Mateyu 24မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ɛtaneyɛlɛ bayɛ dɔɔnwo wɔ ɛleka biala, na yeaha menli dɔɔnwo bɛ ɛhulolɛ mɔɔ bɛlɛ ye la aze. Na bɛdabɛ mɔɔ bɛkɛhɔ zo bɛkɛli nɔhalɛ ne bɛkɛhɔ awieleɛ ne la yɛɛ bɛbalie bɛ ngoane a.

“Na bɛbabɔ Belemgbunli maanle ne anwo Edwɛkpa ne nolo bɛahile ewiade amra amuala amaa maanle maanle kosooti ade, na akee nzinlii, awieleɛ mekɛ ne ara.

Saa bɛte kɛ konle konle ɛbɔ ɔ bo a, ɛnee ɛhye ɛngile me ɛzialɛ ne; ɛhye mɔ bazi, noko akee ɛnee awieleɛ mekɛ ne ɛtɛdwule.

Maanle maanle badwazo bɛ gɔnwo mɔ akɔme zo, na ɛhɔne nee azɛlɛ ɛkpusulɛ asisi wɔ ɛleka dɔɔnwo. Noko akee ɛhye mɔ amuala bayɛ amaneɛnwunlɛ ne mɔ mɔɔ bara la mɔlebɛbo ala.

“Anwuma belemgbunli maanle ne nee aze bapɛ nu aze, na me nloa edwɛkɛ ɛdeɛ, yemɔ ɔnrɛpɛ nu ɛlɛ.

Ɔluakɛ menli dɔɔnwo badwazo kɛ bɛdabɛ a bɛle Ngoanedievolɛ ne a, na bɛbamaa menli dɔɔnwo aminli nɔhalɛ adenle ne.

“Ɔlua me ti, bɛbayɛ bɛ ayɛkayɛkadeɛ na bɛahu bɛ na eza bɛakpɔ bɛ wɔ ewiade anu ɛlɛka biala, na bɛ nuhua bie mɔ dɔɔnwo ne ala bazia ahɔ ɛtane nu na bɛayeye bɛ nwo ngoko bɛamaa na bɛakpɔ bɛ nwo. Na ngapezoma adalɛma dɔɔnwo ne ala bara na bɛamaa menli dɔɔnwo aminli nɔhalɛ adenle ne mɔɔ bɛlua nu la.

Gyisɛse zele bɛ kɛ, “Bɛmmamaa awie biala bɛlɛbɛla bɛ.

Zɔhane ala a ɔwɔ kɛ bɛsiezie bɛ nwo wɔ me arɛlevilɛnu ɛralɛ ne anwo a.

“Ɛhye ati bɛnlea boɛ, ɔluakɛ bɛnze kenle ne mɔɔ bɛ Awulae bava ara a.

Na awie biala noko ɛnze mekɛ ne nee dɔnehwele holɛ ko ne mɔɔ awieleɛ ne bara a, anwumabɔvolɛma ne mɔ bɔbɔ ɛnze. Kyɛkyɛ, anzɛɛ Nyamenle Ra ne bɔbɔ. Egya angomekye a ze a.

Ɔluakɛ, Kelaese adalɛma, nee ngapezoma adalɛma badwazo, na bɛayɛ nwanwane ninyɛne dɔɔnwo, amaa saa ɔkɛyɛ boɛ bɔbɔ a, Nana Nyamenle ye menli mɔɔ yekpa bɛ bɔbɔ la bɛbabɛlɛbɛla bɛ muala.

“Na kɛmɔ Nowa mekɛ zo ɔyɛle la, zɔhane ala a Sonla Ra ne ɛralɛ noko bayɛ a. Kɛmɔ kenle ne mɔɔ li azuyilɛ ne anyunlu, bɛlile aleɛ aleɛ, na bɛnlonle, bɛyɛle agyalɛ nwuanzanwuanza bɛhɔkpulale kenle ne mɔɔ Nowa hɔwolole ɛlɛne-sua ne anu, na bɛannwu ye dedee kɔkpula mekɛ mɔɔ azule ne yile na ɔrapianle bɛ kosooti ɔhɔle la, zɔhane ala noko yɛɛ Sonla Ra ne ɛralɛ ne bayɛ a.