San Marcos 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Wmal in, kunjel mnaq xa k'ax kixkkilo; per chin jun kuch'ij na ast retal echi' kk'is na runjel, jare re kto'taj na, rech kuriq uk'asnmal ruk' Dios.

China kwent iwib'. Kixk'ask'atoq, kixch'aw ruk' Dios, rmal mel iwit'am taj jumpa kuriq ij che jala k'antjik.

Echi' kixkchapo rech kixkk'am b'i chjuch jun atb'altzij, xa mix'ej iwib', xa mib'soj su kib'ij chke. Jare kib'ij tzij che kuya Dios chiwe chpam un hora le', rmal mel ix taj kich'ob' tzij che kib'ij, jare Uxlab'xel Dios kub'ij chiwe.

Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.

»Ot jun mnaq rit'am chinchke ij mowni rit'am chinchke hora k'antjik su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios jumpa k'antjik; xaq xaw qaQaw Dios rit'am.

Echi' kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij.

Jala china ix, chik'suj iwib' chiwuch, mal iwit'am taj chinchke ij kintzlij loq; jala peche un rjaw ja ri' che kit'am taj nk'aj umoso we kpi qaj'ij, we kpi ptaq nk'aj a'ab', we kpitik echi' kiyo' nab'e ak', o we kpitik echi' kisqarik. Jala', rech we xaq t'et kimpitik, kixinrqa' ixk'aslik, ixwarnaq taj. Su kimb'ij chiwi'x chanim, soq kimb'ij chke kunjel jumpa mnaq: ¡Chik'suj iwib', rech ixk'aslik ti kuriq ij che kimpitik! —xche Jesús chke nk'aj udiscípulo.

Nk'aj mnaq iy'o chpam jun tinmit kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na kab'rqan chpam k'ilaj taq tinmit, kpi na wijal soq rich'il ch'oj; per xa jeqb'al uxe' k'ax, kpi na mas.

Echi' mja ko'pan k'isb'al taq ij, nmister che kb'ix na utzlaj taq rson chwij in chpam runjel tinmit chuchlew.

mal kipin k'i nk'aj chik che kikkoj nb'i', kikb'ij: “In ri' ri Cristo, xchay rmal Dios”, kiche chiwe. Ik'i mnaq kiyiksub'u.

»China kwent iwib' ti kiwilo che jala kmajtaj u'anik, mal kixkjach na ri mnaq pik'ab' nk'aj atb'altzij, soq kixkch'ay na chpam nk'aj rchoch Dios. Wmal in, kixk'am nub'i chikuch nk'aj mnaq che nim atb'altzij o pik'ab', peche nk'aj gobernador rich'il nk'aj rey, rech kixkunik kib'ij utzlaj taq rson chke chwij in.

Mal kipin mnaq che kikkoj kib' che Cristo. Kipi nk'aj chik kikkoj kib' che ijare ke iyajb'il utzij Dios; y kiyok che u'anik nimlaj k'utb'al rich'il milagro chikuch mnaq; xa kkaj ke che kiyikun che ksub'ik mnaq che iyuchom Dios.

Xub'ij chik Jesús chke: —Chpam un tiempo le', echi' axnaq chik un nimlaj k'ax, jala k'antaj na peche tz'ib'tal kan ujer che kub'ij: “Kqu'mar ij o chkaj; soq jala ik', kitluw t chik. Nk'aj ch'mil kitzaq nuloq chkaj; runjel su o chkaj che o uchu'ab' kikya saq, kislib'sax na”, kcha'.