Ruka 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

«Kinsi mwea ingu usondange inimisa, wanchime irenga ishe, na nina, na mukari, n'ebana bae, na basike babo, na bisi babo. Na wanchime irenga mbu bwishima we. Kuba ntímbo, watakoche ibese mwanafunsi wani.

Kinsi mwea ngu watangaria emusaraba wae n'inimisa, watakoche ibese mwanafunsi wani.

Ngyasingwa kinsi mwea witarishanga wasehichiwayo, na ngu wihichanga wasetarishiwayo.»

Ngebumbo hotu kuri banu! Kusira uma mu banu ewamukocha ibese mwanafunsi wani kuba watamakocha isia ebiti bikwengi we.»

«Mbeni inye mu banu kuba usondange iumba numba nkiri, wamurukwa kasa irika n'ibucha iansa ebehe ebisekoresha we kongo wasiba imbi bikwengi we ebyamukindanya ebwimbe? Bushwa mbu wamimba emusingi, kuruma nampo wafundwa ikindanya ebwimbe bw'enumba njo, ebea bati mbi basenda basungange yo basenda bamuseange n'ieba mbu: ‹Emwea uno wakubuchanga iumba na wafundwa tu irísía enumba!›

Ina kuba ubikira bea mu kibimbi, wendi ubikira ebasene, esankata, ebirema, n'ebihumihumi. Nampo, Ongo wasekukasane bushwa mbu ebea bano basira ch'erikukuruchie. Na wasekukuruchieyo erotu rusekiayo ebakoranga byakonda bafuka.»

Yesu were tu bo mbu: «Emukwa ushamukanga. Ina emukwa wamariminya ebushamuke bwaa, kinki ke tu echamukocha irishie tu o ebushamuke? Emukwa ngo nti usira tu mufa abe mu roto abe mu buinu. Ebea bataangǎ o hambuka. Ingu uri n'emate erirukira warukire!»