Genesis 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Nyasaye naboola ari Shino neshilolelo shieindakano eya ekhola hakari wanje nineenywe nende shia eshili mwoyo eshia muli ninashio, khulwa tsinzibulo tsiebisoni nebisoni; mbu ndareele olulindi lwanje mulucheka, nalwo lulabeetsanga eshilolelo shieindakano nakari wanje nende eshialo.

OIulindi nalwo lulabeetsangaho mulucheka; nasi ndalaluhenganga, mbu enzitsulile indakano eyiralihwaho ta, eyiliho hakari waNyasaye nende shia eshilamu khubili nomubili biosi ebili khushialo.

Ouraatsinjia amabanga komundu, naye akeke amabanga kalaraatsibwa nende omundu; shichila khwikondo liaNyasaye nilio elia yalonjelakhwo abandu.

Nyasaye naheelesia Noa nende abaanabe ikhabi, nababoolela ari Mwibulane nimwinjiha, nimwitsula mushialo.

Buli shindu eshichenda eshili mwoyo shilabeetsanga eshiokhulia shieenywe; shinga olwa ndamuheelesia emiani chiamasaafu, nolwa emuheelesiye biosi.

Buli shilamu shiomushibala, khandi buli linyonyi eliokhwikulu, bilamuriitsanga inywe nibimutechelela; halala nende biosi ebiselasela khushibala, nende tsinyeeni tsiosi etsiomunyanza, bihaanilwe mumukhono kweenywe.

Neenyu, mwibulane nimwinjiha; mwitsulenje mushialo, nimwinjihamwo.