Luik 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Gie an yis'll be gien tae; a guid misure, preest doon, shuk thegither an skailin ower wull be gien tae yis. Fer tha misure yis gie wull be tha misure yis get bak.”

A guid man brïngs guid oot o tha guidness stored ïn hïs hairt, an a evil man brïngs evil oot o tha evil ïn hïs hairt. Fer whutiver hïs hairt ïs fu o, that's whut cums oot o hïs mooth.

But love yer faes, dae guid an lenn, no hopin tae get oniethin bak; an yis wull hae great reward an wull be sinns o tha Maist Heich, fer he ïs kine tae tha ungratefu an tha wïckit.

Sae be merciefu, jist as yer Faither ïs merciefu.

Dïnnae judge ithers, an ye'll no be judged yersels; dïnnae condemn an yis'll no be condemned; forgie an yis'll be forgien.

But A'm sayin tae yous that's lïstenin: Love yer faes, dae guid tae thaim that haits ye. Bliss thaim that curses ye, an pray fer thaim that wushes ye ïll wull.

An jist dae tae ithers whut yis wud want thaim tae dae tae yersels.

An ïf a bodie gies ye a slap on tha cheek, turn tha ither side til hïm forbye. An ïf a bodie ïs lukkin yer tap-cóat aff ye, let hïm hae yer shirt as weel. If oniebodie axes ye fer ocht, gie ït tae thaim, an dïnnae be lukkin ït bak.

A guid tree daesnae gie rotten fruit, ner daes a rotten tree gie guid fruit.

Ye know iverie tree bi ïts ain fruit. Ye dïnnae pïck fïgs frae a thoarn büsh ner grapes frae a blekberrie büsh.