MATAYO 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

«Sɛngɛni ko bopakeni; hombani ko wadiakeni; bomani ko bodipoakeni.

Tengasa moto okahɔdje, bodiaka; okahombe, boenɛkɛ ko okabome ta gbulu, bomodipoaka.

«Na bea, moto mosusu oki mibalo misabala mbi ko amisi ta mosala aboani na moto obowɛi yona otonga ndako e nde ta diko i ibanga.

«Misusu mikapaleno boo bato bakina bokɔmeni, ino pongono kɔni bea adi bo, tengasa edi bileho bi mobeko ko na bi ba mbaeli ba Ndjakomba.»

Endolo ndjea yena e embamba ko e kpɔkɔsɔ ekalome bato ta mohelo; oko bato bakɛkɛ bakaenɛ.»

«Kweani ta ekukɛ e embamba, tengasa ndjea yena ebhuda ekalome bato ta ibunga; bato banɛnɛ edi bia bakanɔe na ndjea emina.

Ekadabo ino bato babe, odjebini bopani adi bana ba bino leka lopele, na bea moda ndani Sange e bino yona odi o diko, apɛtebi leka lopele adi bia bamosɛngɛkɛ?»

«Pɛ bosambedjani, tine basakosambedja. Tengasa baosambedjabini moda mokasambedjeno bakina. Oko na mwɛngi mokaengɛe na nu bato, boengɛbini oko na mu.

Endolo moto mosusu yona oki mibalo misahula mbi abala ko amiti misa ta mosala adabi elenge endanga yona etongaka ndako ta diko i mbume.

Tina ndani waendjaka ebumbu edi ta diso i mwange e wɛ, na bea otaenɛkɛ ibaya idi ta diso i wɛ? Moda ndani oboani bobala na mwange e wɛ: “Mwange e mbi, kina nodongedje ebumbu yena edi ta diso i wɛ”, na bea odi na ibaya ta i wɛ diso?

«Daani na engɛlɛ na ba mbaeli ba boloa. Bakadue adi no elenge bhata, endolo ta tei e bobo badi elenge swa ba bobila. Obadjebabini na misala mi bobo. Tebabuke mbuma i vino ta mole mo ndjubɛ, nongo mbuma i pigi ta mole mo ndjubɛ.

Mole mopele bobotaka mbuma ipele ko mole mobe bobotaka mbuma ibe.

Mole mopele motabota mbuma ibe nongo mole mobe motabota pongono mbuma ipele.

Mole mosusu mokadae pɛ bobota mbuma ipele mokwɛlɛmɛbi ko modumbamabi ta mosa.