Juan 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

’Y c'ani inwacta nijiriar tacarox y c'ani inwajc'ox nijiriar tua' aquetpa tama iwalma, pero e jiriar lo que war inwajc'ox era majax b'an cocha ayan tara tor e rum. Pues ira ixtz'intz'a tama iwalma y ira ixb'acta.

Y che e Jesús: —Nen e b'iren tua' ac'otoy inte' tut e Dios. Y tamaren ayan e ojroner xe' erach, y tamaren ayan e cuxtar xe' machi tua' ac'apa. Y tamaren taca erer ac'otoy inte' tut Catata Dios.

Entonces ojron e Jesús y che: —Ira ixtz'intz'a tama iwalma. C'upseyanenic tama e Dios, y c'upseyanenic tamaren ub'an.

Pero c'ani inware Nitata tua' uyeb'ta watar Unawalir e Dios tua' aquetpa tacarox y tua' utacriox. Pues jaxir c'ani ucansiox tunor lo que ayan, y c'ani utacriox tua' ac'ajpa imener tunor lo que cay inwareox tama ucajyesnib'ir tunor era.

Tin e uch'ami niwojroner y ac'upseyan tut, war uchectes ub'a que war uc'anien. Y tin e war uc'anien cocha era c'ani ayajtna ut umen Nitata, y nen ub'an tua' inyajta ut y c'ani inxin inchectes nib'a tut jaxir, che e Jesús.

Y nen c'ani inc'ajti taca Nitata y jaxir tua' uyeb'ta watar otronte' Ajtacarsiaj tua' aturuan tacarox iraj iraj xe' jax Unawalir e Dios xe' erach. Tin e turu tara tor e rum machi uyub'i uch'amiob' Unawalir e Dios porque machi uwirob' ut y nien machi unatob' tuc'a era. Pero nox war ixto inata tuc'a Unawalir e Dios porque jaxir turu tacarox y c'ani aquetpa tacarox iraj iraj.

Y nen c'ani inche tunor lo que ic'ajti taca e Dios tama nic'ab'a tua' inche achecta utawarer Nitata. Y nox erer ic'ajti tunor lo que ic'ani tacaren tama nic'ab'a, y nen tua' inwajc'ox tunor era, che e Jesús.

Entonces che e Jesús: —Jay war ic'anien, ub'ianenic tut niwojroner.

Tia' turu Nitata tut e q'uin ayan meyra otot xe' ustab'irix tia' tua' ixturuan. Jay majax b'an ani, nen inwareox ani. Pues era c'ani inxin onstes inte' lugar tib'a.

Y conda ac'apa onstes e lugar tib'a c'ani insutpa waten otronyajr tua' inq'uechiox ixixin tua' ixturuan tacaren.

Entonces ojron e Tomás y che: —Niwinquiraret, non era machi canata tia' war i'xin. ¿Y cocha tua' canata tin e b'ir tua' cac'otoy tamar? che e Tomás.