Mateyu 27မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Na mɔɔ bɛbɔle kɛyɛ dɔne nsa la, Gyisɛse deanle nu ɔzele kɛ, “Eli, Eli, lama sabaketani” mɔɔ abo a le kɛ, “Me Nyamenle, Me Nyamenle, duzu ati a wɔkpo me a la?”

Na nea, ɛdanlɛ ne mɔɔ pɛ Anwodelɛ Ɛleka ne anyunlu wɔ Asɔne Sua Kpole ne anu la anu suanle vile anwuma radwule aze; na azɛlɛ kpusule, na awolɛ, nee awoka kpukekpukele, na azɛka bukebukele, na anwodelɛma mrenyia nee mraalɛ mɔɔ bɛwuwu la ziale rale ngoane nu bieko.

Na akee Gyisɛse deanle nu bieko, na ye sunsum ne vile ye nu, na ɔwule.

Sogyama ne mɔ nee bɛ mgbanyima mɔɔ hɔle meanubaka nu ɛbɔlɛ ne, na bɛlɛsinza ye la ahonle dule totohyia wɔ azɛlɛ ɛkpusulɛ ne nee ninyɛne mɔɔ sisile la anwo. Bɛdeɛdeanle nu bɛzele kɛ, “Nɔhalɛ, Nrenyia ɛhye le Nyamenle Ra.”

Kenle ko ne ewia ne, awozinli kabii hedale azɛlɛ ye amuala azo dedee dɔnehwele nsa, ɔvi ewiazo bulu nee nwiɔ hɔkpulale ewiazo dɔne nsa.

Paelɛte bizale bɛ kɛ, “Ɛnee akee duzu debie a menva menyɛ Gyisɛse, mɔɔ le bɛ Ngoanedievolɛ ne la a?” Bɛ muala bɛdeanle nu bɛzele kɛ, “Bɔ ye meanubaka nu!” Paelɛte bizale bɛ kɛ, “Duzu ati ɔ? Duzu ɛtane a yeyɛ a?” Noko akee bɛhɔle zo bɛdeɛdeanle nu bɛzele kɛ; “Bɔ ye meanubaka nu! Bɔ ye meanubaka nu!”