Hechos 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Echi' kk'un Tyoxlaj Uxlab'xel pijlom, kuya mas ichu'ab'. Tik'ri, kix'e che ub'ixik runjel jumpa sutaq'ik xin'an in chi' chuchlew, soq rich'il sutaq x'an chwe. Jarela kib'ij chke mnaq mal xiwil ix. Kib'ij chke chla' Jerusalén, rich'il pukwent jumpa tinmit o Judea, soq pukwent jumpa tinmit o Samaria, soq rich'il jumpa tinmit o chi' chuchlew. —Jala xub'ij Jesús chke nk'aj apóstol.

Ri Jesús xub'ij chke: —Ix ya'tajnaq taj chiwe che kiwit'amaj jumpa ku'on qaQaw Dios wari'. Iwit'am taj chinchke ij k'antjik, xaq xaw Re rit'am.

Echi' kirqom kib' nk'aj apóstol ruk' Jesús, mas xyupixb'ej kanoq, xub'ij chke: —Xa mixel b'i chanim chpam tinmit Jerusalén. Chiwi'ej na ast retal echi' kk'un Tyoxlaj Uxlab'xel che ub'im kan qaQaw kuya na chiwe, jala peche nb'im in chiwe. Qtzij che u Wan xu'on qasna' chke mnaq ruk' ja', per pkeb' uxib' ij k'an qasna' chiwi'x rmal Tyoxlaj Uxlab'xel echi' kqaj loq pijlom. —Jala xub'ij Jesús chke nk'aj apóstol.

Echi' k'astajnaqch uwuch Jesús chikxo'l nk'aj kamnaq, xuk'ut rib' chikuch nk'aj apóstol. Kawnaq (40) ij xutaqej che kok'il kuk'ut rib' chikuch; xu'on nmaq taq k'utb'al chikuch rech alaj che puro k'aslik, soq xch'aw chrij utzlaj atb'altzij che kuya Dios pkanma' mnaq.

Echi' xk'is ub'ixik rmal, xaq ub'ik xyaktaj b'ik, xel b'i chkaj; ni nk'aj apóstol xaq kikka'yej xel b'i Jesús chkaj chikuch; mismo chanim, xpi jun sutz', xsach Jesús chpam; xa jala' xkiltch uwuch nk'aj apóstol.

Nk'aj apóstol kiyitjin na che rilik Jesús che xsach b'i chkaj chikuch, ti xaq ub'ik xiyo'pan keb' achjab', xiyitk'e' kuk' che puro saq ka'y kitz'yaq kikjom. Keb' achjab' xikb'ij chke nk'aj apóstol: —Ix ixachjab' ixaj Galilea, ¿suche che kixtjin che rilik chkaj? Ri Jesús che xk'am b'i chkaj chiwuch, jare Re kitzlij chnuloq; jala unom kitzlij chuloq peche unom ti x'ek. —Jala xikb'ij keb' achjab' chke nk'aj apóstol.