹ̈ܐ ܕܪܹܫܝܼ ܟܲܕ ܥܲܠ ܫܘܝܼܬܝܼ: ܒܸܚܙܵܝܵܐ ܝܘܸܢ ܗ݇ܘܵܐ، ܘܗܵܐ، ܐܝܼܠܵܢܵܐ ܒܓܵܘܵܐ ܕܐܲܪܥܵܐ، ܘܪܵܡܘܼܬܹܗ ܪܵܒܵܐ. 11ܓܘܼܪܘܸܣ ܠܹܗ ܐܝܼܠܵܢܵܐ ܘܙܘܼܪܒܸܢܹܗ، ܘܪܵܡܘܼܬܹܗ ܡܛܹܐ ܠܵܗ̇ ܠܫܡܲܝܵܐ، ܘܡܸܬܚܲܙܝܵܢܵܐ ܝܗ݇ܘܵܐ ܒܡܲܪܙܵܐ ܕܟܠܵܗ̇ ܐܲܪܥܵܐ. 12ܛܲܪ̈ܦܘܼܗܝ ܫܲܦܝܼܪܹ̈ܐ، ܘܛܥܘܼܢܬܹܗ ܪܵܒܵܐ، ܘܡܹܐܟ݂ܘܼܠܬܵܐ ܩܵܐ ܟܠܲܝܗܝ ܐܝܼܬ ܒܝܼܹܗ، ܬܚܘܿܬܹܗ ܝ݇ܬܝܼܒ݂ ܠܵܗ̇ ܒܛܸܠܵܢܝܼܬܵܐ ܗܲܝܘܵܢ ܕܒܲܪܝܼܵܐ، ܘܒܦܲܥܘܵܢܘܼ̈ܗܝ ܫܪܹܐ ܠܗܘܿܢ ܛܲܝܪܹ̈ܐ ܕܫܡܲܝܵܐ، ܘܡܸܢܹܗ ܦܝܼܫ ܠܵܗ̇ ܬܘܼܪܣܝܼܬܵܐ ܟܠ ܓܵܢܵܐ.
13ܒܸܚܙܵܝܵܐ ܝܘܸܢ ܗ݇ܘܵܐ ܒܚܸܙܘܹ̈ܐ ܕܪܹܫܝܼ ܟܲܕ ܥܲܠ ܫܘܝܼܬܝܼ، ܘܗܵܐ، ܥܝܼܪܵܐ ܩܲܕܝܼܫܵܐ ܡ̣ܢ ܫܡܲܝܵܐ ܒܸܨܠܵܝܵܐ. 14ܩܪܹܐ ܠܹܗ ܒܩܵܠܵܐ ܪܵܡܵܐ ܘܗܲܕܟ݂ܵܐ ܐ݇ܡܝܼܪܹܗ، ’ܩܛܸܥܡܘܼܢ ܠܐܝܼܠܵܢܵܐ، ܘܦܪܘܿܡܘܼܢ ܦܲܥܘܵܢܘܼ̈ܗܝ، ܡܲܢܬܸܪܘܼܢ ܛܲܪ̈ܦܘܼܗܝ، ܘܒܲܪܒܸܙܘܼܢ ܛܥܘܼܢܬܹܗ، ܥܵܪܩܵܐ ܗܲܝܘܵܢ ܡ̣ܢ ܬܚܘܿܬܹܗ، ܘܛܲܝܪܹ̈ܐ ܡ̣ܢ ܦܲܥܘܵܢܘܼ̈ܗܝ. 15ܐܝܼܢܵܐ ܥܸܩܪܵܐ ܥܲܡ ܘܲܪ̈ܝܼܕܘܼܗܝ ܒܐܲܪܥܵܐ ܫܒ݂ܘܿܩܘܼܢ، ܒܐܸܣܘܼܪܵܐ ܕܦܪܸܙܠܵܐ ܘܢܚܵܫܵܐ ܗܵܘܹܐ ܐ݇ܣܝܼܪܵܐ ܒܓܸܠܵܐ ܕܕܸܫܬܵܐ. ܒܛܠܘܼܠܵܐ ܕܫܡܲܝܵܐ ܦܵܐܹܫ ܡܘܼܬܪܝܼܵܐ، ܘܥܲܡ ܚܲܝܘܬܵܐ ܗܵܘܹܐ ܣܵܗܡܹܗ ܒܝܸܩܢܵܐ ܕܐܲܪܥܵܐ. 16ܠܸܒܹܗ ܦܵܐܹܫ ܡܘܼܚܠܸܦܵܐ ܡ̣ܢ ܐ݇ܢܵܫܹ̈ܐ، ܘܠܸܒܵܐ ܕܗܲܝܘܵܢ ܦܵܐܹܫ ܝܘܼܗ݇ܒ݂ܵܐ ܐܸܠܹܗ، ܘܫܒܲܥ ܥܕܵܢܹ̈ܐ ܥܵܒ݂ܪܝܼ ܥܲܠܘܼܗܝ. 17ܐܵܗܵܐ ܚܲܒܪܵܐ ܦܩܝܼܕܵܐ ܝܠܹܗ ܒܝܲܕ ܥܝܼܪܹ̈ܐ، ܘܩܛܵܥܬܵܐ ܥܒ݂ܝܼܕܬܵܐ ܒܗܹܡܸܙܡܵܢ ܕܩܲܕܝܼܫܹ̈ܐ، ܩܵܐ ܕܚܵܝܹ̈ܐ ܝܵܕܥܝܼ ܕܫܲܠܝܼܛܵܐ ܝܠܹܗ ܐܲܠܵܗܵܐ ܥܸܠܵܝܵܐ ܥܲܠ ܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܠܹܗ ܟܹܐ ܝܲܗ݇ܒܸܠ ܠܵܗ̇، ܘܠܐ݇ܢܵܫܹ̈ܐ ܟܘܼܦܹ̈ܐ ܟܹܐ ܡܲܩܸܡ ܥܲܠܘܼܗ̇.‘ 18ܐܵܗܵܐ ܚܸܠܡܵܐ ܐܵܢܵܐ ܡܲܠܟܵܐ ܢܒ݂ܘܼܟܲܕܢܵܨܲܪ ܚܙܹܐ ܠܝܼ، ܘܐܲܢ݇ܬ، ܝܵܐ ܒܸܠܛܫܵܨܲܪ، ܦܘܼܫܵܩܵܐ ܐ݇ܡܘܿܪ، ܣܵܒܵܒ ܟܠܲܝܗܝ ܚܲܟܝܼܡܹ̈ܐ ܕܡܲܠܟܘܼܬܝܼ ܠܹܐ ܡܵܨܝܼ ܠܡܲܕܘܼܥܝܼ ܦܘܼܫܵܩܵܐ، ܐܝܼܢܵܐ ܐܲܢ݇ܬ ܡܵܨܹܝܬ، ܣܵܒܵܒ ܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܐܝܼܬ ܒܝܼܘܼܟ݂.“
ܕܵܢܝܼܐܹܝܠ ܦܲܫܘܼܩܹܐ ܚܸܠܡܵܐ ܕܢܒ݂ܘܼܟܲܕܢܵܨܲܪ
19ܗ̇ܝܓܵܗ ܕܵܢܝܼܐܹܝܠ، ܕܫܸܡܹܗ ܒܸܠܛܫܵܨܲܪ ܝܼܠܹܗ، ܦܝܼܫ ܠܹܗ ܬܡܝܼܗܵܐ ܩܵܐ ܚܲܕ ܡܸܬܚܵܐ، ܘܚܝܼܵܠܘܼ̈ܗܝ ܩܲܡ ܚܵܒ݂ܛܝܼ ܠܹܗ. ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܝܵܐ ܒܸܠܛܫܵܨܲܪ، ܚܸܠܡܵܐ ܘܦܘܼܫܵܩܹܗ ܠܵܐ ܚܵܒ݂ܛܝܼ ܠܗܘܿܢ ܚܝܼܵܠܘܼ̈ܟ݂.“ ܓ̰ܘܼܘܸܒ ܠܹܗ ܒܸܠܛܫܵܨܲܪ، ܘܐ݇ܡܝܼܪܹܗ، ”ܝܵܐ ܡܵܪܝܼ، ܚܸܠܡܵܐ ܠܣܵܢܝܵܢܘܼ̈ܟ݂، ܘܦܘܼܫܵܩܹܗ ܠܕܸܫܡܸܢܘܼ̈ܟ݂. 20ܐܝܼܠܵܢܵܐ ܕܚܙܹܐ ܠܘܼܟ݂ ܕܓܘܼܪܘܸܣ ܠܹܗ، ܘܙܘܼܪܒܸܢܹܗ، ܘܪܵܡܘܼܬܹܗ ܡܛܹܐ ܠܵܗ̇ ܠܫܡܲܝܵܐ، ܘܡܸܬܚܲܙܝܵܢܵܐ ܝܗ݇ܘܵܐ ܒܟܠܵܗ̇ ܐܲܪܥܵܐ، 21ܛܲܪ̈ܦܘܼܗܝ ܫܲܦܝܼܪܹ̈ܐ، ܘܛܥܘܼܢܬܹܗ ܪܵܒܵܐ، ܘܡܹܐܟ݂ܘܼܠܬܵܐ ܩܵܐ ܟܠܲܝܗܝ ܐܝܼܬ ܒܝܼܹܗ، ܬܚܘܿܬܹܗ ܟܹܐ ܥܵܡܪܵܐ ܚܲܝܘܬܵܐ ܕܒܲܪܝܼܵܐ، ܘܒܦܲܥܘܵܢܘܼ̈ܗܝ ܟܹܐ ܫܵܪܝܼ ܛܲܝܪܹ̈ܐ ܕܫܡܲܝܵܐ، 22ܐܲܢ݇ܬ ܝܼܘܸܬ، ܝܵܐ ܡܲܠܟܵܐ، ܕܗܘܹܐ ܠܘܼܟ݂ ܓܘܼܪܵܐ ܘܙܘܼܪܒܸܢܘܼܟ݂، ܘܓܘܼܪܘܼܬܘܼܟ݂ ܓܘܼܪܘܸܣ ܠܵܗ̇ ܘܡܛܹܐ ܠܵܗ̇ ܠܫܡܲܝܵܐ، ܘܫܘܼܠܛܵܢܘܼܟ݂ ܠܡܲܪܙܵܐ ܕܐܲܪܥܵܐ. 23ܘܕܚܙܹܐ ܠܹܗ ܡܲܠܟܵܐ ܠܥܝܼܪܵܐ ܩܲܕܝܼܫܵܐ ܒܸܨܠܵܝܵܐ ܡ̣ܢ ܫܡܲܝܵܐ، ܘܒܹܐܡܵܪܵܐ، ’ܩܛܸܥܡܘܼܢ ܠܐܝܼܠܵܢܵܐ ܘܡܲܚܪܸܒ݂ܘܼܢ ܠܹܗ، ܐܝܼܢܵܐ ܥܸܩܪܵܐ ܥܲܡ ܘܲܪ̈ܝܼܕܘܼܗܝ ܒܐܲܪܥܵܐ ܫܒ݂ܘܿܩܘܼܢ، ܘܒܐܸܣܘܼܪܵܐ ܕܦܪܸܙܠܵܐ ܘܢܚܵܫܵܐ ܗܵܘܹܐ ܐ݇ܣܝܼܪܵܐ ܒܓܸܠܵܐ ܕܕܸܫܬܵܐ، ܘܒܛܠܘܼܠܵܐ ܕܫܡܲܝܵܐ ܦܵܐܹܫ ܡܘܼܬܪܝܼܵܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܣܵܗܡܹܗ، ܗܲܠ ܕܫܒܲܥ ܥܕܵܢܹ̈ܐ ܥܵܒ݂ܪܝܼ ܥܲܠܘܼܗܝ،‘ 24ܐܵܗܵܐ ܝܠܹܗ ܦܘܼܫܵܩܵܐ، ܝܵܐ ܡܲܠܟܵܐ، ܘܦܘܼܩܕܵܢܵܐ ܕܥܸܠܵܝܵܐ ܝܠܹܗ ܕܡܛܹܐ ܠܹܗ ܥܲܠ ܡܵܪܝܼ ܡܲܠܟܵܐ: 25ܒܸܬ ܦܵܝܫܹܬ ܛܪܝܼܕܵܐ ܡ̣ܢ ܐ݇ܢܵܫܹ̈ܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܒܸܬ ܗܵܘܹܐ ܡܲܥܡܪܘܼܟ݂، ܘܓܸܠܵܐ ܐܲܝܟ݂ ܬܵܘܪܹ̈ܐ ܐܸܠܘܼܟ݂ ܒܸܬ ܡܲܐܟ݂ܠܝܼ، ܘܡ̣ܢ ܛܠܘܼܠܵܐ ܕܫܡܲܝܵܐ ܐܸܠܘܼܟ݂ ܒܸܬ ܡܲܬܪܝܼ، ܘܫܒܲܥ ܥܕܵܢܹ̈ܐ ܒܸܬ ܥܵܒ݂ܪܝܼ ܥܲܠܘܼܟ݂، ܗܲܠ ܕܝܵܕܥܹܬ ܕܥܸܠܵܝܵܐ ܫܲܠܝܼܛܵܐ ܝܠܹܗ ܒܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܝܠܹܗ ܟܹܐ ܝܲܗ݇ܒܸܠ ܠܵܗ̇. 26ܘܕܐ݇ܡܝܼܪܹܗ ܠܸܫܒ݂ܵܩܵܐ ܥܸܩܪܵܐ ܘܘܲܪ̈ܝܼܕܹܐ ܕܐܝܼܠܵܢܵܐ، ܡܲܠܟܘܼܬܘܼܟ݂ ܐܸܠܘܼܟ݂ ܡܩܵܘܝܵܢܬܵܐ ܒܸܬ ܗܵܘܝܵܐ، ܕܝܵܕܥܹܬ ܕܫܘܼܠܛܵܢܵܐ ܡ̣ܢ ܫܡܲܝܵܐ ܝܠܹܗ. 27ܒܘܼܬ ܐܵܗܵܐ، ܝܵܐ ܡܲܠܟܵܐ، ܫܵܦܹܪ ܐܸܠܘܼܟ݂ ܡܸܠܟܝܼ، ܘܚܛܝܼܵܬܘܼ̈ܟ݂ ܒܙܲܕܝܼܩܘܼܬܵܐ ܦܲܪܸܩ، ܘܥܵܘܠܘܼ̈ܟ݂ ܒܪܵܚܲܡܬܵܐ ܠܡܸܣܟܹܢܹ̈ܐ، ܩܵܘܡܵܐ ܕܦܵܝܫܵܐ ܡܘܼܪܝܸܟ݂ܬܵܐ ܫܸܠܝܘܼܬܘܼܟ݂.“
ܚܸܠܡܵܐ ܦܝܵܫܵܐ ܬܘܼܡܸܡܵܐ
28ܟܠܵܗ̇ ܐܵܗܵܐ ܡܛܹܐ ܠܵܗ̇ ܥܲܠ ܢܒ݂ܘܼܟܲܕܢܵܨܲܪ ܡܲܠܟܵܐ. 29ܡ̣ܢ ܒܵܬ݇ܪ ܬܪܸܥܣܲܪ ܝܲܪ̈ܚܹܐ، ܥܲܠ ܒܹܝܬ ܡܲܠܟܘܼܬܵܐ ܕܒܒܵܒܹܠ ܒܸܚܕܵܪܵܐ ܝܗ݇ܘܵܐ ܢܒ݂ܘܼܟܲܕܢܵܨܲܪ ܡܲܠܟܵܐ. 30ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܠܹܐ ܝܠܵܗ̇ ܐܵܗܵܐ ܒܵܒܹܠ ܓܘܼܪܬܵܐ ܕܐܵܢܵܐ ܒܸܢܝܵܐ ܠܝܼ ܩܵܐ ܒܲܝܬܵܐ ܕܡܲܠܟܘܼܬܝܼ ܒܥܘܼܫܢܵܐ ܕܚܲܝܠܝܼ ܘܠܐܝܼܩܵܪܵܐ ܕܚܸܩܪܝܼ؟“ 31ܗܹܫ ܗܹܡܸܙܡܵܢ ܒܦܘܼܡܵܐ ܕܡܲܠܟܵܐ، ܩܵܠܵܐ ܡ̣ܢ ܫܡܲܝܵܐ ܐ݇ܬܹܐ ܠܹܗ، ”ܐܸܠܘܼܟ݂ ܒܹܐܡܵܪܵܐ ܝܢܵܐ، ܝܵܐ ܢܒ݂ܘܼܟܲܕܢܵܨܲܪ ܡܲܠܟܵܐ: ܡܲܠܟܘܼܬܘܼܟ݂ ܥܒ݂ܝܼܪܵܗ̇ ܡܸܢܘܼܟ݂. 32ܘܡ̣ܢ ܐ݇ܢܵܫܹ̈ܐ ܒܸܬ ܦܵܝܫܹܬ ܛܪܝܼܕܵܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܒܸܬ ܗܵܘܹܐ ܡܲܥܡܪܘܼܟ݂، ܓܸܠܵܐ ܐܲܝܟ݂ ܬܵܘܪܹ̈ܐ ܐܸܠܘܼܟ݂ ܒܸܬ ܡܲܐܟ݂ܠܝܼ، ܘܫܒܲܥ ܥܕܵܢܹ̈ܐ ܒܸܬ ܥܵܒ݂ܪܝܼ ܥܲܠܘܼܟ݂، ܗܲܠ ܕܝܵܕܥܹܬ ܕܥܸܠܵܝܵܐ ܫܲܠܝܼܛܵܐ ܝܠܹܗ ܒܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܝܠܹܗ ܟܹܐ ܝܲܗ݇ܒܸܠ ܠܵܗ̇.“
33ܒܗ̇ܝ ܣܵܥܲܬ ܗܹܡܸܙܡܵܢ ܬܘܼܡܸܡ ܠܵܗ̇ ܥܲܠ ܢܒ݂ܘܼܟܲܕܢܵܨܲܪ، ܘܡ̣ܢ ܐ݇ܢܵܫܹ̈ܐ ܦܝܼܫ ܠܹܗ ܛܪܝܼܕܵܐ، ܘܓܸܠܵܐ ܐܲܝܟ݂ ܬܵܘܪܹ̈ܐ ܐ݇ܟ݂ܝܼܠ ܠܹܗ، ܘܡ̣ܢ ܛܠܘܼܠܵܐ ܕܫܡܲܝܵܐ ܓܘܼܫܡܹܗ ܦܝܼܫ ܠܹܗ ܡܘܼܬܪܝܼܵܐ، ܗܲܠ ܕܣܲܥܪܹܗ ܐܲܝܟ݂ ܕܦܲܪܹ̈ܐ ܕܢܸܫܪܹ̈ܐ ܓܘܼܪܘܸܣ ܠܹܗ، ܘܛܸܦܪ̈ܵܬܹܗ ܐܲܝܟ݂ ܕܛܲܝܪܹ̈ܐ.
ܡܲܕܲܪܬܵܐ ܕܡܲܠܟܵܐ ܢܒ݂ܘܼܟܲܕܢܵܨܲܪ ܡ̣ܢ ܡܲܟܲܦܬܹܗ
34ܘܒܚܲܪܬܵܐ ܕܝܵܘܡܵܢܹ̈ܐ، ܐܵܢܵܐ ܢܒ݂ܘܼܟܲܕܢܵܨܲܪ ܡܘܼܪܸܡ ܠܝܼ ܥܲܝܢܝܼ̈ ܠܫܡܲܝܵܐ، ܘܗܵܘܢܝܼ ܥܲܠܝܼ ܕܝܼܪܹܗ، ܘܠܥܸܠܵܝܵܐ ܒܘܼܪܸܟ݂ ܠܝܼ، ܘܠܚܵܝܵܐ ܕܥܵܠܡܹ̈ܐ ܫܘܼܒܸܚ ܠܝܼ ܘܚܩܝܼܪܝܼ،
ܣܵܒܵܒ ܫܘܼܠܛܵܢܹܗ ܫܘܼܠܛܵܢܵܐ ܕܥܵܠܲܡ ܝܼܠܹܗ،
ܘܡܲܠܟܘܼܬܹܗ ܡ̣ܢ ܕܵܘܪܵܐ ܠܕܵܘܪܵܐ.
35ܘܟܠܲܝܗܝ ܥܵܡܪ̈ܵܢܹܐ ܕܐܲܪܥܵܐ ܐܲܝܟ݂ ܠܵܐ ܡܸܢܕܝܼ ܚܫܝܼܒܹܐ ܝܢܵܐ ܩܵܕ݇ܡ ܕܝܼܹܗ،
ܘܐܲܝܟ݂ ܕܒܵܣܡܵܐ ܝܠܹܗ ܟܹܐ ܥܵܒܹܕ ܒܚܲܝܠܵܘܵܬܹ̈ܐ ܕܫܡܲܝܵܐ ܘܒܥܵܡܪ̈ܵܢܹܐ ܕܐܲܪܥܵܐ،
ܘܠܲܝܬ ܕܡܵܚܹܐ ܠܐܝܼܕܹܗ، ܘܐܵܡܹܪ ܐܸܠܹܗ، ܡܘܿܕܝܼ ܒܸܥܒ݂ܵܕܵܐ ܝܘܸܬ؟
36ܒܗ̇ܘ ܙܲܒ݂ܢܵܐ ܗܵܘܢܝܼ ܕܝܼܪܹܗ ܥܲܠܝܼ. ܘܠܐܝܼܩܵܪܵܐ ܕܡܲܠܟܘܼܬܝܼ، ܚܸܩܪܝܼ ܘܫܲܦ̮ܩܝܼ ܕܝܼܪܗܘܿܢ ܥܲܠܝܼ، ܘܐܸܠܝܼ ܡܵܠܘܿܟ݂ܝܼ̈ ܘܓܘܼܪ̈ܵܢܝܼ ܛܥܹܐ ܠܗܘܿܢ، ܘܥܲܠ ܡܲܠܟܘܼܬܝܼ ܦܝܼܫ ܠܝܼ ܡܘܼܩܘܝܼܵܐ، ܘܓܘܼܪܘܼܬܵܐ ܙܵܘܕܵܐ ܦܝܼܫ ܠܵܗ̇ ܡܘܼܙܝܸܕܬܵܐ ܐܸܠܝܼ. 37ܐܵܕܝܼܵܐ ܐܵܢܵܐ ܢܒ݂ܘܼܟܲܕܢܵܨܲܪ ܫܲܒܘܼܚܹܐ ܝܘܸܢ ܘܡܲܪܘܼܡܹܐ ܝܘܸܢ ܘܒܸܚܩܵܪܵܐ ܝܘܸܢ ܠܡܲܠܟܵܐ ܕܫܡܲܝܵܐ، ܕܟܠܲܝܗܝ ܦܘܼܠܚܵܢܘܼ̈ܗܝ ܬܪ̈ܘܼܨܹܐ ܝܢܵܐ، ܘܐܘܼܪ̈ܚܵܬܹܗ ܗܵܩܘܼܬܵܐ، ܘܠܐܵܢܝܼ ܕܚܵܕܪܝܼ ܒܪܵܡܘܼܬܵܐ ܟܹܐ ܡܵܨܹܐ ܕܡܲܟܸܦ.
လက္ရွိေရြးခ်ယ္ထားမွု
ܕܢܝܐܝܠ 4: ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 4
4
ܢܒ݂ܘܼܟܲܕܢܵܨܲܪ ܒܸܚܙܵܝܵܐ ܚܸܠܡܵܐ ܕܐܝܼܠܵܢܵܐ
1ܢܒ݂ܘܼܟܲܕܢܵܨܲܪ ܡܲܠܟܵܐ ܠܟܠܲܝܗܝ ܥܲܡܡܹ̈ܐ، ܐܸܡܘܵܬܹ̈ܐ، ܘܠܸܫܵܢܹ̈ܐ، ܕܟܹܐ ܥܵܡܪܝܼ ܒܟܠܵܗ̇ ܐܲܪܥܵܐ: ܫܠܵܡܵܘܟ݂ܘܿܢ ܙܵܐܹܕ. 2ܢܝܼܫܲܢܩܹ̈ܐ ܘܥܵܓ̰ܸܒܘܵܬܹ̈ܐ ܕܥܒ݂ܝܼܕ ܠܹܗ ܥܲܡܝܼ ܐܲܠܵܗܵܐ ܥܸܠܵܝܵܐ، ܫܦܝܼܪܵܗ̇ ܩܵܕ݇ܡܝܼ ܠܡܲܕܘܼܥܹܐ.
3ܢܝܼܫܲܢܩܘܼ̈ܗܝ ܟܡܵܐ ܓܘܼܪܹ̈ܐ،
ܘܥܵܓ̰ܸܒܘܵܬܹ̈ܗ ܟܡܵܐ ܥܲܫܝܼܢܹ̈ܐ،
ܡܲܠܟܘܼܬܹܗ ܡܲܠܟܘܼܬܵܐ ܕܥܵܠܲܡ،
ܘܫܘܼܠܛܵܢܹܗ ܡ̣ܢ ܕܵܘܪܵܐ ܠܕܵܘܪܵܐ.
4ܐܵܢܵܐ ܢܒ݂ܘܼܟܲܕܢܵܨܲܪ ܗܘܹܐ ܠܝܼ ܫܸܠܝܵܐ ܓܵܘ ܒܲܝܬܝܼ، ܘܒܸܦܩܵܚܵܐ ܓܵܘ ܩܲܨܪܝܼ. 5ܚܸܠܡܵܐ ܚܙܹܐ ܠܝܼ، ܘܡܘܼܙܕܸܥܸܢܹܗ، ܘܚܘܼܫܵܒ݂ܝܼ̈ ܟܲܕ ܥܲܠ ܫܘܝܼܬܝܼ ܘܚܸܙܘܹ̈ܐ ܕܪܹ̈ܫܝܼ ܚܒ݂ܝܼܛܸܢܗܘܿܢ. 6ܘܐܵܢܵܐ ܦܩܝܼܕ ܠܝܼ ܠܡܲܥܒ݂ܘܼܪܹܐ ܩܵܕ݇ܡܝܼ ܠܟܠܲܝܗܝ ܚܲܟܝܼܡܹ̈ܐ ܕܒܵܒܹܠ، ܕܦܘܼܫܵܩܵܐ ܕܚܸܠܡܵܐ ܡܲܕܥܝܼ ܠܝܼ. 7ܗ̇ܝܓܵܗ ܥܒ݂ܝܼܪܗܘܿܢ ܚܲܪ̈ܵܫܹܐ، ܘܐܵܫܘܿܦܹ̈ܐ، ܘܟܲܠܕܵܝܹ̈ܐ، ܘܩܵܨܘܿܡܹ̈ܐ، ܘܚܸܠܡܵܐ ܐ݇ܡܝܼܪܝܼ ܐܵܢܵܐ ܩܵܕ݇ܡܲܝܗܝ، ܐܝܼܢܵܐ ܦܘܼܫܵܩܹܗ ܠܵܐ ܡܨܹܐ ܠܗܘܿܢ ܕܡܲܕܥܝܼ ܐܸܠܝܼ. 8ܗܲܠ ܒܚܲܪܬܵܐ ܥܒ݂ܝܼܪܹܗ ܩܵܕ݇ܡܝܼ ܕܵܢܝܼܐܹܝܠ، ܕܫܸܡܹܗ ܒܸܠܛܫܵܨܲܪ ܝܼܠܹܗ، ܐܲܝܟ݂ ܫܸܡܵܐ ܕܐܲܠܵܗܝܼ، ܘܕܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܒܝܼܹܗ ܝܠܵܗ̇، ܘܚܸܠܡܵܐ ܩܵܕ݇ܡܘܼܗܝ ܐ݇ܡܝܼܪܝܼ، 9”ܝܵܐ ܒܸܠܛܫܵܨܲܪ، ܓܘܼܪܵܐ ܕܚܲܪ̈ܵܫܹܐ، ܣܵܒܵܒ ܐܵܢܵܐ ܟܹܐ ܝܵܕܥܹܢ ܕܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܐܝܼܬ ܒܝܼܘܼܟ݂، ܘܟܠ ܐ݇ܪܵܙܵܐ ܠܹܐ ܦܵܐܹܫ ܟܘܼܣܝܵܐ ܡܸܢܘܼܟ݂، ܚܸܙܘܹ̈ܐ ܕܚܸܠܡܝܼ ܕܚܙܹܐ ܠܝܼ، ܦܘܼܫܵܩܹܗ ܐ݇ܡܘܿܪ. 10ܚܸܙܘܹ̈ܐ ܕܪܹܫܝܼ ܟܲܕ ܥܲܠ ܫܘܝܼܬܝܼ: ܒܸܚܙܵܝܵܐ ܝܘܸܢ ܗ݇ܘܵܐ، ܘܗܵܐ، ܐܝܼܠܵܢܵܐ ܒܓܵܘܵܐ ܕܐܲܪܥܵܐ، ܘܪܵܡܘܼܬܹܗ ܪܵܒܵܐ. 11ܓܘܼܪܘܸܣ ܠܹܗ ܐܝܼܠܵܢܵܐ ܘܙܘܼܪܒܸܢܹܗ، ܘܪܵܡܘܼܬܹܗ ܡܛܹܐ ܠܵܗ̇ ܠܫܡܲܝܵܐ، ܘܡܸܬܚܲܙܝܵܢܵܐ ܝܗ݇ܘܵܐ ܒܡܲܪܙܵܐ ܕܟܠܵܗ̇ ܐܲܪܥܵܐ. 12ܛܲܪ̈ܦܘܼܗܝ ܫܲܦܝܼܪܹ̈ܐ، ܘܛܥܘܼܢܬܹܗ ܪܵܒܵܐ، ܘܡܹܐܟ݂ܘܼܠܬܵܐ ܩܵܐ ܟܠܲܝܗܝ ܐܝܼܬ ܒܝܼܹܗ، ܬܚܘܿܬܹܗ ܝ݇ܬܝܼܒ݂ ܠܵܗ̇ ܒܛܸܠܵܢܝܼܬܵܐ ܗܲܝܘܵܢ ܕܒܲܪܝܼܵܐ، ܘܒܦܲܥܘܵܢܘܼ̈ܗܝ ܫܪܹܐ ܠܗܘܿܢ ܛܲܝܪܹ̈ܐ ܕܫܡܲܝܵܐ، ܘܡܸܢܹܗ ܦܝܼܫ ܠܵܗ̇ ܬܘܼܪܣܝܼܬܵܐ ܟܠ ܓܵܢܵܐ.
13ܒܸܚܙܵܝܵܐ ܝܘܸܢ ܗ݇ܘܵܐ ܒܚܸܙܘܹ̈ܐ ܕܪܹܫܝܼ ܟܲܕ ܥܲܠ ܫܘܝܼܬܝܼ، ܘܗܵܐ، ܥܝܼܪܵܐ ܩܲܕܝܼܫܵܐ ܡ̣ܢ ܫܡܲܝܵܐ ܒܸܨܠܵܝܵܐ. 14ܩܪܹܐ ܠܹܗ ܒܩܵܠܵܐ ܪܵܡܵܐ ܘܗܲܕܟ݂ܵܐ ܐ݇ܡܝܼܪܹܗ، ’ܩܛܸܥܡܘܼܢ ܠܐܝܼܠܵܢܵܐ، ܘܦܪܘܿܡܘܼܢ ܦܲܥܘܵܢܘܼ̈ܗܝ، ܡܲܢܬܸܪܘܼܢ ܛܲܪ̈ܦܘܼܗܝ، ܘܒܲܪܒܸܙܘܼܢ ܛܥܘܼܢܬܹܗ، ܥܵܪܩܵܐ ܗܲܝܘܵܢ ܡ̣ܢ ܬܚܘܿܬܹܗ، ܘܛܲܝܪܹ̈ܐ ܡ̣ܢ ܦܲܥܘܵܢܘܼ̈ܗܝ. 15ܐܝܼܢܵܐ ܥܸܩܪܵܐ ܥܲܡ ܘܲܪ̈ܝܼܕܘܼܗܝ ܒܐܲܪܥܵܐ ܫܒ݂ܘܿܩܘܼܢ، ܒܐܸܣܘܼܪܵܐ ܕܦܪܸܙܠܵܐ ܘܢܚܵܫܵܐ ܗܵܘܹܐ ܐ݇ܣܝܼܪܵܐ ܒܓܸܠܵܐ ܕܕܸܫܬܵܐ. ܒܛܠܘܼܠܵܐ ܕܫܡܲܝܵܐ ܦܵܐܹܫ ܡܘܼܬܪܝܼܵܐ، ܘܥܲܡ ܚܲܝܘܬܵܐ ܗܵܘܹܐ ܣܵܗܡܹܗ ܒܝܸܩܢܵܐ ܕܐܲܪܥܵܐ. 16ܠܸܒܹܗ ܦܵܐܹܫ ܡܘܼܚܠܸܦܵܐ ܡ̣ܢ ܐ݇ܢܵܫܹ̈ܐ، ܘܠܸܒܵܐ ܕܗܲܝܘܵܢ ܦܵܐܹܫ ܝܘܼܗ݇ܒ݂ܵܐ ܐܸܠܹܗ، ܘܫܒܲܥ ܥܕܵܢܹ̈ܐ ܥܵܒ݂ܪܝܼ ܥܲܠܘܼܗܝ. 17ܐܵܗܵܐ ܚܲܒܪܵܐ ܦܩܝܼܕܵܐ ܝܠܹܗ ܒܝܲܕ ܥܝܼܪܹ̈ܐ، ܘܩܛܵܥܬܵܐ ܥܒ݂ܝܼܕܬܵܐ ܒܗܹܡܸܙܡܵܢ ܕܩܲܕܝܼܫܹ̈ܐ، ܩܵܐ ܕܚܵܝܹ̈ܐ ܝܵܕܥܝܼ ܕܫܲܠܝܼܛܵܐ ܝܠܹܗ ܐܲܠܵܗܵܐ ܥܸܠܵܝܵܐ ܥܲܠ ܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܠܹܗ ܟܹܐ ܝܲܗ݇ܒܸܠ ܠܵܗ̇، ܘܠܐ݇ܢܵܫܹ̈ܐ ܟܘܼܦܹ̈ܐ ܟܹܐ ܡܲܩܸܡ ܥܲܠܘܼܗ̇.‘ 18ܐܵܗܵܐ ܚܸܠܡܵܐ ܐܵܢܵܐ ܡܲܠܟܵܐ ܢܒ݂ܘܼܟܲܕܢܵܨܲܪ ܚܙܹܐ ܠܝܼ، ܘܐܲܢ݇ܬ، ܝܵܐ ܒܸܠܛܫܵܨܲܪ، ܦܘܼܫܵܩܵܐ ܐ݇ܡܘܿܪ، ܣܵܒܵܒ ܟܠܲܝܗܝ ܚܲܟܝܼܡܹ̈ܐ ܕܡܲܠܟܘܼܬܝܼ ܠܹܐ ܡܵܨܝܼ ܠܡܲܕܘܼܥܝܼ ܦܘܼܫܵܩܵܐ، ܐܝܼܢܵܐ ܐܲܢ݇ܬ ܡܵܨܹܝܬ، ܣܵܒܵܒ ܪܘܼܚܵܐ ܕܐܲܠܵܗܹ̈ܐ ܩܲܕܝܼܫܹ̈ܐ ܐܝܼܬ ܒܝܼܘܼܟ݂.“
ܕܵܢܝܼܐܹܝܠ ܦܲܫܘܼܩܹܐ ܚܸܠܡܵܐ ܕܢܒ݂ܘܼܟܲܕܢܵܨܲܪ
19ܗ̇ܝܓܵܗ ܕܵܢܝܼܐܹܝܠ، ܕܫܸܡܹܗ ܒܸܠܛܫܵܨܲܪ ܝܼܠܹܗ، ܦܝܼܫ ܠܹܗ ܬܡܝܼܗܵܐ ܩܵܐ ܚܲܕ ܡܸܬܚܵܐ، ܘܚܝܼܵܠܘܼ̈ܗܝ ܩܲܡ ܚܵܒ݂ܛܝܼ ܠܹܗ. ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܝܵܐ ܒܸܠܛܫܵܨܲܪ، ܚܸܠܡܵܐ ܘܦܘܼܫܵܩܹܗ ܠܵܐ ܚܵܒ݂ܛܝܼ ܠܗܘܿܢ ܚܝܼܵܠܘܼ̈ܟ݂.“ ܓ̰ܘܼܘܸܒ ܠܹܗ ܒܸܠܛܫܵܨܲܪ، ܘܐ݇ܡܝܼܪܹܗ، ”ܝܵܐ ܡܵܪܝܼ، ܚܸܠܡܵܐ ܠܣܵܢܝܵܢܘܼ̈ܟ݂، ܘܦܘܼܫܵܩܹܗ ܠܕܸܫܡܸܢܘܼ̈ܟ݂. 20ܐܝܼܠܵܢܵܐ ܕܚܙܹܐ ܠܘܼܟ݂ ܕܓܘܼܪܘܸܣ ܠܹܗ، ܘܙܘܼܪܒܸܢܹܗ، ܘܪܵܡܘܼܬܹܗ ܡܛܹܐ ܠܵܗ̇ ܠܫܡܲܝܵܐ، ܘܡܸܬܚܲܙܝܵܢܵܐ ܝܗ݇ܘܵܐ ܒܟܠܵܗ̇ ܐܲܪܥܵܐ، 21ܛܲܪ̈ܦܘܼܗܝ ܫܲܦܝܼܪܹ̈ܐ، ܘܛܥܘܼܢܬܹܗ ܪܵܒܵܐ، ܘܡܹܐܟ݂ܘܼܠܬܵܐ ܩܵܐ ܟܠܲܝܗܝ ܐܝܼܬ ܒܝܼܹܗ، ܬܚܘܿܬܹܗ ܟܹܐ ܥܵܡܪܵܐ ܚܲܝܘܬܵܐ ܕܒܲܪܝܼܵܐ، ܘܒܦܲܥܘܵܢܘܼ̈ܗܝ ܟܹܐ ܫܵܪܝܼ ܛܲܝܪܹ̈ܐ ܕܫܡܲܝܵܐ، 22ܐܲܢ݇ܬ ܝܼܘܸܬ، ܝܵܐ ܡܲܠܟܵܐ، ܕܗܘܹܐ ܠܘܼܟ݂ ܓܘܼܪܵܐ ܘܙܘܼܪܒܸܢܘܼܟ݂، ܘܓܘܼܪܘܼܬܘܼܟ݂ ܓܘܼܪܘܸܣ ܠܵܗ̇ ܘܡܛܹܐ ܠܵܗ̇ ܠܫܡܲܝܵܐ، ܘܫܘܼܠܛܵܢܘܼܟ݂ ܠܡܲܪܙܵܐ ܕܐܲܪܥܵܐ. 23ܘܕܚܙܹܐ ܠܹܗ ܡܲܠܟܵܐ ܠܥܝܼܪܵܐ ܩܲܕܝܼܫܵܐ ܒܸܨܠܵܝܵܐ ܡ̣ܢ ܫܡܲܝܵܐ، ܘܒܹܐܡܵܪܵܐ، ’ܩܛܸܥܡܘܼܢ ܠܐܝܼܠܵܢܵܐ ܘܡܲܚܪܸܒ݂ܘܼܢ ܠܹܗ، ܐܝܼܢܵܐ ܥܸܩܪܵܐ ܥܲܡ ܘܲܪ̈ܝܼܕܘܼܗܝ ܒܐܲܪܥܵܐ ܫܒ݂ܘܿܩܘܼܢ، ܘܒܐܸܣܘܼܪܵܐ ܕܦܪܸܙܠܵܐ ܘܢܚܵܫܵܐ ܗܵܘܹܐ ܐ݇ܣܝܼܪܵܐ ܒܓܸܠܵܐ ܕܕܸܫܬܵܐ، ܘܒܛܠܘܼܠܵܐ ܕܫܡܲܝܵܐ ܦܵܐܹܫ ܡܘܼܬܪܝܼܵܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܣܵܗܡܹܗ، ܗܲܠ ܕܫܒܲܥ ܥܕܵܢܹ̈ܐ ܥܵܒ݂ܪܝܼ ܥܲܠܘܼܗܝ،‘ 24ܐܵܗܵܐ ܝܠܹܗ ܦܘܼܫܵܩܵܐ، ܝܵܐ ܡܲܠܟܵܐ، ܘܦܘܼܩܕܵܢܵܐ ܕܥܸܠܵܝܵܐ ܝܠܹܗ ܕܡܛܹܐ ܠܹܗ ܥܲܠ ܡܵܪܝܼ ܡܲܠܟܵܐ: 25ܒܸܬ ܦܵܝܫܹܬ ܛܪܝܼܕܵܐ ܡ̣ܢ ܐ݇ܢܵܫܹ̈ܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܒܸܬ ܗܵܘܹܐ ܡܲܥܡܪܘܼܟ݂، ܘܓܸܠܵܐ ܐܲܝܟ݂ ܬܵܘܪܹ̈ܐ ܐܸܠܘܼܟ݂ ܒܸܬ ܡܲܐܟ݂ܠܝܼ، ܘܡ̣ܢ ܛܠܘܼܠܵܐ ܕܫܡܲܝܵܐ ܐܸܠܘܼܟ݂ ܒܸܬ ܡܲܬܪܝܼ، ܘܫܒܲܥ ܥܕܵܢܹ̈ܐ ܒܸܬ ܥܵܒ݂ܪܝܼ ܥܲܠܘܼܟ݂، ܗܲܠ ܕܝܵܕܥܹܬ ܕܥܸܠܵܝܵܐ ܫܲܠܝܼܛܵܐ ܝܠܹܗ ܒܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܝܠܹܗ ܟܹܐ ܝܲܗ݇ܒܸܠ ܠܵܗ̇. 26ܘܕܐ݇ܡܝܼܪܹܗ ܠܸܫܒ݂ܵܩܵܐ ܥܸܩܪܵܐ ܘܘܲܪ̈ܝܼܕܹܐ ܕܐܝܼܠܵܢܵܐ، ܡܲܠܟܘܼܬܘܼܟ݂ ܐܸܠܘܼܟ݂ ܡܩܵܘܝܵܢܬܵܐ ܒܸܬ ܗܵܘܝܵܐ، ܕܝܵܕܥܹܬ ܕܫܘܼܠܛܵܢܵܐ ܡ̣ܢ ܫܡܲܝܵܐ ܝܠܹܗ. 27ܒܘܼܬ ܐܵܗܵܐ، ܝܵܐ ܡܲܠܟܵܐ، ܫܵܦܹܪ ܐܸܠܘܼܟ݂ ܡܸܠܟܝܼ، ܘܚܛܝܼܵܬܘܼ̈ܟ݂ ܒܙܲܕܝܼܩܘܼܬܵܐ ܦܲܪܸܩ، ܘܥܵܘܠܘܼ̈ܟ݂ ܒܪܵܚܲܡܬܵܐ ܠܡܸܣܟܹܢܹ̈ܐ، ܩܵܘܡܵܐ ܕܦܵܝܫܵܐ ܡܘܼܪܝܸܟ݂ܬܵܐ ܫܸܠܝܘܼܬܘܼܟ݂.“
ܚܸܠܡܵܐ ܦܝܵܫܵܐ ܬܘܼܡܸܡܵܐ
28ܟܠܵܗ̇ ܐܵܗܵܐ ܡܛܹܐ ܠܵܗ̇ ܥܲܠ ܢܒ݂ܘܼܟܲܕܢܵܨܲܪ ܡܲܠܟܵܐ. 29ܡ̣ܢ ܒܵܬ݇ܪ ܬܪܸܥܣܲܪ ܝܲܪ̈ܚܹܐ، ܥܲܠ ܒܹܝܬ ܡܲܠܟܘܼܬܵܐ ܕܒܒܵܒܹܠ ܒܸܚܕܵܪܵܐ ܝܗ݇ܘܵܐ ܢܒ݂ܘܼܟܲܕܢܵܨܲܪ ܡܲܠܟܵܐ. 30ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܠܹܐ ܝܠܵܗ̇ ܐܵܗܵܐ ܒܵܒܹܠ ܓܘܼܪܬܵܐ ܕܐܵܢܵܐ ܒܸܢܝܵܐ ܠܝܼ ܩܵܐ ܒܲܝܬܵܐ ܕܡܲܠܟܘܼܬܝܼ ܒܥܘܼܫܢܵܐ ܕܚܲܝܠܝܼ ܘܠܐܝܼܩܵܪܵܐ ܕܚܸܩܪܝܼ؟“ 31ܗܹܫ ܗܹܡܸܙܡܵܢ ܒܦܘܼܡܵܐ ܕܡܲܠܟܵܐ، ܩܵܠܵܐ ܡ̣ܢ ܫܡܲܝܵܐ ܐ݇ܬܹܐ ܠܹܗ، ”ܐܸܠܘܼܟ݂ ܒܹܐܡܵܪܵܐ ܝܢܵܐ، ܝܵܐ ܢܒ݂ܘܼܟܲܕܢܵܨܲܪ ܡܲܠܟܵܐ: ܡܲܠܟܘܼܬܘܼܟ݂ ܥܒ݂ܝܼܪܵܗ̇ ܡܸܢܘܼܟ݂. 32ܘܡ̣ܢ ܐ݇ܢܵܫܹ̈ܐ ܒܸܬ ܦܵܝܫܹܬ ܛܪܝܼܕܵܐ، ܘܥܲܡ ܚܲܝܘܬܵܐ ܕܒܲܪܝܼܵܐ ܒܸܬ ܗܵܘܹܐ ܡܲܥܡܪܘܼܟ݂، ܓܸܠܵܐ ܐܲܝܟ݂ ܬܵܘܪܹ̈ܐ ܐܸܠܘܼܟ݂ ܒܸܬ ܡܲܐܟ݂ܠܝܼ، ܘܫܒܲܥ ܥܕܵܢܹ̈ܐ ܒܸܬ ܥܵܒ݂ܪܝܼ ܥܲܠܘܼܟ݂، ܗܲܠ ܕܝܵܕܥܹܬ ܕܥܸܠܵܝܵܐ ܫܲܠܝܼܛܵܐ ܝܠܹܗ ܒܡܲܠܟܘܼܬܵܐ ܕܐ݇ܢܵܫܹ̈ܐ، ܘܠܡ̇ܢ ܕܒܵܣܡܵܐ ܝܠܹܗ ܟܹܐ ܝܲܗ݇ܒܸܠ ܠܵܗ̇.“
33ܒܗ̇ܝ ܣܵܥܲܬ ܗܹܡܸܙܡܵܢ ܬܘܼܡܸܡ ܠܵܗ̇ ܥܲܠ ܢܒ݂ܘܼܟܲܕܢܵܨܲܪ، ܘܡ̣ܢ ܐ݇ܢܵܫܹ̈ܐ ܦܝܼܫ ܠܹܗ ܛܪܝܼܕܵܐ، ܘܓܸܠܵܐ ܐܲܝܟ݂ ܬܵܘܪܹ̈ܐ ܐ݇ܟ݂ܝܼܠ ܠܹܗ، ܘܡ̣ܢ ܛܠܘܼܠܵܐ ܕܫܡܲܝܵܐ ܓܘܼܫܡܹܗ ܦܝܼܫ ܠܹܗ ܡܘܼܬܪܝܼܵܐ، ܗܲܠ ܕܣܲܥܪܹܗ ܐܲܝܟ݂ ܕܦܲܪܹ̈ܐ ܕܢܸܫܪܹ̈ܐ ܓܘܼܪܘܸܣ ܠܹܗ، ܘܛܸܦܪ̈ܵܬܹܗ ܐܲܝܟ݂ ܕܛܲܝܪܹ̈ܐ.
ܡܲܕܲܪܬܵܐ ܕܡܲܠܟܵܐ ܢܒ݂ܘܼܟܲܕܢܵܨܲܪ ܡ̣ܢ ܡܲܟܲܦܬܹܗ
34ܘܒܚܲܪܬܵܐ ܕܝܵܘܡܵܢܹ̈ܐ، ܐܵܢܵܐ ܢܒ݂ܘܼܟܲܕܢܵܨܲܪ ܡܘܼܪܸܡ ܠܝܼ ܥܲܝܢܝܼ̈ ܠܫܡܲܝܵܐ، ܘܗܵܘܢܝܼ ܥܲܠܝܼ ܕܝܼܪܹܗ، ܘܠܥܸܠܵܝܵܐ ܒܘܼܪܸܟ݂ ܠܝܼ، ܘܠܚܵܝܵܐ ܕܥܵܠܡܹ̈ܐ ܫܘܼܒܸܚ ܠܝܼ ܘܚܩܝܼܪܝܼ،
ܣܵܒܵܒ ܫܘܼܠܛܵܢܹܗ ܫܘܼܠܛܵܢܵܐ ܕܥܵܠܲܡ ܝܼܠܹܗ،
ܘܡܲܠܟܘܼܬܹܗ ܡ̣ܢ ܕܵܘܪܵܐ ܠܕܵܘܪܵܐ.
35ܘܟܠܲܝܗܝ ܥܵܡܪ̈ܵܢܹܐ ܕܐܲܪܥܵܐ ܐܲܝܟ݂ ܠܵܐ ܡܸܢܕܝܼ ܚܫܝܼܒܹܐ ܝܢܵܐ ܩܵܕ݇ܡ ܕܝܼܹܗ،
ܘܐܲܝܟ݂ ܕܒܵܣܡܵܐ ܝܠܹܗ ܟܹܐ ܥܵܒܹܕ ܒܚܲܝܠܵܘܵܬܹ̈ܐ ܕܫܡܲܝܵܐ ܘܒܥܵܡܪ̈ܵܢܹܐ ܕܐܲܪܥܵܐ،
ܘܠܲܝܬ ܕܡܵܚܹܐ ܠܐܝܼܕܹܗ، ܘܐܵܡܹܪ ܐܸܠܹܗ، ܡܘܿܕܝܼ ܒܸܥܒ݂ܵܕܵܐ ܝܘܸܬ؟
36ܒܗ̇ܘ ܙܲܒ݂ܢܵܐ ܗܵܘܢܝܼ ܕܝܼܪܹܗ ܥܲܠܝܼ. ܘܠܐܝܼܩܵܪܵܐ ܕܡܲܠܟܘܼܬܝܼ، ܚܸܩܪܝܼ ܘܫܲܦ̮ܩܝܼ ܕܝܼܪܗܘܿܢ ܥܲܠܝܼ، ܘܐܸܠܝܼ ܡܵܠܘܿܟ݂ܝܼ̈ ܘܓܘܼܪ̈ܵܢܝܼ ܛܥܹܐ ܠܗܘܿܢ، ܘܥܲܠ ܡܲܠܟܘܼܬܝܼ ܦܝܼܫ ܠܝܼ ܡܘܼܩܘܝܼܵܐ، ܘܓܘܼܪܘܼܬܵܐ ܙܵܘܕܵܐ ܦܝܼܫ ܠܵܗ̇ ܡܘܼܙܝܸܕܬܵܐ ܐܸܠܝܼ. 37ܐܵܕܝܼܵܐ ܐܵܢܵܐ ܢܒ݂ܘܼܟܲܕܢܵܨܲܪ ܫܲܒܘܼܚܹܐ ܝܘܸܢ ܘܡܲܪܘܼܡܹܐ ܝܘܸܢ ܘܒܸܚܩܵܪܵܐ ܝܘܸܢ ܠܡܲܠܟܵܐ ܕܫܡܲܝܵܐ، ܕܟܠܲܝܗܝ ܦܘܼܠܚܵܢܘܼ̈ܗܝ ܬܪ̈ܘܼܨܹܐ ܝܢܵܐ، ܘܐܘܼܪ̈ܚܵܬܹܗ ܗܵܩܘܼܬܵܐ، ܘܠܐܵܢܝܼ ܕܚܵܕܪܝܼ ܒܪܵܡܘܼܬܵܐ ܟܹܐ ܡܵܨܹܐ ܕܡܲܟܸܦ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation