Romanos 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Entonces machi tua' asicb'ana inte' winic umen taca que b'an war uc'ani y nien umen que uturb'a ub'a tua' ach'ajma, sino que c'ani asicb'ana inte' jay yajtana ut umen e Dios.

Porque e Dios uyare e Moisés y che: “C'ani inchectes nic'unersiaj tut xe' inc'ani y c'ani inyajta ut xe' inc'ani ub'an”, che e Dios.

Pero net xe' winiquet, ¿chiet net tua' aware e Dios que majax bueno lo que war uche? Pues jay erer ani o'jron inte' b'ejt b'ajc'at axin uyare e ajpacb'ejt y che: “¿Tuc'a tua' achien inquetpa ingojr b'ejt cocha era?” che ani inte' b'ejt uyare e ajpacb'ejt. Pero b'ajc'at asutpa o'jron e ajpacb'ejt otronyajr taca e b'ejt y che: “¿Tuq'uet net tua' más c'ani anata?” che ani e ajpacb'ejt.

Y tamar era erer cawira que e Dios erer uyajta ut tin taca xe' uc'ani, pero que erer uq'uec'ojse uyalma tin e c'ani uq'uec'ojse ub'an.

Pues tin e ajpacb'ejt, ¿ma ca erer uche lo que uc'ani taca e tz'ijc rum? Porque jaxir erer uche inte' b'ejt xe' más galan tua' uch'ub'a y erer uche otronte' b'ejt tua' axin uc'ampes iraj iraj tama e tz'ijc era.