LUKA 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Anɛ ehilaki banto bankuma yunama, Yesu mpe aunamɛ. Elaka eyalaki nde nde lɔbɔndɔ, liko yolipwa mpe Bolimo bo Bɔyɛngwa bobohulwelɛ lɔnsɛi embenga. Lyoi imɔɔ yokiɛ ima nde lobola: «Wɛ oyali bona okimi opendɛ emi yolanga; ibulwako ikimi inkuma iyali nko eka wɛ.»

Yowane abahangelɛ ibɔ bankuma: «Emi, nduuna nde bahi; bonto uuko oye mbuha ekimi, andeka emi la nguya: emi ntiɛli la la ilɛngɛ ilitola bonsinga nde bikote bikinde. Nde, angooluuna la nguya eeki Bolimo bo Bɔyɛngwa mpe la ntyɛ.

Loolya besala be bɔlɔti belakya mbɔ lwendjɛ bihɛlɛlo; talotake yohangaka nyo bamɛlɛ: “Abalayama ayali ihe ekinso.” Itina ndobela Ndjakomba aɔhɔ yɔkɔhɔ babɔkɔ banɛ baɛnɛ nyo anɛ, akitye bakɔ bana baaki Abalayama!

Aiko wambɔ ihwa ingwɛlɛmɛ nde belubo: Bote bopobote mmuma i bɔlɔti bangoobopupola mpe baoboboka nde ntyɛ.»

Yokelama nko ndenge ɛkɔtɔki ntepeli Isaya: «Bonto ɔmɔɔ alika bobeki nde bokili bo bɛkɔngɔ: Lobɔngya ndjela eeki Nkolo, lohembola bɛlɔli biiko. Bibɔkumela binkuma bingoyoyama, ngomba la byɔngɔ benkuma bingohulwa, ndjela i bakumba ingohembwa mpe beboko be babɔkɔ benkuma bengoyalema. Nkamba banto bankuma bangwɛne lobiko lɔnɛ luuma eka Ndjakomba.»